Efees 2:3 - Kwatay (Kuwaataay)

³ Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

Efees 2:3 ပူးပေါင်းရင်းမြစ်များ

Mark 4:19

Bare biyinoor bite t'etaam ye, sírirem su sunsu subuut iye, ni bimero bite baabu buroon uŋu bubuuf ho, abe utu hubukoor.

Saaŋ 1:13

Íŋiiit naane aamo i kabukeebuk naane húŋgowulan aa abukee aamo fu káyemia bakañi Atambatun. Bare kaaneeen boko bakañi Atambatun ábuki Atambatun abukiin fu.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Epotor i 14:16

Kóyin sifaaf, awasawas biheet bu fe keejok bítim beetoofiin bu.

Eleetar i yi Pool akiñje i bakate ku Rom 1:24

Iŋ'ite ho h'Atambatun awasiin fu iŋi káhin buroon *beekuurut bi kámaŋie bu tu ñúwejet ñooniin, kasooñen n'iŋi káhinoor ti siniiin buroon béefuñinanie.

Eleetar i yi Pool akiñje i bakate ku Rom 11:30

Hítiyar hu árijeŋginut Atambatun. Bare hahiye Atambatun ayubiyenuun, ábuki Esuwif i kateñekateñeko kájeŋgino.

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Eleetar i yi Pool akiñje i bakate ku Rom 2:14

Bakan keenooto Esuwif, kéemeyiit yooŋ Eluwa yite Moyis, abe ni kanoŋk kéehin naane esoke i, hutoof kámeyiit Eluwa i, káwufoora kaanuku kámoomi naŋ ni kaware fu káhinu.

Eleetar i yi Pool akiñje i bakate ku Rom 5:10

Úne yéeni enatoora Atambatun; bare áhina núubukan ne o t'eket ite Añi oone. Abe makamu hahiyu Añi oone ondu tu buroŋ, abe úbukana, buŋ b'atuf'afakan úne ariike?

Eleetar i yi Pool akiñje i bakate ku Rom 5:9

*Kaasarah koone kíkinineŋakinineŋ Atambatun n'ajok úne hahiye bakan kéejube. Buŋ b'atuf'afakan úne yooŋ ti kayiŋat kite Atambatun?

Eleetar i yi Pool akiñje i bakate ku Rom 6:12

Kaahoofoor ku kuwarut iŋki kabaju sembe ti sini soonuun seeemo su iŋi siket, kiyak iŋi kitiŋguun áriihin wúfaŋi wute te so.

Eleetar i yi Pool akiñje i bakate ku Rom 7:18

Ímoomi kaanuku meejake mu munooto t'íñje, butum t'íñje eeemo u húŋgowulan barebare. Múniyo iŋ'ímaŋi káhinu meejake mu, bare ibajut sembe sondu.

Eleetar i yi Pool akiñje i bakate ku Rom 9:22

Atambatun ámaŋamaŋi káwufoor kaanuku ayiŋatayiŋat ti bakan kéesufano ku ehol, abe ni kajar kayooliee, kaanuku man sembe soone nu sujukee tu boko. Bare áhinut bo, ámuñaliinmuñal dómbombokun.

1 Korent 4:7

Kame aañ áhinuun fu ariihaŋ bakaaku? Átambatuniit awunuun fu doon d'aribaje du fe? Makamu iyu i bije fu, iŋi naŋ n'af'arisaŋg nu doon d'aribaje du kite áruuniit ariwunee do?

2 Korent 7:1

Kújakuwe, aruun k'ímaŋie-maŋie ku, makamu Atambatun aanaan o káhinu úne bondu fe, úkuuranooro tu buroon bu fe bumbu bubuusatan sini su nu ñúwejet ñu. Úbaj buroŋ bite bakan keenabe kareeŋ, abe n'úkoleyi Atambatun.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

Efees 2:2

Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Kolos 1:21

Hítiyar hu, aruun yooŋ arikambakamb Atambatun, árimoomi enatoorao iŋi meejakut mamm'ariyinoor, ni mamm'árihin yooŋ.

1 Tesalonik 4:13

Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar.

1 Tesalonik 5:6

Náami utum'úŋot naane bakaaku; bare úniyo, abe n'újok kikaw úne.

1 Timote 6:9

Bare kéemaŋie ku ebaj yeeniin ehah, Setani abuutiin. Kajokee t'éfiir ite wúfaŋi úkaan weeñunut, abe yooŋ wujakut. Uŋu wúbuj ésuk i, abe yooŋ uŋu wútowutaniin hiraanu.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

2 Piyeer 2:14

Kikawiin fe kondu ti haare hu, kaanuku man ni kaŋot nu boko. Kálaamaariit hikee ti káhinu kite wuhoofoor wu, abe iŋi kabuut bakan keejokut ku alitee ti bítim bite *Kiris. Kabaju sírirem taŋ keemo fu ti kikawiin. Bokondu Atambatun áwuumiinwuum!

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.

1 Saaŋ 2:16

Ábuki buroon bite t'etaam i búmoomi naane bonde: wúfaŋi weejakut wu wute kúŋgowulan ku, bimero bite doon fe deejukee, ni biyitooro bu iŋi ebaj i. Bondu fe t'Átambatuniit t'ufu búnuutin, bare t'etaam i.

1 Saaŋ 2:8

Bare eluwa yende y'ikiñjuun yee éyeni yooŋ. Múniyo mite te yo mujukeejuk ti *Kiris, ni t'aruun yooŋ, ábuki ébaani yendu ti bija bútowuto, abe meejaaŋe mite mu nu múniyo miheeka méeŋaasin.