10 Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.
N'iŋi kaane anaare u: —Hahiye íriyilena, káanukiiit iŋi b'a̱soke bu uni barebare; irijama yooŋ kumuum uni naane aa asok. Írimoomi kaanuku nu múniyo akina aamo fu Afakana ite ésuk i.
bare hahiye wuwiit *w'eyiŋana yite Atambatun kakiñje wu wúnuutanno ho t'ébaani i. Bondu bibajabaj naane t'Atambatun eeemo u buroŋ hiraanu afiye du asok. Siheet site t'etaam i fe sijama hirim hondu kaanuku man ni síyilen, abe ni síjeŋgin Atambatun.
Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.
Úmoomi kaanuku manoŋkar mite m'úne mítiyar mu mitibeetib *t'ekuruwa i ni Kiris, kaanuku man kaahoofoor keeemo ku ti sini site s'úne nu kúbujarooree, utum'uŋk'úyemi búsukateen bite te ko.
Iŋ'ite ho aamo fu atum'arijoonan an tu hunak hu hireeŋoorut. Arinahan Anahaan u eebin: o kafeeñal ti meejaaŋe mu béenuusee bu t'ébaani i, abe n'áwufoor yooŋ biyinoor bite kúŋgowulan ku béenuusee bu. Abe huruw fe, Atambatun kaliiku ti b'áhine bu eesokorooro.
Naane uŋ'úyak bifiyo ni sini site su t'etaam ye fe, uŋ'úriŋgan naane bakan keeniŋane. Káanukiiit man úne úmaŋie kaketu núunuut ti sini site s'úne, aaa. Úne úmaŋie kabaju sini site su t'etiir, man buroŋ béehabanaariit bu ni bimer doon deeemo du iŋi diket.
Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.
Íñje Pool eeemo u *apotor ite Yesu *Kiris naane t'Atambatun ámaŋie du ikiñje fee, íñje eeboñee u kawaare tu buroŋ b'aane bu o kawunu úne, úne kéehine ku t'afeeneŋ ni Yesu Kiris.
Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.
Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.
Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.
Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.
Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.
Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.
Áribaŋino báhamin *b'eyiŋana yite Atambatun keenabe ku kabine bu kasok kóŋkeyin, n'eluwa yite Anahaan u *n'Afakana u yooŋ toko, *y'epotor i k'Atambatun áboñinuun ku kaliikenuun i.
An u aa awun buroŋ bu áŋaasinoŋaasin, abe irijukojuk. Iŋ'iriseedoo t'aruun, abe n'irisokuun an eeemo u buroŋ béehabanaariit bu. Ámoomi ti Faaf u, abe n'afeeñ t'uni.
«An fe eebaje wúkondin ánandin naŋ nu Búwejet bu busoke fu kéeyilene ku! «An fe eeyak kariiŋan, íñje kawunio eeteŋ ti miriyaay mite nunukanuk nunnu nuwun buroŋ bu neeemo nu t'etiir t'etool ite Atambatun.»
Búwejet Beenabe bu n'anaare ite Ametek u ni kaano: «A̱bin!» An yooŋ eejame bonde aja aano: «A̱bin!» An i nukuno nisaye abin. An éemaŋie búhujo tu móhujo mite buroŋ bu aja áhujo te mo fuufu.