2 Piyeer 3:2 - Kwatay (Kuwaataay)

² Áribaŋino báhamin *b'eyiŋana yite Atambatun keenabe ku kabine bu kasok kóŋkeyin, n'eluwa yite Anahaan u *n'Afakana u yooŋ toko, *y'epotor i k'Atambatun áboñinuun ku kaliikenuun i.

2 Piyeer 3:2 ပူးပေါင်းရင်းမြစ်များ

Hirim Heetoofe hu hi Luk akiñje hu 1:70

Áboñinoboñin afiyee *eyiŋana yeene keenabe ku keeyiŋan bo.

Hirim Heetoofe hu hi Luk akiñje hu 24:27

Ahaban, n'akamiin beesokee bu te o fe ti *Míkiñjin mu, éejabin tu wuwiit wi *Moyis akiñje wu, abe n'aja tu wute eyiŋana yite Atambatun fe.

Hirim Heetoofe hu hi Luk akiñje hu 24:44

Abe n'aaniin: —Bonde b'ibine fu isokuun h'íyemie hu n'aruun: beekiñjee bu t'íñje fe ti kaawiit kite *Eluwa yite Moyis, nu tu wute *eyiŋana yite Atambatun, ni *t'Élookiin i buwarawar kabaju.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Epotor i 28:23

Ni káfiiten hunak hi kaware hu káfimboor nu Pool. H'aamo hu hireeŋa, ni kabin kahaŋ kahooju t'enuuf i tu Pool áyemie du. Huta hu nu bújom bu bija yooŋ kaanendan ku, Pool n'aŋ'aliikeniin kep: n'aŋ'asokiin bite *Jáyi jite Atambatun, abe n'aŋ'ájokin *t'Eluwa yite Moyis, nu wuwiit *w'eyiŋana yite Atambatun kakiñje wu, eekamiin bite bu Yesu kaanuku man ni káyilen.

Epotor i 3:18

Bare iyu i b'Atambatun abine bu asok kóŋkeyin, áŋaasann bo *t'eyiŋana yeene fe bibaje fu. Abinabina aane *Afakana oone awarawar kajuku sílaam.

Epotor i 3:21

T'aamo daa bare, Yesu awarawar biriiko t'etiir bija yooŋ hunak h'Atambatun aja hu káhinu buroon bireyi fe beesooñ bíyeni. Iyu a afiye fu asok áŋaasann t'eyiŋana yeene keenabe ku.

Galasi 6:2

Áriyokunanoor ti bisejo bite meeniŋe moonuun. Af'árihin iyu, n'aŋ'árijeŋgin eluwa yite *Kiris.

Efees 2:20

Árimoomi naane súmuul site enuuf. Epotor i *n'eyiŋana yite Atambatun kaamo fu hiñaan hítiyar hu, abe Yesu Kiris humuumo aamo fu meeyane mite enuuf i.

Efees 3:5

Kóŋkeyin, Atambatun áwufoorut kúŋgowulan ku béenuusee bondu. Bare hahiye, áhinahin Búwejet boone béewufoor bo *epotor yeene keenabe ku, *n'eyiŋana yeene yooŋ.

1 Timote 6:14

á̱hin naane ibine i isoki, abe *n'a̱kuur, an yooŋ atum'awatani tu doon bija hunak h'Anahaan ite úne Yesu Kiris ábatikein hu.

2 Piyeer 2:21

Ahaŋ yéeni kajaku tu boko itim kámeyi bítim beejoŋoore bu, bala kámeyi bo, abe ni káwuŋg kiñaawu eluwa yeenabe i yi kaliikenee i.

2 Piyeer 3:15

Abe n'arinaŋ bonde ti kikawuun: Anahaan u ondu ti kámuñu kep kaanuku man n'áriyini kafaku. Bondu b'ati úne Pool, nu búwesinato b'Atambatun awuno bu asokuun fu t'eleetar yeene.

2 Piyeer 3:16

Aŋ'asok bo yooŋ ti bileetar boone fe kane ajemen bonde. Abajeebaj ti bileetar boone bike béetaañie kajoku, abe bakan kéewesinateit, káyilen kooniin yooŋ kifamut, n'iŋi kajok bo kawetekanoor, naane ii káhin yooŋ nu waawu wuwiit wute *Míkiñjin mu. Iyu ifi káhin kéetowutanooro.

1 Saaŋ 4:6

Úne bare bakan bakate Atambatun. An éemeyie Atambatun aŋ'ajamatan úne; bare an eenooto ite Atambatun ájamatanaariit úne. Iyu u úyino fu kakeetan Búwejet bite múniyo mu, nu búwejet bite haajuus hu.

Eleetar i yi Sud akiñje i 1:17

Kújakuwe, aruun k'ímaŋie-maŋie ku, aruun bare, áribaŋino *b'epotor ite Anahaan ite úne Yesu *Kiris kabine bu kasokuun kóŋkeyin.

Kafeeñal ku 19:10

Náami íjiŋgitana bite wuwoto kaanuku íisukaayo, bare n'aanam: —A̱was, atum'á̱hin bondu! Íñje aroka yooŋ naane awe, ni bakatii keejoke ku múniyo mi Yesu áwufoore mu. Á̱sukaay Atambatun! Múniyo mi Yesu áwufoore mu meemo fu búwejet beeemo bu *t'eyiŋana yite Atambatun.