3 Saaŋ 1:11 - Kwatay (Kuwaataay)

¹¹ Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.

3 Saaŋ 1:11 ပူးပေါင်းရင်းမြစ်များ

Saaŋ 10:27

Síkarniina súuma iŋi sijamatan kaaji kúuma. Ímoomi so, abe iŋi sisaam ti hiñaawu.

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Saaŋ 3:20

An fe éenoŋkaariit ajakee aŋ'ahuuf meejaaŋe mu, ábinaariit yooŋ te mo, ábuki aŋ'ákoleyi kaanuku buroon beejakut bu bamb'áhin n'iŋi bujukano.

1 Korent 11:1

Arineefan t'íñje naane íñje yooŋ ii ineefan ti Kiris.

1 Korent 4:16

Náami íñj'endu ti kaanuuun árihin naane íñje.

Efees 5:1

Makamu aruun ariemo fu biñi bu k'Atambatun ámaŋie ku, ariliikool ne o.

Fílip 3:17

Kújakuwe, ariliikool n'íñje arireyi fe. Arijondoman tu buroŋ bite kiŋki kaneefan ti máhinar mite m'úne.

1 Tesalonik 1:6

Arineefananeefan ti máhinar mite m'uni, ni mite m'Anahaan u; arijukajuk sílaam iŋ'ite Hirim Heetoofe hu, bare arijokajok ho ni katoofu ku, ku Búwejet Beenabe bu kuŋku buwun.

1 Tesalonik 2:14

Kújakuwe, beebaje bu kéeyilene ku t'Atambatun bakate ku *Súde ki Yesu Kiris akino ku, bo yooŋ bibajuun fu. Sílaam si kajuke su t'Esuwif i, so yooŋ s'arijuke fu ti bakate ku t'ésuk yeenuun.

2 Timote 3:10

Awe bare á̱moomi akuur but bimb'iliiken ésuk i, nu hunoŋk húuma, ni b'iŋese bu tu burok búuma, ni káyilen kúuma, ni kámuñu kúuma, nu buŋ b'ímaŋie fu ésuk i, nu buŋ b'if'ijok alitee,

Esuwif i 6:12

Írimaŋiit áriyemi biñek. Bare arineefan ti kiŋki kabaj doon d'Atambatun aane du o kawuniiin aŋarkeyi naane káyilenayilen, abe ni kámuñ.

1 Piyeer 3:11

Awarawar kakamboor ni meejakut mu aŋ'áhin meejake mu, abe n'aŋ'áñiŋkaan eeŋes káasuumaay ku.

1 Piyeer 3:13

Af'árihabanein ti siheluun kaanuku áriihin meejake, aañ aja fu káhinuuun meejakut?

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Saaŋ 3:10

Tu bonde ti biñi bite Atambatun kawayee fu ni biñi bite Setani: an fe éehinaariit beejake, man yooŋ éemaŋiit at'o, an ondu anooto añi ite Atambatun.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.