2 Piyeer 2:1 - Kwatay (Kuwaataay)

¹ Kóŋkeyin, abajabaj *Israyel bakan iŋi karito ni kajuus kaane boko kaamo *eyiŋana yite Atambatun. Iyu yooŋ i bakaake kayak fu birito t'etutuun, abe n'iŋi kajuus kaane boko kaamo émuse, bare bi kaja fu kaliiken ésuk i bíteiit nu múniyo. Boko kaliikenuun bite haajuus bite kátowutan ésuk i, abe boko biteñeko yooŋ Ámuse u eejaame u wuhoofoor wooniin. Iŋ'ite ho aamo fu bútowuto booniin káfufu, abe n'aŋ'áami boko kaŋese bo.

2 Piyeer 2:1 ပူးပေါင်းရင်းမြစ်များ

Májiye 10:33

Bare an af'ateñekaam tu buhooŋu ésuk i, íñje yooŋ biteñekoo hágila Faafam eeemo u t'etiir.

Májiye 24:11

Kabaju yooŋ keehooje keeyak kajuusu kaane boko kaamo *eyiŋana yite Atambatun, abe boko kabuutu bakan keehooje.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Májiye 24:5

Ábuki bakan keehooje bibin nu huruwu húuma iŋi kaane boko kaamo fu *Afakana u, abe boko kabuutu bakan keehooje-hooj.

Májiye 7:15

—Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu.

Mark 13:22

Ábuki bakaake bibin, abe n'iŋi kajuus kaane boko kaamo fu Afakana u, man yooŋ *eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, bakan k'Atambatun ajifane ku.

Hirim Heetoofe hu hi Luk akiñje hu 12:9

Bare an eeteñekaam u tu buhooŋu ésuk i, Añi ute Húŋgowulan hu yooŋ biteñekoo hágila emalaka yite Atambatun.

Hirim Heetoofe hu hi Luk akiñje hu 21:8

Yesu n'aaniin: —Arinaŋ toko kikawuun, an atum'abuutuun. Ábuki bakan keehooje bibin nu huruwu húuma iŋi kaane boko kaamo fu *Afakana u, man yooŋ ewahatu i ereeŋa. Bare atum'ariseiin ti hiñaawu.

Hirim Heetoofe hu hi Luk akiñje hu 6:26

«Átaañi t'aruun kane ésuk i fe kasokorooruun, ábuki iyu i sifaafiin ifi káhinaani kiŋki kajuus kaane boko kaamo eyiŋana yite Atambatun!

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

1 Korent 11:19

(Abe káwaajinoor kuwarawar kabaju t'aruun man kéejube ku nu múniyo ni káyiniee kakeetan.)

1 Korent 6:20

Atambatun ajaamajaam ahahee kaanuku eejoohenuun. Náami ariwarawar kánikan Atambatun ni sini soonuun.

1 Korent 7:23

Atambatun ajaamajaam ahahee kaanuku eejoohenuun. Náami atum'áriyemi búsukateen bite kúŋgowulan.

Galasi 2:4

Abajeebaj ejuusa kéenuusee kéeŋaabeina uni, kaanuku keejuk naane iriwaayene i ariike, aŋarkeyi naane írihinahin t'afeeneŋ ni Yesu *Kiris. Kámaŋamaŋi káhinu uni íriiyemi búsukateen bite Eluwa yite Esuwif i.

Galasi 3:13

Yesu Kiris áwuumee fu eeram úne t'úware du yéeni káwuumiee iŋi naane újeŋginut i Eluwa i ereyi, ábuki Míkiñjin mu meenaan: «An fe eekobee ti kaaland kite nunukanuk eeyoolee toko, Atambatun káwuumio.»

Galasi 4:17

Bakan kondu kiŋki kabuutuun ii iŋi kakototooruun, bare beeemo bu ti kikawiin bijakut. Bi kaŋes bu beemo fu núuwasoor íñje n'aruun, áriisiiŋoorein nu boko.

Galasi 5:20

kájeŋgin kite ñúwisenum ñu, mayaaf mu, kahuufoor ku, síheñjeŋoor su, bíhiñanoor bu, kayiŋatoor ku, kabatikanoor ku, káwaajinoor ku,

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Fílip 3:19

boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

Kolos 2:18

Kiŋki kaane eni awareewar káhihinoor, emalaka i yooŋ kawareewar kásukaay, atum'ariwasiin iŋi katinanuun. Iŋi kasokorooro uŋu buroon bimbi bifeeñiin. Biyinoor booniin bite bu t'etaam ye iŋi bitiŋgiin keeyitooro, abe yooŋ bibajut éñjeriŋ.

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

1 Timote 5:8

An afut'aŋ'atofotoor ebuke yeene, áhaŋum butoŋ booniin, an ondu awasa káyilen ku, abe an éeyilenut ákoyiokoyi.

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

Eleetar i yi Pool akiñje i Tit 1:11

Kawarawar kakumbiee ñutum, ábuki iŋi kayeeñooran kaanas ñeeba ti kaliiken kite ésuk i beejarut bu, kaanuku taŋ keebaj sírirem si kásuwatut.

Eleetar i yi Pool akiñje i Tit 3:10

An aŋ'ayeeñooran kéeyilene ku, a̱jab á̱yeegalo hifeeneŋ, bija kúsuba, abe n'a̱tik a̱nuutano.

Esuwif i 10:29

Náami arijuker t'an eehuufe Añi ite Atambatun: an ondu ajokut doon fe halan *heekuurano hu, hite *kaajamoor k'Atambatun asiiŋane ku, abe aŋ'álafatin Búwejet Beenabe bu bumbu búwufoor úne kajaku kite Atambatun. Ti kaayinoor koonuun, at'anijee fíya te o ahaŋ diyu?

1 Piyeer 1:8

Naane árimusut i kajuku Yesu fe, árimaŋiomaŋi; naane árijukaariito i hahiye fe, áriyilenayilen te o. Iŋ'ite ho hi kikawuun kutoofe fu dómbokun; kútumb kutoof kusooñen an ayinaat ko kasoku ni kirim.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

1 Saaŋ 2:26

Ikiñjuunkiñj bondu iŋi bakan keeŋes ku kabuutuuun.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

Eleetar i yi Sud akiñje i 1:18

Kaanuunyen: «Tu kunak kiraanu ku, kabaju bakan keeyakuun kásuwu, abe wúfaŋi wooniin weejakut wu taŋ wi kaja fu káhinu.»

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.

Kafeeñal ku 13:14

N'ebuut bakate t'etaam i nu buroon bómbokun bemb'éhin beehaŋe bu ésuk i kikaw, b'ewunee bu kaanuku yéehin tu buhooŋu éndakakureŋ étiyar i. Ehaban, n'eene ésuk i éhin búwisenum beenokoore n'éndakakureŋ yeenufanee i yéeni ni kábura, abe bare n'eroŋ.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.

Kafeeñal ku 2:9

ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!

Kafeeñal ku 3:8

ímoomi buroon b'á̱hine bu fe. Ímoomi kaanuku a̱bajut sembe, bare á̱jeŋginajeŋgin hirim húuma, abe a̱teñekeitam. A̱juk, ífeŋginifeŋgin karuŋ k'an ayinaat kafeŋku.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

Kafeeñal ku 6:10

Ni kataŋk kaane: «Atemit eenabe u, awe eeemo u an ite bifeeneŋ, awe kajoonan bakate etaam i, abe n'a̱nukan tu boko iŋi naane kayoole i uni. Náami a̱anahan bija kaakaŋ?»