2 Timote 2:10 - Kwatay (Kuwaataay)

¹⁰ Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

2 Timote 2:10 ပူးပေါင်းရင်းမြစ်များ

Májiye 24:22

Abe arko Atambatun aanut fu yéeni éekasinan tu kunak kondu, an fe man aroŋ. Bare o kákasinan te ko iŋ'ite bakan k'ajifane ku.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Májiye 24:31

Káabiinu kómbokun kasoku, abe n'aŋ'áboñin emalaka yeene t'etaam i ereyi fe. Boko kakuukan bakan k'ajifane ku, huta hu t'etaam i éjabina du, bija yooŋ t'eraane du.

Hirim Heetoofe hu hi Luk akiñje hu 18:7

Náami buŋ b'Atambatun aja fu kákuri ariike ti bísiiŋooreina bu ni bakan k'ajifane ku, kiŋki kalawo kaajiŋgan ni káajiim fe?

Hirim Heetoofe hu hi Luk akiñje hu 22:57

Bare Piyeer n'ajeeŋoor aane: —Abuke, áyine ímeyiito fu.

Saaŋ 11:52

Bare eket ite Yesu, bíjaiit t'Esuwif i barebare; yite yooŋ kakuukan biñi bite Atambatun keeyisaloolee ku t'etaam ye kaanuku kéehin t'afeeneŋ.)

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Saaŋ 17:9

«Íñj'endu ti kalawii bija tu boko. Ilawut bija ti bakate ku t'etaam ye, bare ilawalaw bija ti bakan k'a̱wunam ku, ábuki bákuuwe ku.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 9:22

If'íyemi ni keeyanut ku ti káyilen ku ti Kiris, iŋ'íhin naane boko kaanuku man n'íñakiniin. Íhinoorahinooro buroon bu fe t'ésuk i ereyi kaanuku man n'ifakan bakaake.

2 Korent 1:6

Hih'irijuk iye sílaam, kaanuku fu iriibeetooruun, abe n'arifak. Abe h'Atambatun aa abeetoor uni, kaanuku fu man n'iribeetooruun áriiyini yooŋ bújokumooro ti sílaam su naane sonde sins'irijuk iye.

2 Korent 12:15

Íñje bare ifaraa kasaan doon d'ibaje du fe, bija humuum síhiiniam uŋu hoonuun hu. If'ímaŋiuun esaan ee, bondu fíya buwarawar kákinineŋ n'ariraan kámaŋi kúuma?

2 Korent 4:15

Bimbi bibaj uni fe, uŋu hoonuun hu, kaanuku man meejake mite Atambatun ni mihaŋ kagoru bakan keehooje. Iyu, ésuk i n'eŋ'ehaŋ kahooju ti kaanu Atambatun eyeehen, ni ti kasokoroor koone.

2 Korent 4:17

Sílaam suns'újuk iye, uf'úliik so ni jáyi jómbokun jéehabanaariit ju j'úja ju kabaju, n'uŋ'úmeyi kaanuku síwiinawiini, abe sífiyaariit yooŋ. Abe sílaam su humuum hite te so iŋi sifare jáyi jondu bija t'úne.

Efees 3:13

Náami íñj'endu ti kaanuuun siheluun utum súbujo iŋi naane eemo i ti kajuku sílaam uŋu hoonuun hu. So site káwutiyenuun kániku.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

1 Tesalonik 5:9

Atambatun ajifanut úne kaanuku núubin újuk kayiŋat koone, bare kaanuku eebin eeŋaas t'Anahaan ite úne Yesu Kiris eefakan úne.

2 Tesalonik 2:14

Bondu b'Atambatun aruwuun fu, éeŋaasann bo ti Hirim Heetoofe h'irisokuun hu, kaanuku man kikawuun nu kutoof yooŋ iŋi kániku kite Anahaan ite úne Yesu *Kiris. Bondu bibajabaj aŋarkeyi naane áriyilenayilen tu múniyo mu; bibajabaj yooŋ ti sembe site Búwejet Beenabe bu, béehinuun bu áriiyemi bakan kite Atambatun.

2 Timote 1:1

Íñje Pool eeemo u *apotor ite Yesu *Kiris naane t'Atambatun ámaŋie du ikiñje fee, íñje eeboñee u kawaare tu buroŋ b'aane bu o kawunu úne, úne kéehine ku t'afeeneŋ ni Yesu Kiris.

2 Timote 2:1

Áñuumo, awe bare a̱baj sembe t'Atambatun, éewufoore u úne kajaku koone h'úhine hu t'afeeneŋ ni Yesu *Kiris.

2 Timote 2:3

A̱maat yooŋ n'íñje ti sílaam su naane asulaan eejake ite Yesu Kiris.

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

1 Piyeer 2:10

Hítiyar hu áriyemiit bakan bakate Atambatun, bare hahiyu áriyemia bakan koone; hítiyar hu Atambatun ayubiyenutuun yéeni, bare hahiye ayubiyenuun.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.