Efees 1:18 - Kwatay (Kuwaataay)

¹⁸ Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Efees 1:18 ပူးပေါင်းရင်းမြစ်များ

Májiye 13:15

Ábuki kayaŋgayaŋg aa kikaw, iŋ'ite ho hu ñúwejet ñooniin ñínandinaariit fu; kalofalof wúkondiniin, kaanuku utum'uŋu wujam; kaŋotaŋot ñíkiniin, kaanuku itim'iŋi ñujuk. Káhinahin ii kaanuku itim kabin káwuŋgan inde íñje, íihiniin kéekoyi.»

Mark 10:17

Yesu ásitina bija bu, ake ániine n'áteyin abin áreeŋin, n'asaaho éejiŋgitan hágilao abe n'aano: —Ámuse u, awe eejake u, naŋ n'iware fu káhinu kaanuku iibaj buroŋ béehabanaariit bu?

Hirim Heetoofe hu hi Luk akiñje hu 24:45

Náami éefeŋginiin ñúwejet kaanuku man ni kánandin *Míkiñjin mu

Epotor i 16:14

Ake ti haare hondu huruwu hoone Lidi, buroko kajoohenan bípiis beelaañe beeseere naane. Akina ite Tiyatiir, abe ájeŋginajeŋgin Atambatun. N'ajamatan, abe Anahaan u n'áfeŋgino búwejet kaanuku eenaŋ hikawo ti bu Pool áyemie bu ti kasoku ku.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Eleetar i yi Pool akiñje i bakate ku Rom 11:29

Ábuki áramaariit doon d'aheeke eewun, ákutooraariit yooŋ an a aheeke eeruw.

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Galasi 5:5

Uni bare, iriyakarayakar kaanuku Atambatun kaanu írijubajub aŋarkeyi naane íriyilenayilen. Bondu b'iriemo fu ti kanahan ku ti sembe site Búwejet Beenabe bu.

Efees 1:11

Naane írihine i t'afeeneŋ ni Kiris, iribajabaj húrub hite h'uni t'Atambatun, ábuki Atambatun asoŋka bijifan uni naane t'áhabaneina du. Abe Atambatun áhinahin buroon bu fe beeriib ni naane ámaŋie i akina humuumo.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 2:12

Áribaŋino kaanuku kóŋkeyin arikambakamb *Kiris; árigiiloolutee ti bakate ku *Israyel; árigiiloolutee yooŋ tu *wujamoor w'Atambatun ajamoore wu nu boko. Árimoomi naane emoosoora. Arikinakin t'etaam ye, bare aribajut yéeni eyakar, árimeyiit yooŋ Atambatun.

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Efees 5:8

Hítiyar hu aruun ébaani; bare hahiye, naane árihine i t'afeeneŋ n'Anahaan u, aruun meejaaŋe. Náami arinoŋk naane bakan bakate meejaaŋe,

Fílip 3:14

íñj'endu ti kateyi kep kaanuku man n'ísik hisiibanu hu. Atambatun aruwaruw úne kaanuku núusik ho t'etiir iŋi naane úhine i t'afeeneŋ ni Yesu Kiris.

Kolos 1:12

Ariene Faaf u eyeehen, akina éehinuun u áriiyini kabaju húrub t'ebaj y'anaŋe i bija ti bakan k'akino ku ti Jáyi jite meejaaŋe mu.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

1 Tesalonik 5:8

Bare úne, kaajiŋgan kíkinie fu úne, abe úwarawar kajoku kikaw úne. Úwarawar kasolu káyilen ku ni kámaŋioori ku naane uu úsol ebaŋgal kaanuku eŋ'eram úne. N'úsol yooŋ eyakar ite úne yite kafaku ku naane uu úsol ékuhe yite hitiik.

2 Tesalonik 1:11

Iŋ'ite ho h'if'irilaw ko kireyi fe bija t'aruun. Iŋ'irilaw Atambatun ite úne kaanuku man n'áhinuun áriiyemi bakan bakate nu múniyo, buroŋ boonuun beeriib ni naane ámaŋie i h'aruwuun hu. Áyokunanuun yooŋ ni sembe soone áriiyini káhinu meejake m'árimaŋie mu, nu burok b'ariemo bu te bo aŋarkeyi naane áriyilenayilen te o.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

1 Timote 6:12

Á̱tuum étuum yeejake i yey'ebin ni káyilen ku. A̱jok buroŋ béehabanaariit bu, ábuki Atambatun aruwiruw kaanuku a̱abaj bo. Abe a̱binabina á̱hamin atoof aa ti káyilen kúuwe tu buhooŋu bakan keehooje.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

Esuwif i 10:32

Áribaŋino beebajuun bu hítiyar hu, hu múniyo mite Atambatun mijaaŋanuun hu. Arijukajuk kóŋkeyin sílaam sómbombokun, bare arijokajok alitee.

Esuwif i 6:4

Abajeebaj bakan ku múniyo mite Atambatun múmuse kajaaŋan, ni kajeken yooŋ tu doon d'Atambatun dand'awun, abe ni kabaj Búwejet Beenabe bu.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.