Efees 2:8 - Kwatay (Kuwaataay)

⁸ Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Efees 2:8 ပူးပေါင်းရင်းမြစ်များ

Májiye 16:17

Náami Yesu eeeno: —Atoof t'awe Simoŋ, añi ite Sonas, ábuki húŋgowulaniit áwufoori fu bondu, bare Faafam eeemo u t'etiir.

Májiye 20:9

Eroka i kéesifee ku kaanendan ku ni kajab kabin, abe ni kajaamee huruw bajaam bite hunak ñeeba.

Mark 16:16

An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

Hirim Heetoofe hu hi Luk akiñje hu 7:50

Bare Yesu n'aane anaare u: —Káyilen kúuwe kifakani; a̱ja káasuumaay.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 6:44

An ayinaat bibin t'íñje ti Faaf u éeboñinam u áñakinuto, abe íñje karitano t'eket i tu hunak hiraanu hu.

Saaŋ 6:65

N'áwutiyen aane: —Iŋ'ite ho h'eenuun fu an ayinaat bibin t'íñje ti Faaf u awunuto sembe sondu.

Epotor i 13:39

Te o t'an fe éeyilene ayino fu karamiee tu wuhoofoor woone, bare Eluwa yite Moyis eyinaatuun karamu tu wuhoofoor wu.

Epotor i 14:27

Hi kareeŋe hu Antiyoos, ni kakuukan kéeyilene ku, abe ni kasokiin naŋ n'Atambatun áhine fu nu boko fe, nu buŋ b'áfeŋgine fu keenooto ku Esuwif karuŋ kite káyilen ku.

Epotor i 15:11

Íriyilenayilen bare kaanuku Anahaan u Yesu afakanafakan úne ti kajaku koone, naane yooŋ boko keenooto ku Esuwif.

Epotor i 16:14

Ake ti haare hondu huruwu hoone Lidi, buroko kajoohenan bípiis beelaañe beeseere naane. Akina ite Tiyatiir, abe ájeŋginajeŋgin Atambatun. N'ajamatan, abe Anahaan u n'áfeŋgino búwejet kaanuku eenaŋ hikawo ti bu Pool áyemie bu ti kasoku ku.

Epotor i 16:31

Ni kaano: —Á̱yilen t'Anahaan u Yesu, abe n'aŋ'a̱fak, awe ni bakate ku t'awe.

Eleetar i yi Pool akiñje i bakate ku Rom 10:14

Bare buŋ bi kaja fu karuwio ti káyilenut te o? Buŋ bi kaja fu káyilen te o ti kajamut huruwu hoone? Buŋ bi kaja fu kajamu huruwu hoone ti kabajut an eesokiin ho?

Eleetar i yi Pool akiñje i bakate ku Rom 10:17

Náami káyilen ku iŋi kibin ti kajamatan kite báhamin bu, abe báhamin bondu uŋu búnuutin ti kasoku kite hirim hite hu Kiris.

Eleetar i yi Pool akiñje i bakate ku Rom 4:16

Náami b'Atambatun aane bu o kawunu, káyilen kíkinineŋe fu, kaanuku t'áami kawunu kite kásoniyan, abe ni kíyemi kite ku bakañi Aburaham kareyi fe. Kíteiit kéejeŋgine ku Eluwa i barebare, bare kite yooŋ kéeyilene ku káhabanein naane Aburaham. Akina faaf úne úreyi fe,

Eleetar i yi Pool akiñje i bakate ku Rom 4:5

Bare an éesike eyakar yeene anaŋ t'Atambatun, abe ajokooreit an éejube t'Atambatun uŋu burok beejake bamb'áhin, Atambatun aa ajok ehoofoora i kéeyilene ku te o bakan kéejube, kajuku ti káyilen koone n'aŋ'ajoko an éejube.

Eleetar i yi Pool akiñje i bakate ku Rom 9:16

Náami bondu biŋeñenut ti sembe site húŋgowulan man yooŋ ti kámaŋi koone, bare t'Atambatun kep aa ayubiyen.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

Efees 1:19

Ímaŋamaŋi yooŋ árimeyi sembe sómbombokun su sunsu surok t'úne *kéeyilene ku. Sembe sondu sómbombokun su, Atambatun átumbatumba áwufoor so

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Kolos 2:12

*H'aribostee hu, anokooreenokoor kite arihokeehok ni Kiris, abe n'ariritanee yooŋ ne o, ábuki áriyilenayilen ti sembe site Atambatun eeritano u t'eket i.

2 Tesalonik 1:9

Kúnuur ki kaja ku kajuku keemo fu konde: boko bútowuto hiraanu, keekamboor sat n'Anahaan u, ni sembe soone séenike su.

Esuwif i 6:4

Abajeebaj bakan ku múniyo mite Atambatun múmuse kajaaŋan, ni kajeken yooŋ tu doon d'Atambatun dand'awun, abe ni kabaj Búwejet Beenabe bu.

1 Piyeer 1:5

Naane aamo i áriyilenayilen te o, o kajukaruun ni sembe soone kaanuku eebin eefakanuun. Bondu kámeyiee tu hunak hiraanu hu.