Efees 1:3 - Kwatay (Kuwaataay)

³ Úsokoroor Atambatun, eeemo u Atambatun ite Anahaan ite úne Yesu *Kiris, ni Faafo yooŋ toko! Ásoniyanasoniyan úne ni kásoniyan kánokan kéenuutina t'etiir bufor bu iŋi naane úhine i t'afeeneŋ ni Yesu Kiris.

Efees 1:3 ပူးပေါင်းရင်းမြစ်များ

Hirim Heetoofe hu hi Luk akiñje hu 2:28

Simiyoŋ n'ayito tu sumoŋio, abe n'asokoroor Atambatun aane:

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Saaŋ 20:17

Yesu n'aano: —Atum'a̱jokam, ábuki isiroorut ti Faaf u. Bare a̱ja a̱sok eriboora íima, a̱aniin iisiro bija ti Faafam eeemo u yooŋ Faafuun, t'Atambatun úuma eeemo u yooŋ Atambatun oonuun.

Eleetar i yi Pool akiñje i bakate ku Rom 12:5

Iyu yooŋ u úemo fu: naane úhooje i fe, úmoomi naane eni efeeneŋ, ábuki úhinahin t'afeeneŋ ni *Kiris. Újokoorajokoor naane buroon beeemo t'eni efeeneŋ.

Eleetar i yi Pool akiñje i bakate ku Rom 15:6

man arireyi fe n'árihin kaaji kifeeneŋ ariisokoroor Atambatun, Faaf ite Anahaan ite úne Yesu Kiris.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Korent 12:12

Úmoomi kaanuku eni yite húŋgowulan efeeneŋ, abe bare ebajabaj buroon beehooje. Buroon bondu naane buhooje i fe, bujokoorajokoor béehin eni efeeneŋ. Iyu yooŋ i *Kiris aamo fu.

2 Korent 1:3

Úsokoroor Atambatun Faaf ite Anahaan ite úne Yesu *Kiris. Akina aamo fu Faaf u aa ayubiyen ésuk i, abe n'áyemi yooŋ Atambatun aa abeetooriin ko kireyi fe!

2 Korent 11:31

Atambatun, Faaf ite Anahaan u Yesu ámoomi kaanuku ijuusut. Úsokorooro ko kireyi fe!

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Galasi 3:9

Náami Atambatun aŋ'ásoniyan kéeyilene ku fe, naane ásoniyane i yooŋ Aburaham éeyilene u.

Efees 1:10

Bondu, Atambatun kahabanoor bo ti bihabanooreey bu. O kakuukan doon fe deeemo t'etiir bufor bu, ni t'etaam i, Yesu Kiris éeyemi aseef u.

Efees 1:17

Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

Efees 1:20

h'aritane hu Kiris t'eket i, abe n'áhino eeriiko inde *baatoso t'etiir bufor bu.

Efees 2:6

Atambatun aritanaritan úne t'eket i aŋarkeyi naane úhinahin t'afeeneŋ ni Yesu Kiris; ahaban, n'áhin úne núuriiko ne o t'afeeneŋ tu bufor bu.

Efees 3:10

kaanuku man emalaka i keeemo ku t'etiir, n'eseef yeeniin ifi kajuk *kéeyilene ku, ni kámeyi naane búwesinato boone beemo i fe.

Efees 6:12

Ábuki fu újeit étuum nu kúŋgowulan, bare étuum nu ñúwejet ñeejakut ñu ñeeemo ñu t'etiir, ni bakate sembe su, ni siseef su, ni keekino ku sembe su t'etaam ye yeeemo i t'ébaani.

Fílip 2:11

abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Esuwif i 8:5

Burok b'esaraha i bokondu bimbi káhin t'Anabe du, diyu búnokoorum bite beebaje bu t'etiir. Hi *Moyis áyemie hu ti kaanu ku eerok atant u, Atambatun n'áyeegalo aano: «A̱naŋ toko hikawi á̱ahin areyi fe aliik naane t'íwufoori du ti hirij hu.»

Esuwif i 9:23

Arko iyu u búnokoorum bite buroon beeemo bu t'etiir buware fu *kakuuranee, n'aŋ'áami kame buroon beeemo bu t'etiir bisawulasawulo *wusarah weehaŋe diyu.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,