Efees 2:18 - Kwatay (Kuwaataay)

¹⁸ Ti Kiris t'úyino fu kaŋaasu úreyi fe, Esuwif i ni keenooto ku Esuwif, núusiiŋo hágila Faaf u ti sembe site Búwejet bifeeneŋ Beenabe bu.

Efees 2:18 ပူးပေါင်းရင်းမြစ်များ

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Saaŋ 10:7

Yesu n'asooñ aane: —Iisokuun bifeeneŋ bu: íñj'eemo fu karuŋ kite ékus ite síkarniina su.

Saaŋ 10:9

Íñj'eemo fu karuŋ ku. An eeŋaase u t'íñje, o kafaku. Áyinooni buyooso abe n'ánuutin, abe akina kabaju eehoofooro.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

Eleetar i yi Pool akiñje i bakate ku Rom 8:15

Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

Galasi 4:6

Béewufoore bu kaanuku nu múniyo aruun bakañi Atambatun, beemo fu áboñinoboñin tu suhol site s'úne Búwejet bite Añi oone. Búwejet bondu iŋi bíhin úne núutaŋk úene: «Aba! Faafa!»

Efees 3:12

Naane úhine i t'afeeneŋ ni Kiris, abe n'úyilen yooŋ te o, úbaja bítim bite bisiiŋo hágila Atambatun n'eyakar, kikaw úne káayaŋgin.

Efees 3:14

Iŋ'ite ho h'if'íyemi ti kalawu bija t'aruun, iŋ'íjiŋgitan hágila Atambatun Faaf u,

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Efees 6:18

Naane biyino i káyemi fe, arilaw Atambatun ko kireyi fe naane Búwejet Beenabe bu biyakuun i káwufoor. Siheluun síniyo, abe n'aŋ'arilaw kep bija ti bakan kite Atambatun kareyi fe.

Kolos 1:12

Ariene Faaf u eyeehen, akina éehinuun u áriiyini kabaju húrub t'ebaj y'anaŋe i bija ti bakan k'akino ku ti Jáyi jite meejaaŋe mu.

Esuwif i 7:19

Múniyo *Eluwa yite Moyis éhinut an fe *eekuur. Bare Atambatun áhinahin úne núuyakar bike beehaŋe Eluwa i, abe bo bíkinineŋe fu n'úloho.

Saak 3:9

Ne ko n'uf'úsokoroor Atemit Faaf úne, ne ko yooŋ n'uf'úwuum bakan úne kúŋgowulan k'Atambatun áwuwane ku kanokoor ne o.

1 Piyeer 1:17

Aruun ti kalawu, aŋ'ariene Atambatun «Faafa». Bare aŋ'ajoonan kúŋgowulan ku fe aliik huruw tu doon d'aroke du, abe ásokumaariit. Iŋ'ite ho aamo fu tu kunak keeŋeñenuun ku t'etaam i, áriwufoor ti máhinar moonuun naane arijoko i nu sumoŋu súsuba.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

Eleetar i yi Sud akiñje i 1:20

Kújakuwe, aruun k'ímaŋie-maŋie ku, aruun bare, arihaŋ bija hágila ti káyilen koonuun keenabe ku. Aŋ'arilaw ni sembe site Búwejet Beenabe bu.