Efees 2:2 - Kwatay (Kuwaataay)

² Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.

Efees 2:2 ပူးပေါင်းရင်းမြစ်များ

Májiye 11:19

*Añi ute Húŋgowulan hu n'abin, aŋ'añoofo abe n'áhujo, ni kaane: “Áriheelin t'áyin ondu! Buñoofo taŋ n'éwusan! *Esaa yite búhal bu ni bísambaŋ bu kaamo fu bákawiyo!” Bare káwasi kite Atambatun, tu burok boone beejake bu t'ifi kikeetanee.»

Májiye 13:22

Bakaaku kámoomi naane sinawaay seeneye su t'arkee du esisa. Boko kaamo fu kiŋki kajam hirim hu jak. Bare biyinoor bite t'etaam ye, ni sírirem sunsu subuut iye, bondu uŋu bubuuf ho, abe utu hubukoor.

Májiye 13:38

hitaaŋaat hu heemo fu aduna i; sinawaay su seemo fu bakate ku ti *Jáyi jite Atambatun; husuwa hu heemo fu bakate ku Setani;

Mark 4:19

Bare biyinoor bite t'etaam ye, sírirem su sunsu subuut iye, ni bimero bite baabu buroon uŋu bubuuf ho, abe utu hubukoor.

Hirim Heetoofe hu hi Luk akiñje hu 16:8

Husaanum hu n'asokoroor aroka éejubut u ti kámuusu koone kondu. Ábuki keeemo ku t'ébaani i kahaŋahaŋ keeemo ku ti meejaaŋe mu kámuusu tu buroon bimbi káhinoor.

Hirim Heetoofe hu hi Luk akiñje hu 22:31

Yesu n'aane: —Simoŋ, héyi? A̱naŋ toko hikawi: Atambatun awuna Setani bítim kaanuku eebin eeyoŋoŋanuun naane étiif aa ámiñee, t'áwaajinoor bajal bu n'eyotokaay i.

Saaŋ 12:31

Kajoonan kite bakate ku t'etaam ye kireeŋa; kákutoor kite Setani aseef ite te yo kireeŋa yooŋ.

Saaŋ 13:2

Yesu n'eriboora yeene ni káyemi tu buñoofo éhijiima. Suda, añi ite Simoŋ Iskariyot, Setani káaheekin éefuwo wúkondin kaanuku eebin eejoohen Yesu.

Saaŋ 13:27

Hi Suda ajoke hu amburu u kep, Setani n'ayoosoo. Yesu n'aano: —B'a̱ja bu káhinu, a̱moken te bo!

Saaŋ 14:30

Iroŋut káhamin n'aruun akamb iye, ábuki aseef ite etaam ye ondu ti bibin. Múniyo abajut sembe t'íñje,

Saaŋ 15:19

Arko yéeni aruun bakate t'etaam ye, n'iŋi kámaŋiuun, ábuki n'aŋ'áriyemi k'afeeneŋ ku. Bare aruun bákateiit t'etaam ye, ábuki ijifanuunjifan, abe n'íkajinuun; aŋkut árihin nu boko t'afeeneŋ. Iŋ'ite ho h'ésuk i ehuufuun fu.

Saaŋ 16:11

Kabuutabuut kikawiin ti majoonanar mite Faaf u, ábuki aseef ite etaam ye ajoonanee ahaban.

Saaŋ 7:7

Ésuk i ebajut húkuuseima kaanuku keehuufuun. Íñje bare, kahuufamhuuf aŋarkeyi naane iŋ'isok t'etiir kaanuku buroon bimbi káhin bijakut.

Saaŋ 8:23

Yesu n'aaniin: —Aruun bakate t'etaam, abe etaam i ékiniuun fu. Íñje bare ite t'etiir, abe etaam i ékiniitam.

Saaŋ 8:44

Setani aamo fu faafuun, abe beetoofo bu b'af'árimaŋi káhinu. Huta hu ti kájabina ku, aŋ'ayool ésuk i. Ásokaariit bifeeneŋ, ábuki múniyo mu munooto te o. Af'ajuus yooŋ, máhaminaro, ábuki akina ajuusa, abe akina átuute fu haajuus.

Epotor i 19:35

Hireeŋ toko, ake t'eseef ite hikinu hu n'áhin hahooja hu heekoowan abe n'aane: —Aruun bakate ku Efees, abajeebaj fíya an éemeyiit kaanuku Efees ékinie fu enuuf ite Artemis eehahe u, nu búnokoorum boone béeneyina bu tu bufor bu?

Epotor i 5:3

Náami Piyeer eeeno: —Anañas, buŋ b'a̱sooñe fu a̱was Setani eeyooso t'eholi ayak abin áami a̱juusa Búwejet Beenabe bu, abe n'á̱nuus ti sírirem s'a̱baje su h'a̱joohene hu hitaaŋaat hu?

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

1 Korent 5:10

Ímaŋiit bare kágiilool toko bakate ku t'etaam ye kiŋki kafurukato, ni kiŋki kamero buroon bite bakaaku, ni kákuwat, man yooŋ n'iŋi kawaasen. Kaanuku ariiteyiin kareyi fe, aamo fu kame ariwarawar kanuutu t'etaam ye!

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Efees 1:21

Toko diyu ti Kiris anaŋee fu t'etiir emalaka i fe, n'eseef i, ni bakate sembe su, ni bákayi ku. Anaŋeenaŋ t'etiir huruwu hánohan heeyino karuwiee, káanukiiit hahiye barebare, bare bija kóyinokoyin.

Efees 2:11

Aruun keenooto ku Esuwif ti kabukiee, áribaŋino naane áriyemie i hítiyar hu. Esuwif i iŋi *katey karam, abe doon dondu dindi káhin ti siniiin barebare díkinineŋe fu ifi kámaŋi karuwuuun, n'iŋi kaanuun «keeteyit ku karam».

Efees 2:13

Bare hahiye, naane aamo i árihina t'afeeneŋ ni Yesu Kiris, aruun kéekambaanie ku Atambatun aŋkut arikambo iŋ'ite halan hite Kiris héeyuusee hu.

Efees 2:3

Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

Efees 4:17

Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Efees 5:6

Kunoŋk naane kondu ifi kíkinineŋ Atambatun n'ayiŋat ti kiŋki kateñeko kájeŋgino. Náami an atum'abuutuun ni báhamin beeñunut.

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

Efees 6:12

Ábuki fu újeit étuum nu kúŋgowulan, bare étuum nu ñúwejet ñeejakut ñu ñeeemo ñu t'etiir, ni bakate sembe su, ni siseef su, ni keekino ku sembe su t'etaam ye yeeemo i t'ébaani.

Kolos 1:21

Hítiyar hu, aruun yooŋ arikambakamb Atambatun, árimoomi enatoorao iŋi meejakut mamm'ariyinoor, ni mamm'árihin yooŋ.

2 Timote 4:10

Ábuki Demas ateyamtey aŋarkeyi naane buroon bite bu t'etaam ye b'ámaŋie fu, abe aja Tesalonik. Kiresens aja Galasi, abe Tit aja Dalmasi.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

Saak 1:7

An naane ondu awarut kayinoor ti hikawo n'aŋ'aane o kabaju dike doon t'Atemit,

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

1 Piyeer 4:3

Múniyo kóŋkeyin arifiyafiyo aa ti káhinu kite buroon bi kéeyilenut ku bimbi kámaŋi káhinu. Árikinaanakinaani tu huŋotu hu ni bakan k'ariseñeit ku, nu wúfaŋi weejakut wu, n'éwusan i, ni kahahan ku tu buñoofo nu tu búhujo bu, nu wuwaasen wute ñájiim ñu, abe bonde búfuñinanafuñinani.

2 Piyeer 2:14

Kikawiin fe kondu ti haare hu, kaanuku man ni kaŋot nu boko. Kálaamaariit hikee ti káhinu kite wuhoofoor wu, abe iŋi kabuut bakan keejokut ku alitee ti bítim bite *Kiris. Kabaju sírirem taŋ keemo fu ti kikawiin. Bokondu Atambatun áwuumiinwuum!

1 Saaŋ 3:10

Tu bonde ti biñi bite Atambatun kawayee fu ni biñi bite Setani: an fe éehinaariit beejake, man yooŋ éemaŋiit at'o, an ondu anooto añi ite Atambatun.

1 Saaŋ 3:8

An eekine ti kaahoofoor, akina an ite Setani, ábuki Setani ahoofoorahoofoor huta hu ti kájabina ku. Bonde bíkinineŋe fu Añi ite Atambatun n'abin: kaanuku éebuj burok bite Setani.

1 Saaŋ 4:4

Kúñuumo, aruun bare bakan bakate Atambatun, abe arikalakalo kiŋki kajuus kaane boko kaamo eyiŋana yite Atambatun. Ábuki Búwejet beeemo bu t'aruun bihaŋahaŋ sembe beeemo bu ti bakate ku t'etaam ye.

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

1 Saaŋ 5:4

ábuki añi fe ite Atambatun áyinooni kaheeku buroon beejakut bite bu t'etaam i. Ti káyilen kite k'úne t'uf'úheek buroon bondu.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 13:14

N'ebuut bakate t'etaam i nu buroon bómbokun bemb'éhin beehaŋe bu ésuk i kikaw, b'ewunee bu kaanuku yéehin tu buhooŋu éndakakureŋ étiyar i. Ehaban, n'eene ésuk i éhin búwisenum beenokoore n'éndakakureŋ yeenufanee i yéeni ni kábura, abe bare n'eroŋ.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 16:17

Amalaka atoken u ni bákasuba n'áyuus ekot yeene t'eyam i. Kaaji kómbokun ni kíhaminn t'enuuf ite Atambatun, t'eriikeey ite híyiaate hu keene: «Hahiyu ahabanee!»

Kafeeñal ku 20:2

N'ajok éjufuur i, doon dúbuunaay dihaan du dindi kaane Batuuk bu man yooŋ Setani, abe n'afaak yo ni baasel bu bija simit éñjune.