2 Piyeer 3:16 - Kwatay (Kuwaataay)

¹⁶ Aŋ'asok bo yooŋ ti bileetar boone fe kane ajemen bonde. Abajeebaj ti bileetar boone bike béetaañie kajoku, abe bakan kéewesinateit, káyilen kooniin yooŋ kifamut, n'iŋi kajok bo kawetekanoor, naane ii káhin yooŋ nu waawu wuwiit wute *Míkiñjin mu. Iyu ifi káhin kéetowutanooro.

2 Piyeer 3:16 ပူးပေါင်းရင်းမြစ်များ

Májiye 15:3

Yesu n'aaniin: —Aruun me, iŋi naŋ n'af'ariteñeko káhinu eluwa yite Atambatun, abe n'arifin arijok t'ejoosan yeenuun?

Májiye 15:6

an ondu asawuleit iŋki káyokunan faafo man yooŋ íñaayo. Iyu af'ariwas b'Atambatun asoke bu, ariifin arijok ti máhinar moonuun!

Májiye 22:29

Yesu n'aaniin: —Árijuuma fu, ábuki árimeyiit *Míkiñjin mu, árimeyiit yooŋ sembe site Atambatun.

Fílip 3:19

boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

Esuwif i 5:11

Iribajabaj beehooje bite kasokuuun tu bonde, bare kaanuku íriihandinuun bo, átaañieetaañi, ábuki árisoŋkaariit arijok.

Saak 1:8

ábuki hikawo iŋi hiteyoor, abe ájokaariit ti bifeeneŋ tu buroon bu fe bamb'áhin.

1 Piyeer 1:1

Íñje Piyeer, *apotor ite Yesu *Kiris ikiñje fee bakan k'Atambatun ajifane ku, keeyisaloolee ku tu búsuk bite bu Pont, ni bite bu Galasi, ni Kapadoos, n'Asi, ni Bitini. Baabu t'áruuniit.

1 Piyeer 2:8

Nu busooñ busokee toko kaanuku: «Ejuju yendu ef'ékinineŋ ésuk i n'ébiŋan, elaaliñj yendu ef'ékinineŋ ésuk i n'eney.» Ésuk i kábiŋanabiŋan ábuki kateñekateñeko káyilen ti hirim hite Atambatun, abe bondu bifiye fu buwariin kabaju.

2 Piyeer 2:1

Kóŋkeyin, abajabaj *Israyel bakan iŋi karito ni kajuus kaane boko kaamo *eyiŋana yite Atambatun. Iyu yooŋ i bakaake kayak fu birito t'etutuun, abe n'iŋi kajuus kaane boko kaamo émuse, bare bi kaja fu kaliiken ésuk i bíteiit nu múniyo. Boko kaliikenuun bite haajuus bite kátowutan ésuk i, abe boko biteñeko yooŋ Ámuse u eejaame u wuhoofoor wooniin. Iŋ'ite ho aamo fu bútowuto booniin káfufu, abe n'aŋ'áami boko kaŋese bo.

2 Piyeer 2:14

Kikawiin fe kondu ti haare hu, kaanuku man ni kaŋot nu boko. Kálaamaariit hikee ti káhinu kite wuhoofoor wu, abe iŋi kabuut bakan keejokut ku alitee ti bítim bite *Kiris. Kabaju sírirem taŋ keemo fu ti kikawiin. Bokondu Atambatun áwuumiinwuum!

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

2 Piyeer 3:2

Áribaŋino báhamin *b'eyiŋana yite Atambatun keenabe ku kabine bu kasok kóŋkeyin, n'eluwa yite Anahaan u *n'Afakana u yooŋ toko, *y'epotor i k'Atambatun áboñinuun ku kaliikenuun i.

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.