Efees 2:10 - Kwatay (Kuwaataay)

¹⁰ Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Efees 2:10 ပူးပေါင်းရင်းမြစ်များ

Májiye 5:16

Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

Saaŋ 3:21

Bare an u aa áhin beejake bite bu nu múniyo, aŋ'abin ti meejaaŋe mu, ésuk i keejuk kaanuku bamb'áhin biriibariib naane t'Atambatun ámaŋie du.

Epotor i 9:31

Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Epotor i 9:36

N'abaj ake anaare ti bakate ku Sope *kéeyilene ku, huruwu hoone Tabita (ti *kigerekaay iŋi kaane «Dorkas», aamo fu «huboŋk»). Anaare ondu, buroko káhinu meejake kep, ni káyokunan keebajut ku.

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

2 Korent 5:5

Abe Atambatun humuumo afaree fu úne bija tu buroŋ bondu. Ajabajaba awun úne Búwejet Beenabe bu, beekuur úne kaanuku aroŋa kawunu úne eke ebaj.

2 Korent 9:8

Abe Atambatun áyinooniuun kawunu beejake bánoban ahahan, kaanuku ko kireyi fe n'aribaj doon fe d'arisawulee du, abe ni diŋeñen yooŋ bija ti káhinu kite meejake mánoman,

Galasi 6:15

Kateyi karam man yooŋ kateyaate karam, bondu bibajut éñjeriŋ; beeemo bu toko beemo fu Atambatun awun úne buroŋ bíyeni.

Efees 1:1

Íñje Pool eeemo u *apotor ite Yesu *Kiris naane t'Atambatun ámaŋie du, íkiñjinuun fee aruun bakate ku Efees k'Atambatun akino ku, kéejeŋgine ku Yesu Kiris.

Efees 1:4

T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

Efees 2:13

Bare hahiye, naane aamo i árihina t'afeeneŋ ni Yesu Kiris, aruun kéekambaanie ku Atambatun aŋkut arikambo iŋ'ite halan hite Kiris héeyuusee hu.

Efees 2:15

Akina aneyane fu *Eluwa yite Moyis, nu buroon b'esoke bu kaanuku iŋi bíhinee. Iyu a akuukane fu Esuwif i ni keenooto ku Esuwif kéeyemi te o an afeeneŋ áyeni, káasuumaay keebaj.

Efees 2:2

Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.

Efees 2:6

Atambatun aritanaritan úne t'eket i aŋarkeyi naane úhinahin t'afeeneŋ ni Yesu Kiris; ahaban, n'áhin úne núuriiko ne o t'afeeneŋ tu bufor bu.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 4:24

Náami arisiimo manoŋkar míyeni m'Atambatun áwuwanee mu naane ámaŋie i, man n'aribaj buroŋ béejube abe ni binab yooŋ béenuutina tu múniyo mu.

Fílip 1:6

Bonde bare bukuuramkuur: Atambatun eejabe u burok bonde béewarie bee t'aruun, abaa te bo ayak abin áami yooŋ bihabanaa tu hunak hi Yesu *Kiris ábatikein hu te ho.

Fílip 2:13

ábuki Atambatun ondu tu burok t'aruun kaanuku éehinuun áriimaŋi beetoofo bu, abe n'árihin bo yooŋ.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 3:10

Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.

2 Tesalonik 2:17

man ni káyokunanuun ariijok alitee, abe ni kawunuun sembe aŋ'árihin ko kireyi fe meejake, abe n'aŋ'arisok yooŋ beejake.

1 Timote 2:10

Bare káwari kooniin kuwarawar káyemi kanoŋku ajakee; bondu bijake fu ti haare keeene kájeŋginajeŋgin Atambatun.

1 Timote 5:10

Awarawar káyemi an éemeyiee tu burok boone beejake bu: an eejoŋoorane bakañio, aŋ'ajok áwariee kiŋki kaja te o, abe yooŋ n'aŋ'añaw wuwot wute *kéeyilene ku. Awarawar káyemi an aŋ'áyokunan yéeni keeemo ku ti sílaam su, abe n'aŋ'áhin yooŋ buroon bánoban beejake.

1 Timote 5:25

Burok beejake yooŋ iŋi bímeyiee akuur but. Abe beesoŋkut bu bujukano biyinaatee yooŋ kánuusu hiraanu.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

2 Timote 2:21

*Kéeyilene ku yooŋ iyu. An *af'akuuranooro ti meejakut monde m'isoke mu fe, an ondu anokooranokoor n'éndiis yey'énuutannee hunak hite efeet. Atambatun kákajino bija ti bike burok, ábuki o káñjeriŋ an éekinio u, abe o kásikiee aŋ'abin áhin burok bánoban fe beejake.

2 Timote 3:17

Iyu a Atambatun áhine fu kaanuku man an eeemo oone n'áyemi an eefaree áhabanein, éeyinie káhinu burok fe beejake.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

Eleetar i yi Pool akiñje i Tit 3:1

Aŋ'á̱baŋinan *kéeyilene ku kaanuku kawarawar kajamu ti keeemo ku t'éŋguur i fe. Kawariinwar kájeŋgin, abe ni kafare káhinu buroon beejake bu fe.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

Esuwif i 10:24

Úyinoor naane úyino i kawunoor sihel kaanuku man n'úhaŋ kámaŋioori, abe n'uŋ'úhinoor yooŋ meejake mu.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Saaŋ 1:7

Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.

1 Saaŋ 2:6

An af'asok aane áhinahin t'afeeneŋ n'Atambatun, awarawar kanaban tu wuwot wute Yesu.