2 Piyeer 2:2 - Kwatay (Kuwaataay)

² Keehooje kasayiiin ti kiñaawu ti manoŋkar mooniin meejakut mu, kéekinineŋ ésuk i ni kálafatin bítim bite múniyo mu.

2 Piyeer 2:2 ပူးပေါင်းရင်းမြစ်များ

Májiye 22:16

Ni kaboñ te o bakaake t'eriboora yeeniin, ni bakaake ti kéesiiŋooreina ku *n'Erod. Kareeŋ ni kaane Yesu: —Ámuse u, írimoomi kaanuku awe an ite bifeeneŋ, abe aŋ'a̱liiken ésuk i múniyo mu ti bítim bite Atambatun. Á̱koleyiit yooŋ an fe, ábuki á̱anaariit man an onde an ómbokun man yooŋ.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Májiye 7:14

Bare karuŋ kite buroŋ béehabanaariit bu kiyiitayiit, éhuhu yeeje i bo yooŋ érimarim, abe kiŋki kajuk yo kahoojut.

Mark 12:14

Káreeŋin ni kaano: —Ámuse u, írimoomi kaanuku awe an ite bifeeneŋ. Á̱koleyiit yooŋ an fe, ésuk i karare t'awe, ábuki á̱anaariit man an onde an ómbokun man yooŋ, abe aŋ'a̱liiken ésuk i múniyo mu ti bítim bite Atambatun. A̱sok uni fee, man uf'újaam *áyi ómbokun eeemo u Rom búhal, n'uŋ'útin *t'Eluwa yite Moyis, man yooŋ bayi? Úwarawar kajaamu bo, man yooŋ aaa?

Mark 13:22

Ábuki bakaake bibin, abe n'iŋi kajuus kaane boko kaamo fu Afakana u, man yooŋ *eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, bakan k'Atambatun ajifane ku.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Epotor i 13:10

abe n'aano: —Awe ajuusa, batuuk, añi Setani, anatoora ite meejake mu! Kaakaŋ me n'a̱ja fu karaan kayeeman kite buroon beejoŋoore bu b'Atemit ámaŋie bu kasiiŋan?

Epotor i 14:2

Bare Esuwif i keeteñekee ku káyilen ni katiŋg keenooto ku Esuwif kayak kayinoor beejakut ti *kéeyilene ku.

Epotor i 16:17

N'aŋ'ásein uni ti hiñaawu uni Pooliin, abe n'aŋ'ataŋk aane: —Háyine hondu eroka bakate Atambatun eeemo u t'etiir-t'etiir! Kabinabin káwufooruun buŋ b'ariyino fu kafaku!

Epotor i 18:26

N'aŋ'áhamin ti *báalawum bu hikawo káayaŋgin piŋ. Hi Pirisil n'Akilas kajamo hu, ni kaja ne o, abe ni kahaŋo káwuforoor bítim bite Atambatun.

Epotor i 19:9

Bare bakaake tu boko káfeŋginut ñúwejet ñooniin; kateñekateñeko káyilen, abe yooŋ n'iŋi kákojian Bítim bite Anahaan u tu buhooŋu ésuk i fe. Náami Pool eenuut tu boko, abe n'aja ni kéeyilene ku. N'aŋ'awaare húnakonak fe t'eleekool ite ake ániine huruwu hoone Tiiranus.

Epotor i 22:4

Íhihinoorahihinoor keejoke ku ti Bítim bite Anahaan u iyak iŋ'iyool. Ijokajok háyine ni haare iikobiin ni ñaasel, abe n'ija ífiiten t'ekulu i.

Epotor i 24:14

Bonde bare bite nu múniyo b'ija bee kasoku hágilai: íñj'endu tu burok bija t'Atambatun ite sifaaf uni, ti Bítim bite Anahaan u. Boko iŋi kaane bítim bondu bíteiit nu múniyo, bare íyilenayilen beekiñjee bu fe *t'Eluwa yite Moyis, nu tu wuwiit wute *eyiŋana yite Atambatun.

Eleetar i yi Pool akiñje i bakate ku Rom 2:24

Ábuki *Míkiñjin mu meenaan: «Keenooto ku Esuwif kálafatina huruwu hite Atambatun áriikinineŋ.»

1 Timote 5:14

Iŋ'ite ho h'ímaŋie fu haare hu keereeŋanoorut ku simit bakan bákahaaji ki bákayiniin kakete ku ni kasooñ kaseño, keebaj biñi, abe ni kajokoor sunuuf sooniin, kaanuku man enatoora yite y'úne itim kabaj húkuuseima keesok t'úne bike.

Eleetar i yi Pool akiñje i Tit 2:5

ni kayinoor ajakee, abe ni *kakuur. Kawarawar kaliikeniin yooŋ kajokoor sunuuf sooniin ajakee, ni káyemi bakan keejake, abe ni kájeŋgin bákayiniin man an atum'abin asok beejakut ti hirim hite Atambatun.

Eleetar i yi Pool akiñje i Tit 2:8

A̱sok kirim kéejube k'an ayinaat kawaaŋatoor. Af'á̱hin ii, enatoora íiwe n'iŋi kafuño, ábuki iti kabaj beejakut bite kasoku t'úne.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

2 Piyeer 2:12

Bare bokondu iŋi kanoŋkooro kéehin naane bíndakakureŋ béemuusut, bite bibin kajokiee abe nu buyoolee, ábuki iŋi kálafatin bi kámeyiit bu. Boko kayooliee naane bíndakakureŋ bu.

2 Piyeer 2:15

Kawasawas bítim beejoŋoore bu, abe ni kátowuto. Iŋi kasa ti hiñaawu Balam ayiŋana u, añi ite Bosoor, akina éemaŋie u ajaamee sírirem éehin meejakut.

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.

2 Piyeer 2:21

Ahaŋ yéeni kajaku tu boko itim kámeyi bítim beejoŋoore bu, bala kámeyi bo, abe ni káwuŋg kiñaawu eluwa yeenabe i yi kaliikenee i.

2 Piyeer 2:7

Bare afakanafakan *Lot eeemo u ániine eejake. Lot aŋ'ajuk ti manoŋkar meejakut mu mite énafuta i bakate ti kikinu kondu, eholo fe eŋ'ehabano.

Eleetar i yi Sud akiñje i 1:10

Bare háyine hondu iŋi kálafatin bi kámeyiit bu. Abe buroon bimbi kanoŋkooro kéehin naane bíndakakureŋ bu, bondu yooŋ bija fu kátowutaniin.

Eleetar i yi Sud akiñje i 1:15

éeyini kajoonan etaam i ereyi. Akina kaniju ti bakan keejakut ku iŋi naane káhino i beejakut. Akina kaniju t'ehoofoora yendu keejakut kii iŋi naane kálafatino i fe.»

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.

Eleetar i yi Sud akiñje i 1:7

Áribaŋino yooŋ bakate ku *Sodom, nu *Gomoor, ni kikinu keeemo ku ne bo, kiŋki káhinaani naane emalaka yendu. Iŋi kafurukato yéeni, abe n'iŋi kaŋes yooŋ kaŋotu ni bakan keenooto kúŋgowulan naane boko. Hahiye bokondu ti kajuku kúnuur ti sineemak séehokaariit, abe bondu búwufoorawufoor úne kaanuku núunaŋ toko kikaw úne.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 13:14

N'ebuut bakate t'etaam i nu buroon bómbokun bemb'éhin beehaŋe bu ésuk i kikaw, b'ewunee bu kaanuku yéehin tu buhooŋu éndakakureŋ étiyar i. Ehaban, n'eene ésuk i éhin búwisenum beenokoore n'éndakakureŋ yeenufanee i yéeni ni kábura, abe bare n'eroŋ.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.