2 Timote 4:18 - Kwatay (Kuwaataay)

¹⁸ O karamiam ti meejakut mánoman, abe o kajukaram kaanuku iibin iyooso ti Jáyi joone jite ju t'etiir. Aja ákini kániku ku hiraanu! Amiin.

2 Timote 4:18 ပူးပေါင်းရင်းမြစ်များ

Májiye 13:43

Náami kéejube ku kasilan naane taanak tu ti Jáyi jite ju Faafiin. Arko aribajabaj wúkondin, árinandin naŋ n'isoke fu!

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Májiye 6:13

Abe atum'a̱was uni iriiñakee ti kaahoofoor, bare a̱ram uni ti Setani.”

Hirim Heetoofe hu hi Luk akiñje hu 11:4

A̱boŋket uni wuhoofoor w'írihine wu, ábuki kumuum uni iŋ'iriboŋket yooŋ kiŋki kahoofoor uni. Abe atum'a̱was uni iriiñakee ti kaahoofoor.»

Hirim Heetoofe hu hi Luk akiñje hu 12:32

—Árimoomi naane kaahaaw keefamut, bare atum'árikoleyi, ábuki ho hutoofe Atambatun n'awunuun jáyi joone.

Hirim Heetoofe hu hi Luk akiñje hu 22:29

Naane Faafam asaanam i híyiaate hu, iyu yooŋ i isaan fu ho n'aruun.

Saaŋ 17:15

Ilawuti eeni á̱nuutanniin t'etaam i, bare a̱jukariin man Setani atum'abin áhiniin doon.

Eleetar i yi Pool akiñje i bakate ku Rom 11:36

Ábuki doon areyi fe, akina áwuwane fu do, akina yooŋ ajoke fu doon areyi fe, abe doon areyi fe dibajabaj bija te o. Aja ákini kániku ku hiraanu! Amiin.

Eleetar i yi Pool akiñje i bakate ku Rom 16:27

Atambatun eeemo u húwesina unoono aja ákini hiraanu kániku ku iŋi bi Yesu Kiris áhine bu! Amiin.

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 10:13

Buroon bimbi biñakuun ariiney tu wuhoofoor buwayeit ni bimbi biñak yooŋ bakaaku tu wuhoofoor wu. Atambatun áwasaariit báhamin b'asoke, abe at'awas hikee bike beehaŋuun sembe beebajuun. Af'áriyemi ti kañakiee ti kaahoofoor kep, Atambatun kawunuuun sembe site kajoku alitee, aamo fu efehe yite kafaku ku.

1 Korent 15:50

Kújakuwe, b'ímaŋie bu kasoku beemo fu bonde: doon dite kihaay ni halan diyinaat kamaatu ti *Jáyi jite Atambatun, abe doon dite búbujo diyinaat kamaatu tu buroŋ béehabanaariit bu.

2 Korent 1:10

Akina arame fu uni t'eket yéetaañie naane yendu, abe akina kasooñu aram uni. Te o t'irinaŋe fu eyakar ite uni, yite kaanuku abaa karamu uni.

Galasi 1:5

Atambatun aja ákini kániku ku hiraanu! Amiin.

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.

2 Tesalonik 3:3

Anahaan u áwasaariit hirim h'asoke; o kawunuuun sembe, abe n'ajukaruun ti Setani.

1 Timote 1:17

Úsokoroor Áyi ite u hiraanu, abe n'únikano bija bandoor, akina Atambatun afeeneŋ u taŋ, éeketaariit u, éejukaariitee u yooŋ! Amiin.

1 Timote 6:16

O taŋ áketaariit fu. Akinakin ti meejaaŋe m'an ayinaat kalohu. An ámusuto kajuku, abe an yooŋ ayinaato kajuku. Aja ákini hiraanu kániku ku, ni sembe su! Amiin.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

2 Timote 4:1

Íñj'endu ti káwasiyani bonde hágila Atambatun, ni Yesu *Kiris eeja u bíbatikeina ti Jáyi joone, abe n'ajoonan keeroŋe ku ni keekete ku:

Esuwif i 11:16

Bare hikinu heehaŋe katoofu hi kámaŋie fu: ho heemo fu hikinu hite t'etiir. Iŋ'ite ho h'Atambatun áfuñaariit fu aŋ'aanee Atambatun ooniin, ábuki afareiinfare hikinu.

Esuwif i 12:22

Aruun bare arilohaloh hirij hite *Siyoŋ, ni hikinu hite Atambatun eeemo u buroŋ. Ho heemo fu Serusalem yite i t'etiir, t'emalaka k'an ayinaat kafinu kaamo du ti hiriy.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 1:5

Naane aamo i áriyilenayilen te o, o kajukaruun ni sembe soone kaanuku eebin eefakanuun. Bondu kámeyiee tu hunak hiraanu hu.

1 Piyeer 5:11

Sembe su síyemi soone su ko kireyi fe! Amiin.

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.