Efees 1:6 - Kwatay (Kuwaataay)

⁶ Náami úsokorooro iŋi meejake moone meehahe mu. Anoŋkanoŋk eewun úne mo fuufu iŋi naane úhine i t'afeeneŋ n'Añi oone a ámaŋie-maŋie u.

Efees 1:6 ပူးပေါင်းရင်းမြစ်များ

Májiye 17:5

Ondu ti báhamin bu, náami kaafor keejaaŋe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Te o ti hikawam hutoofe fu. Arijamatano jak!

Májiye 20:9

Eroka i kéesifee ku kaanendan ku ni kajab kabin, abe ni kajaamee huruw bajaam bite hunak ñeeba.

Májiye 3:17

Kaaji ni kíhaminn t'etiir bufor bu keene: —An onde aamo fu añi úuma i ímaŋie u. Te o ti hikawam hutoofe fu.

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Saaŋ 10:17

«Faaf u ámaŋiammaŋi ábuki íisik síhiiniam isaan, iibin isooñ íritein.

Saaŋ 3:35

Faaf u ámaŋamaŋi Añi u, abe n'awuno sembe tu buroon bu fe.

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

2 Korent 4:15

Bimbi bibaj uni fe, uŋu hoonuun hu, kaanuku man meejake mite Atambatun ni mihaŋ kagoru bakan keehooje. Iyu, ésuk i n'eŋ'ehaŋ kahooju ti kaanu Atambatun eyeehen, ni ti kasokoroor koone.

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Efees 1:12

Náami iriisokorooro naane ahahe i, uni keeemo ku étiyar i ti kayakar ku ti Kiris!

Efees 1:14

Búwejet Beenabe bu beemo fu húrub hítiyar hu ti meejake m'Atambatun anaŋe mu bija ti bakan koone. Úne kabaju mo kane úfakanee kuur. Náami úsokoroor Atambatun naane ahahe i!

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Fílip 4:19

Atambatun ite úne abajabaj ebaj yeehahe. Akina kanuutan bisawula boonuun fe, abe o káhinu bondu áŋaasann bo ti Yesu Kiris.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.