2 Piyeer 3:17 - Kwatay (Kuwaataay)

¹⁷ Kújakuwe, aruun k'ímaŋie-maŋie ku, aruun bare, ariheeka áriimeyi bonde. Iŋ'ite ho aamo fu aritey énafuta i, itim kabin kahiilanuun ti kájuumu kooniin, kéehinuun atum'aŋk'arijok alitee.

2 Piyeer 3:17 ပူးပေါင်းရင်းမြစ်များ

Májiye 16:11

Buŋ b'arijokut fu ariike kaanuku kúmburiiit k'isokuun fu? Arinaŋ kikawuun t'élefir ite Efarisiyeŋ i, ni yite Esaduseyeŋ i.

Májiye 16:6

Yesu n'aaniin: —Áriwasiyoor, arinaŋ kikawuun *t'élefir ite *Efarisiyeŋ i, ni yite *Esaduseyeŋ i.

Májiye 7:15

—Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu.

Saaŋ 16:4

Bare isokuunsok bo kaanuku ifi bija ayak abin áami bibaja, n'áribaŋino kaanuku ibinabina isokuun bo. —Isokutuun bo hítiyar hu, ábuki úmoomi t'afeeneŋ.

Epotor i 2:42

Iŋi kajok alit tip ti b'epotor i bimbi kaliikeniin, ni kariiko t'afeeneŋ biriiko beejake, ni kafiitar kumburu ku t'afeeneŋ, abe n'iŋi kalaw yooŋ t'afeeneŋ.

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

1 Korent 10:12

Náami an af'ayinoor n'aane asiiŋasiiŋo ayanee, anaŋ toko hikawo atum'abin aney ti kaahoofoor.

1 Korent 15:58

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

Galasi 5:4

Aruun keeŋes ku kaanuku man Atambatun n'aane árijubajub iŋi naane árijeŋgine i Eluwa yite Moyis, ariwasoora ni Kiris, kajaku kite Atambatun n'áruuniit.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Fílip 3:2

Aritey kiŋki káhin beejakut bu, keeemo ku búkuruk, abe ni kajok *kateyi karam doon dómbokun!

Kolos 2:5

Hutoof yooŋ ikambuunkamb, ehelam bare yendu t'aruun, abe hikawam hutoofatoof dómbokun, ábuki ijukajuk naane arijoŋoore i, abe n'arijok alitee ti káyilen koonuun ti Kiris.

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

2 Timote 4:15

Awe yooŋ a̱naŋ te o hikawi, ábuki ásokumasokum ni sembe kawaare kite k'uni.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

1 Piyeer 5:9

Arijok alitee ti káyilen ku, abe n'aŋ'aritandarisan te o, ábuki árimoomi kaanuku bakatuuun kéeyilene ku keeemo ku t'etaam i fe, sílaam sondu yooŋ s'ifi kajuk.

2 Piyeer 2:7

Bare afakanafakan *Lot eeemo u ániine eejake. Lot aŋ'ajuk ti manoŋkar meejakut mu mite énafuta i bakate ti kikinu kondu, eholo fe eŋ'ehabano.

2 Piyeer 3:1

Kújakuwe, aruun k'ímaŋie-maŋie ku, eleetar yende ésooboriyan y'íkiñjin fee n'aruun. Tu súsuba su fe, iŋ'íbaŋinanuun b'ariliikenee bu kaanuku man n'arinaŋ tu ñúwejet ñoonuun biyinoor beejoŋoore.

Kafeeñal ku 2:5

Á̱baŋino t'a̱bine du a̱ney. A̱watanooro wuhoofoor wúuwe, abe n'aŋ'á̱hin ajakee naane aa á̱hinaani ti kátiyar ku. Afut'a̱watanooro, n'iŋ'ibin t'awe, abe n'iŋ'inuutan báanaŋum bite árundoora úuwe ti beemo du.