Efees 1:17 - Kwatay (Kuwaataay)

¹⁷ Iŋ'ilaw Faaf u éenike u, Atambatun ite Anahaan ite úne Yesu *Kiris kaanuku eewunuun Búwejet bite búwesinato, ni bite káwufooruuno, abe ni bíhinuun ariihaŋo kámeyi.

Efees 1:17 ပူးပေါင်းရင်းမြစ်များ

Májiye 11:25

Tu kunak kondu Yesu n'aane: —Faafa, Atemit ite bufor bu n'etaam i, íñj'endu ti kaanii eyeehen naane á̱wufoore i kéemeyiit ku doon fe múniyo m'á̱nuuse mu bakan kéewesinatee ku, ni kéewuwe ku.

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Májiye 16:17

Náami Yesu eeeno: —Atoof t'awe Simoŋ, añi ite Sonas, ábuki húŋgowulaniit áwufoori fu bondu, bare Faafam eeemo u t'etiir.

Májiye 20:33

Ni kaano: —Anahaan u, á̱hin uni iŋ'irijuk.

Májiye 6:13

Abe atum'a̱was uni iriiñakee ti kaahoofoor, bare a̱ram uni ti Setani.”

Hirim Heetoofe hu hi Luk akiñje hu 12:12

Ábuki t'ewahatu yendu, Búwejet Beenabe bu káwufooruun naane ariware i káhamin.»

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Hirim Heetoofe hu hi Luk akiñje hu 21:15

Ábuki íñje ija fu kasaanuun kirim ku. Íñje yooŋ kawunuuun búwesinato, abe mayet afeeneŋ t'enatoora yeenuun at'áyini kajokuuun ti báhamin, man yooŋ n'ajeeŋan bo.

Saaŋ 14:17

O aamo fu Búwejet bumbu búwufoor ésuk i múniyo mu. Bakate ku t'etaam ye biteñekoo, ábuki kayinaato kajuku, kayinaato yooŋ kámeyi. Bare aruun árimoomio, ábuki akinakin n'aruun, o yooŋ káyemi n'aruun.

Saaŋ 14:26

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

Saaŋ 16:3

Boko káhinu iyu aŋarkeyi naane kámeyiit Faaf u, kámeyiitam yooŋ.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 20:17

Yesu n'aano: —Atum'a̱jokam, ábuki isiroorut ti Faaf u. Bare a̱ja a̱sok eriboora íima, a̱aniin iisiro bija ti Faafam eeemo u yooŋ Faafuun, t'Atambatun úuma eeemo u yooŋ Atambatun oonuun.

Epotor i 6:10

Bare kayinaato kajoku ti báhamin, ábuki Búwejet Beenabe bu buwunowun aŋ'áhamin nu búwesinato.

Epotor i 7:2

Eejen n'ásafin aane: —Bakat'am ni sifaafam, arijamatanam. Kóŋkeyin, Atambatun éenike u áŋaasinoŋaasin ti faaf úne *Aburaham h'áyemie hu Mesopotami, t'ajoorut aja akin Haran.

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Eleetar i yi Pool akiñje i bakate ku Rom 15:6

man arireyi fe n'árihin kaaji kifeeneŋ ariisokoroor Atambatun, Faaf ite Anahaan ite úne Yesu Kiris.

1 Korent 12:8

Búwejet bu uŋu buwun ake káwasi ti báhamin; bo Búwejet bifeeneŋ bu nu buwun ake kámeyi báhamin.

1 Korent 14:6

Kújakuwe, arko íñje ibine fee t'aruun, abe n'íhaminuun ti kíhaminiin kuway, n'iŋi fíya íñjeriŋuun? Aaa, kane arko fu taŋ íñje isokuun akuur but bike b'Atambatun áwufooram, man yooŋ n'íhinuun áriimeyi múniyo mu, man yooŋ n'iyiŋanuun báhamin bite Atambatun, man yooŋ n'iliikenuun bike.

1 Korent 2:10

Abe úne k'Atambatun áwufoore fu bondu, áŋaasann bo tu Búwejet Beenabe bu. Múniyo Búwejet bu uŋu bujondoman tu doon areyi fe, bija yooŋ biyinoor bite Atambatun beehaŋe bu kásuli.

1 Korent 2:8

Mayet afeeneŋ ti bakan kómbokun ku bakate ku t'etaam ye ámeyie búwesinato bondu. Kane kámeyi bo, man katib yéeni *t'ekuruwa i Anahaan éenike u.

2 Korent 12:1

Kamaku k'eemo kee te ko kibajut éñjeriŋ, bare iwarawar káwutiyen bike b'Anahaan u áwufooram h'afeeñam hu.

Efees 1:3

Úsokoroor Atambatun, eeemo u Atambatun ite Anahaan ite úne Yesu *Kiris, ni Faafo yooŋ toko! Ásoniyanasoniyan úne ni kásoniyan kánokan kéenuutina t'etiir bufor bu iŋi naane úhine i t'afeeneŋ ni Yesu Kiris.

Efees 3:5

Kóŋkeyin, Atambatun áwufoorut kúŋgowulan ku béenuusee bondu. Bare hahiye, áhinahin Búwejet boone béewufoor bo *epotor yeene keenabe ku, *n'eyiŋana yeene yooŋ.

Efees 4:13

Úreyi fe yooŋ n'uŋ'úyini káhinu t'afeeneŋ ti káyilen ku, abe t'afeeneŋ yooŋ n'úmeyi Añi ite Atambatun. N'uŋ'úhaat ti káyilen ku, abe n'uŋ'úre ti kareyi kite Kiris.

Fílip 3:15

Úne keeyane ku ti bítim bite Atambatun, iyu u úware fu kayinoor. Abe bakaake t'aruun ifi kayinoor awayee, Atambatun káwufooruun múniyo mu akuur but.

2 Timote 2:25

Asaaho tíŋ eeliiken keeteñekoo ku. Maske Atambatun n'aŋ'áhiniin keewatanooro kinij kooniin kéemeyi múniyo mu.

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Saak 2:1

Kújakuwe, aruun kéeyilene ku t'Anahaan ite úne Yesu *Kiris éenike u, atum'arijok ésuk i kawayoor.

2 Piyeer 1:3

Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

Kafeeñal ku 7:12

ti kaanu: «Amiin! Atambatun ite úne aja ákini hiraanu kuhooñu ku, ni kániku ku, nu búwesinato bu, nu kusokorooru ku, ni sembe su, ni kámaki ku! Úeno eyeehen ko kireyi fe! Amiin.»