2 Timote 2:22 - Kwatay (Kuwaataay)

²² A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

2 Timote 2:22 ပူးပေါင်းရင်းမြစ်များ

Epotor i 7:59

Bokondu ti kámiñu koone nu bujuju bu, Eejen n'alaw aane: —Yesu Anahaan u, á̱sik búwejet búuma!

Epotor i 9:14

Abe h'abine hii beebe, eseef ite esaraha i kawunowun sembe site kajoku ésuk i fe kiŋki kalaw tu huruwu húuwe.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Eleetar i yi Pool akiñje i bakate ku Rom 14:19

Náami úŋes bimbi bíkinineŋ núuriiko t'afeeneŋ ti káasuumaay, abe ni bilitan yooŋ káyilen kite bakan úne.

1 Korent 1:10

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

1 Korent 1:2

Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

1 Korent 10:14

Kújakuwe, aruun k'ímaŋie-maŋie ku, iŋ'ite ho aamo fu aritey ñájiim ñu.

1 Korent 14:1

Arijab ariŋes man n'árimaŋi bakaaku. Ariŋes yooŋ buroon bu Búwejet Beenabe bu bumbu buwun, áhaŋum kayiŋan kite báhamin bite Atambatun.

1 Korent 6:18

Aritey bufurukato bu! Ábuki kaahoofoor kondu kihaŋahaŋ waawu fe kabuusatan eni. An af'aŋot n'an i kaseñeit, ahoofoora humuum t'enio.

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.

1 Timote 1:5

Káyeegal kondu kite káhinu *kéeyilene ku kéemaŋioori kámaŋi kéenuutina t'ehol yeekuure, nu búwejet beejake, ni káyilen keeyane.

1 Timote 2:8

Ímaŋamaŋi kaanuku tánotan fe, háyine hu n'iŋi kalaw, boko ti kayitu sumoŋiiin nu suhol seekuure but, itim kayiŋat, itim yooŋ kañakoor.

1 Timote 4:12

Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Timote 6:11

Bare awe eeemo u an ite Atambatun, a̱tey buroon beejakut bondu. A̱ŋes káyemi an éejube, a̱jok t'Atambatun, a̱baj káyilen, á̱maŋi an, á̱muñ, abe n'á̱neeni.

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

1 Piyeer 3:11

Awarawar kakamboor ni meejakut mu aŋ'áhin meejake mu, abe n'aŋ'áñiŋkaan eeŋes káasuumaay ku.

3 Saaŋ 1:11

Óom, atum'a̱liikool ni meejakut mu, bare a̱liikool ni meejake mu. An aŋ'áhin meejake, akina an ite Atambatun; an aŋ'áhin meejakut, an ondu ámeyiit Atambatun.