Efees 1:11 - Kwatay (Kuwaataay)

¹¹ Naane írihine i t'afeeneŋ ni Kiris, iribajabaj húrub hite h'uni t'Atambatun, ábuki Atambatun asoŋka bijifan uni naane t'áhabaneina du. Abe Atambatun áhinahin buroon bu fe beeriib ni naane ámaŋie i akina humuumo.

Efees 1:11 ပူးပေါင်းရင်းမြစ်များ

Epotor i 13:48

Hi keenooto ku Esuwif kajame hu bondu, kikawiin nu kutoof naane, abe ni káyemi ti kasokoroor hirim hite Anahaan u. K'Atambatun ajifane ku fe kaanuku keebaj buroŋ béehabanaariit bu, ni káyilen.

Epotor i 2:23

Ániine ondu n'ásikee asaanuun naane Atambatun anoŋke i eesok, o eefiye u éemeyi bo. Abe aruun ariyoolo fu, aruun kéesiko ku arisaan ehoofoora i keetibo *t'ekuruwa.

Epotor i 20:27

Ábuki isokuunsok b'Atambatun aŋese bu fe, ínuusutuun doon.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Epotor i 4:28

Boko káhine b'a̱soŋke bu busok a̱ane bo kabaju, ti sembe súuwe ni kámaŋi kúuwe.

Eleetar i yi Pool akiñje i bakate ku Rom 11:34

*Míkiñjin mu meenaan: «Aañ ámeyie fu kaayinoor kite Atemit? Aañ áyinio fu karimu?

Eleetar i yi Pool akiñje i bakate ku Rom 8:17

Abe makamu úne bakañio, úne kabaju húrub t'ebaj y'anaŋe i bija ti bakan koone. Úne kamaatu te yo ni Kiris, ábuki uf'úmaat ti sílaam soone, úne yooŋ kamaatu ti kániku koone.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

Eleetar i yi Pool akiñje i bakate ku Rom 8:30

Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.

Eleetar i yi Pool akiñje i bakate ku Rom 9:11

kabukoorutee, Atambatun n'aano: «Aŋgilij u kahaŋu aneemak u.» H'asoke hii, boko ti kátumboorut kaŋaaŋ káhinu meejake man yooŋ meejakut. Atambatun áhinahin ii éewufoor kaanuku aŋ'áhin naane hutoofo i. Aŋ'ajifan kúŋgowulan ku naane ámaŋie i, káanukiiit iŋi beejake bi káhine.

Galasi 3:18

Arko biŋeñen b'Atambatun asoke bu t'Eluwa yite Moyis tu búnuutina, kame aŋkut áami báhamin b'afiye asok. Abe bare Atambatun ásoniyanasoniyan Aburaham naane t'afiye du asok.

Efees 1:14

Búwejet Beenabe bu beemo fu húrub hítiyar hu ti meejake m'Atambatun anaŋe mu bija ti bakan koone. Úne kabaju mo kane úfakanee kuur. Náami úsokoroor Atambatun naane ahahe i!

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Efees 1:5

n'asoŋk bijifan úne núuyemi bakañio. Ti Yesu Kiris t'aŋaase fu éehin bondu. Iye a ámaŋie fu káhinu aŋarkeyi naane butoofotoof.

Efees 1:9

Áhinahin úne núumeyi boone béenuusee bu yéeni, b'afiye bu asiiŋan ti kajaku koone, abe n'áŋaasann bo ti Kiris.

Efees 3:11

Bondu bibajabaj naane t'Atambatun afiye du aane o káhinu bo, abe hahiye áhina bo ti Yesu Kiris Anahaan ite úne.

Kolos 1:12

Ariene Faaf u eyeehen, akina éehinuun u áriiyini kabaju húrub t'ebaj y'anaŋe i bija ti bakan k'akino ku ti Jáyi jite meejaaŋe mu.

Kolos 3:24

Árimoomi kaanuku Anahaan u kasiibanuun ti biŋeñen b'anaŋe bu bija ti bakan koone. An éekiniuun u aa arirok bija te o, o aamo fu *Kiris Anahaan u.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

Esuwif i 6:17

Bakan keeware ku kabaju b'Atambatun aane bu o kawunu bakan koone, Atambatun ámaŋamaŋi bukuuriin but kaanuku b'asoke bu utu buwas hikee. Iŋ'ite ho h'áhamine fu ahaban, n'awaat.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.