Efees 2:1 - Kwatay (Kuwaataay)

¹ Hítiyar hu, árimoomi t'Atambatun naane bakan keekete aŋarkeyi naane aŋ'árijuum, abe yooŋ aŋ'arihoofoor.

Efees 2:1 ပူးပေါင်းရင်းမြစ်များ

Májiye 8:22

Yesu n'aano: —Á̱seinam ti hiñaawu a̱awas keekete ku keehok bakan kooniin keekete ku.

Hirim Heetoofe hu hi Luk akiñje hu 15:24

Ábuki fu añi úuma ondu aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko.” Náami kásita yooŋ efeet yeetoofe-toof.

Hirim Heetoofe hu hi Luk akiñje hu 15:32

Bare úwarawar káhinu efeet kikaw úne keetoof, ábuki atii aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko!”»

Saaŋ 10:10

Ákuw ékuwe taŋ y'af'abin, ni kayoolu, ni kábuju. Íñje ibinabin kaanuku iiwun ésuk i buroŋ bu, abe ni kabaj buroŋ beetoofe-toof.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Saaŋ 5:25

Iisokuun bifeeneŋ bu taŋ: bibin birko, abe areeŋee, keekete ku kajamu kaaji kite Añi ite Atambatun, abe keeyak ku kajamu ko karoŋu.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

1 Korent 15:45

Múniyo *Míkiñjin mu meenaan: «*Adam álokow átiyar u n'áyemi húŋgowulan heeroŋe.» Adam araan u n'áyemi búwejet bumbu buwun buroŋ bu.

2 Korent 5:14

Ábuki kámaŋi ki *Kiris ámaŋie ku úne kíkinie fu úne, úne ku bukuure ku kaanuku afeeneŋ taŋ akete fu bija t'ésuk i ereyi; aamo fu butum ésuk i ereyi fe ekete fu.

Efees 4:18

abe kájokaariit doon fe. Kabajut buroŋ b'Atambatun bamb'awun, ábuki kámeyiit doon tus, abe ñúwejet ñooniin yooŋ iŋi ñíbaani túruk.

Efees 5:14

Múniyo doon déeŋaasina akuur but díyemia meejaaŋe. Iŋ'ite ho hi kaane fu: «Á̱niyo, awe eeemo u t'a̱ŋote, a̱rito t'etut keekete ku, abe Kiris n'aŋ'ajaaŋani.»

Kolos 2:13

Hítiyar hu, árimoomi t'Atambatun naane bakan keekete iŋ'ite wuhoofoor woonuun, ni naane ariteyit i karam. Bare hahiye Atambatun áhinuunhin ariisooñ ariroŋ ni Kiris. Aboŋketaboŋket úne wuhoofoor wute w'úne fe.

1 Timote 5:6

Bare anaare eeemo áyino aketaket, abe beetoofo bu taŋ b'af'áhin, naane aamo i buroŋ fe, akina an eekete.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.

Kafeeñal ku 3:1

—A̱kiñj amalaka ite bakate ku Sarid *kéeyilene ku a̱ano: «An éeyekie u ñúwejet ñu hutok nu ñúsuba ñite ñ'Atambatun, nu wúloofiiloof wu hutok nu wúsuba wu aane: ímoomi buroon b'á̱hine bu fe. A̱jokeejok naane an eeroŋe, bare awe an eekete.