Efees 3:1 - Kwatay (Kuwaataay)

¹ Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Efees 3:1 ပူးပေါင်းရင်းမြစ်များ

Hirim Heetoofe hu hi Luk akiñje hu 21:12

Bare bala bondu bibaj, bakan kajokuuun, ni káhihinooruun, ni kaja n'aruun ti *ñáalawum ñu keejoonanuun toko, abe ni kakuluun. Boko kásikuuun kasaan bákayi ku n'eseef i uŋu húuma hu.

Epotor i 21:33

Aseef ite esulaan i n'atof areeŋ Pool, n'ajoko, abe n'aane kakobo ni ñaasel ñúsuba. Ahaban, n'ákandijen ésuk i akina aamo fu aañ, ni naŋ n'áhine fu.

Epotor i 23:18

Faaf ite esulaan i n'aja ne o t'aseef u abe n'aane: —Pool eekulee u aruwamruw, abe n'aanam ibini n'ahaawa onde, ábuki ákooki bike bite kasokii.

Epotor i 26:29

Pool n'aano: —Ahil iye man yooŋ n'afiyee, íñj'endu ti kalawu Atambatun, isokut kaanuku bija t'awe unooni, bare bija yooŋ ti keejamatan kee úmiye t'íñje fe, man n'áriyemi naane íñje, abin aŋeñen ti ñaasel ñonde!

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

2 Korent 1:6

Hih'irijuk iye sílaam, kaanuku fu iriibeetooruun, abe n'arifak. Abe h'Atambatun aa abeetoor uni, kaanuku fu man n'iribeetooruun áriiyini yooŋ bújokumooro ti sílaam su naane sonde sins'irijuk iye.

2 Korent 10:1

Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak:

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

Galasi 5:11

Kújakuwe, arko múniyo iroŋa ti kawaare ésuk i eeniin kawarawar kateyi karam, n'iroŋ fíya ti káhihinooree? Arko fu yéeni múniyo, an man aŋk'átaañian t'íñje ti bimb'iwaare bite eket ite Kiris *t'ekuruwa i.

Galasi 5:2

Íñje Pool eenuun i: af'árisik kikawuun arinaŋ ti *kateyi karam kaanuku man n'ariloh Atambatun, Kiris man aŋk'abaj t'aruun éñjeriŋ.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Efees 3:11

Bondu bibajabaj naane t'Atambatun afiye du aane o káhinu bo, abe hahiye áhina bo ti Yesu Kiris Anahaan ite úne.

Efees 3:13

Náami íñj'endu ti kaanuuun siheluun utum súbujo iŋi naane eemo i ti kajuku sílaam uŋu hoonuun hu. So site káwutiyenuun kániku.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 6:20

Íñje an eeboñee kawaare Hirim honde Heetoofe hu, bija naane eemo ee t'ekulu i fe. Náami arilaw man n'iŋ'iwaare ho ni hikaw heeyaŋge naane iware i bo káhinu.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

Kolos 4:18

Kasaafu konde, íñje Pool inoŋke fu iikiñj ko n'emoŋiam. Atum'arifiil kaanuku íñj'endu t'ekulu i. Atambatun aja ásoniyanuun arireyi fe.

Kolos 4:3

Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

2 Timote 1:16

Onesifoor bare nu butoŋ boone, Atambatun aja áwufooriin kajaku koone. Ábuki akina af'afand karooŋan eholam, aanut yooŋ ífuñinanafuñinani te o naane eemo ee t'ekulu i.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

Filemoŋ 1:1

Íñje Pool eekulee u aŋarkeyi naane iŋ'iwaare Hirim Heetoofe hite hu Yesu *Kiris ikiñje fee eleetar yende. Íñje n'ati wane Timote írikiñjini fee, awe Filemoŋ, áwiy uni bajen eeemo u burok úne bifeeneŋ.

Filemoŋ 1:23

Epafuras eeemo u n'íñje t'ekulu i iŋ'ite hu Yesu *Kiris asaafi.

Filemoŋ 1:9

Bare íñje kalawii bonde aŋarkeyi naane wáamaŋiooramaŋioori. Íñje Pool t'ihaane dee, abe yooŋ hahiyu ikuleekul aŋarkeyi naane iŋ'irok bija ti Yesu Kiris,

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.