2 Piyeer 3:7 - Kwatay (Kuwaataay)

⁷ Hirim hondu hoho hite h'Atambatun hujoke fu bufor bite bu hahiye n'etaam i, sineemak su seebin séesuf buroon bondu. Binaŋeenaŋ bija tu hunak h'énafuta i kaja hu kajoonanee te ho, abe ni kátowutanee hiraanu.

2 Piyeer 3:7 ပူးပေါင်းရင်းမြစ်များ

Májiye 10:15

Iisokuun bifeeneŋ bu: hunak h'Atambatun aja hu Kajoonan te ho, sílaam site bakate ti hikinu hondu kahaŋu site bakate ku *Sodom nu *Gomoor.

Májiye 11:22

Iŋ'ite ho h'isok fee n'aruun: hunak h'Atambatun aja hu Kajoonan te ho, sílaam soonuun kahaŋu site su bakate ku Tiir ni Sidon.

Májiye 11:24

Iŋ'ite ho h'isok fee n'aruun: hunak h'Atambatun aja hu Kajoonan te ho, sílaam soonuun kahaŋu site su Sodom.

Májiye 12:36

Íñje isok fee n'aruun: hunak h'Atambatun aja hu Kajoonan te ho, huruw fe kakamu Atambatun iŋi naŋ n'asoke fu kirim k'awarut ku yéeni kasoku.

Májiye 24:35

Etaam i nu bufor bu kamoosen, bare báhamin búuma iti biket hikee-kee.

Májiye 25:41

«Ahaban, n'aŋ'aane keeemo ku inde baamayo: “Arikambam, aruun k'Atambatun áwuume ku! Arija ti sineemak séehokaariit su, seefaree su bija ti Setani n'emalaka yeene!

Mark 6:11

Bare ni kafin kateñekouun tike tiŋ, man yooŋ ni kateñeko kajamatanuun, arihaŋk hafor heeemo hu tu wuwotuun fe, abe n'arinuut toko, keejuk ni ñíkiniin kaanuku Atambatun ondu ti kanahaniin.

Saaŋ 12:48

An af'ateñekaam, abe n'ateñeko yooŋ kirim kúuma, o katinanee. Hirim h'isoke hu hija fu katinan koone tu hunak hiraanu hu.

Eleetar i yi Pool akiñje i bakate ku Rom 2:5

Bare a̱yaŋgayaŋg hikaw, á̱maŋiit buwatanooro. Iŋ'ite ho aamo fu aw'ondu ti binaŋooro kúnuur keehaŋe kásufu tu hunak h'Atambatun aja hu káwufoor kayiŋat koone, abe n'ajoonan te ho ésuk i ajoŋoor júl.

1 Korent 3:13

Tu hunak hite Kajoonan ku, burok bite ánoan fe kafeeñu, abe bo kámeyiee. Ábuki hunak hondu káyemi hite sineemak sómbokun, site káwufoor buŋ bu burok bite ánoan fe bunokoore fu.

Fílip 1:28

Atum'ariwas enatoora yeenuun kéekolinanuun tu doon fe: toko ti kayak fu kánandin kaanuku boko bútowuto hiraanu, aruun yooŋ n'árinandin kaanuku aruun kafaku. Abe bondu t'Atambatun tu búnuutina.

2 Tesalonik 2:3

Atum'ariwas an eebuutuun t'efehe yánoyan. Ábuki bala hunak hondu hireeŋ, bakan keehooje kajabu kárahan t'Atambatun, abe Ánafuta u eeware u bútowuto hiraanu n'atik áŋaasin.

1 Timote 6:9

Bare kéemaŋie ku ebaj yeeniin ehah, Setani abuutiin. Kajokee t'éfiir ite wúfaŋi úkaan weeñunut, abe yooŋ wujakut. Uŋu wúbuj ésuk i, abe yooŋ uŋu wútowutaniin hiraanu.

Esuwif i 12:29

ábuki Atambatun ite úne ámoomi naane sineemak séesufe júm.

2 Piyeer 2:9

Bondu búwufoorawufoor kaanuku Atemit áyinooni kafakan ti sílaam su kéejeŋgino ku, abe n'afin awas keejakut ku kaanuku eebin eenij tu boko hunak hite Kajoonan ku.

2 Piyeer 3:10

Hunak h'Anahaan u ábatikein hu te ho káfufu naane ákuw. Hunak hondu, karim kéekolinanie-kolinani kajamiee kane bufor bu bíyemi tu bútowuto, abe buroon beeemo bu te bo kásufiee. Etaam i nu doon fe deeemo te yo kajoonanee.

2 Piyeer 3:12

aruun ti kanahan ku hunak hoone, aruun yooŋ ti káhinu wáhowah kaanuku heesoŋk heereeŋ. Hunak hondu, sineemak su kásufu bufor bu, abe buroon bite bu t'etiir fe butuuyo.

1 Saaŋ 4:17

Arko kámaŋi keeemo ku t'úne kiyanayan, kikaw úne kayaŋgu piŋ hunak h'Atambatun aja hu kajoonan te ho, ábuki manoŋkar mite m'úne t'etaam ye múmoomi naane mite mu Yesu *Kiris.

Eleetar i yi Sud akiñje i 1:7

Áribaŋino yooŋ bakate ku *Sodom, nu *Gomoor, ni kikinu keeemo ku ne bo, kiŋki káhinaani naane emalaka yendu. Iŋi kafurukato yéeni, abe n'iŋi kaŋes yooŋ kaŋotu ni bakan keenooto kúŋgowulan naane boko. Hahiye bokondu ti kajuku kúnuur ti sineemak séehokaariit, abe bondu búwufoorawufoor úne kaanuku núunaŋ toko kikaw úne.

Kafeeñal ku 17:11

Éndakakureŋ yéeyemiaanie i buroŋ, abe bare eŋkut eroŋ, humuum hite te yo yooŋ ake áyi. O aamo fu atoken u ni bákahaaji. Akina ite ti bákayi ku hutok ni bákasuba ku, abe ite bútowuto hiraanu.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Kafeeñal ku 20:11

Hunuut toko, n'ijuk eriikeey yómbokun yeefañje yite híyiaate, n'an eeriikee u te yo. Etaam i n'etey ekambo, bija bufor bu fe, an abinut asooñ áheelin tu buroon bondu.

Kafeeñal ku 21:1

Hunuut toko, n'ijuk bufor bíyeni, n'etaam éyeni. Bufor bítiyar bu bútowutatowuto, n'etaam i yooŋ fe, han hu yooŋ iŋkut hibaj.