Efees 2:12 - Kwatay (Kuwaataay)

¹² Áribaŋino kaanuku kóŋkeyin arikambakamb *Kiris; árigiiloolutee ti bakate ku *Israyel; árigiiloolutee yooŋ tu *wujamoor w'Atambatun ajamoore wu nu boko. Árimoomi naane emoosoora. Arikinakin t'etaam ye, bare aribajut yéeni eyakar, árimeyiit yooŋ Atambatun.

Efees 2:12 ပူးပေါင်းရင်းမြစ်များ

Hirim Heetoofe hu hi Luk akiñje hu 1:72

Asokasok kaanuku o káwufoor sifaaf úne kajaku koone, abe o bíbaŋino *kaajamoor keenabe ku ki kajamoore ku.

Saaŋ 10:16

Huroŋam yooŋ sike síkarniina seeyoosoorut t'ékus yendu. Sondu, iwarawar bibin ne so. So yooŋ kajamu kaaji kúuma, abe n'aŋ'abaj kaahaaw kifeeneŋ taŋ, n'ahaawa yooŋ afeeneŋ.

Saaŋ 15:5

«Íñj'eemo fu nunukanuk nu, n'áriyemi biland bu. An eejoke u t'íñje, abe n'ijok te o, o kabukoor miriyaay úkaan, ábuki ariyinaat káhinu doon fe t'inooto.

Saaŋ 4:22

Aruun bakate ku Samari, árimeyiit aañ af'arilaw. Uni Esuwif i, írimoomi aañ if'irilaw, ábuki Atambatun aanaan o kaŋaasu t'Esuwif i eefakan ésuk i.

Epotor i 2:39

Ábuki aanaan o kawunuuun bo, aruun, ni bakañuuun, ni keekine ku t'akambe, bija yooŋ ni k'Atemit Atambatun ite úne ayak ku karuwu kareyi fe.

Epotor i 28:20

Iŋ'ite ho h'íboñina fu boonuun kaanuku iijukuun núuhamin. Múniyo iŋ'ite an u i *Israyel kayakare u te o hi kakobam fu baasel bonde.

Epotor i 3:25

Aruun arikino fu b'eyiŋana yite Atambatun kasoke bu, ni *kaajamoor k'Atambatun ajamoore ku ni sifaafuun h'abine hu aane Aburaham: “Íñje kásoniyan butoŋ-toŋ fe t'etaam ye, abe kásoniyan kondu iiŋaasan ko ti keeyak ku kánuutina tu noota núuwe.”

Eleetar i yi Pool akiñje i bakate ku Rom 9:8

Aamo fíiit biñi bite Aburaham kaamo fu bakañi Atambatun kareyi. Bakañi Atambatun nu múniyo kaamo fu keebukee ku naane t'anoŋke du eesok.

Galasi 4:8

Hítiyar hu, t'árimeyioorut Atambatun, aruun búsukateen yéeni bite buroon beenooto etambatun ite nu múniyo.

Efees 2:19

Náami aruun keenooto ku Esuwif, aŋkut áriyemi emoosoora, man yooŋ bakan kéenuutina tike tiŋ. Hahiyu árihina t'afeeneŋ ni bakan kite Atambatun, aruun bakate tu butoŋ boone.

Efees 4:18

abe kájokaariit doon fe. Kabajut buroŋ b'Atambatun bamb'awun, ábuki kámeyiit doon tus, abe ñúwejet ñooniin yooŋ iŋi ñíbaani túruk.

Kolos 1:21

Hítiyar hu, aruun yooŋ arikambakamb Atambatun, árimoomi enatoorao iŋi meejakut mamm'ariyinoor, ni mamm'árihin yooŋ.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

1 Tesalonik 4:13

Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar.

1 Tesalonik 4:5

abe atum'awas wúfaŋi weejakut wu weehaŋo sembe, naane *kéemeyiit ku Atambatun ii káhin.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

1 Timote 1:1

Íñje Pool ikiñje fee, íñje *apotor ite Yesu *Kiris naane t'Atambatun *Afakana ite úne, ni Yesu Kiris eeemo u eyakar ite úne kasoke du.

Esuwif i 11:34

kahokahok sineemak sómbokun hífeeneŋiit, kafakafak yooŋ ti kéemaŋiiin ku kayoolu nu wúbura. Kabajut yéeni sembe, bare kabinabina kabaj so. Kákolinanakolinani ti hitiik, abe kateyoorateyoor n'esulaan bakate ti bike búsuk.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

Esuwif i 8:6

Bare hahiye Yesu asaaneesaan burok beejaaŋee bite esaraha i bakaaku, ábuki akina aamo fu t'etut Atambatun nu kúŋgowulan ku kaanuku eesiiŋan *kaajamoor keehaŋe kite ku kóŋkeyin. Abe b'Atambatun asoke bu ti kaajamoor konde aane o kawunu úne bihaŋahaŋ katoofu bite bu kóŋkeyin.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Piyeer 3:15

Bare arijok *Kiris tu suhol soonuun naane Anahaan oonuun. Arifare ko kireyi fe kásafin an fe eeyakuun kákandijen iŋ'ite eyakar yeeemo i t'aruun.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.