2 Piyeer 1:8 - Kwatay (Kuwaataay)

⁸ Ábuki af'aribaj síjiko sondu, abe nu sulooñ t'aruun, so kákinineŋ kámeyi k'árimeyie ku Anahaan ite úne Yesu *Kiris ni kibaj éñjeriŋ, abe nu kubukoor meejake.

2 Piyeer 1:8 ပူးပေါင်းရင်းမြစ်များ

Májiye 13:22

Bakaaku kámoomi naane sinawaay seeneye su t'arkee du esisa. Boko kaamo fu kiŋki kajam hirim hu jak. Bare biyinoor bite t'etaam ye, ni sírirem sunsu subuut iye, bondu uŋu bubuuf ho, abe utu hubukoor.

Májiye 20:3

N'aŋk'asooñ ánuutin hi tírabina hu, n'ajuk bakaake ti kasiiŋee t'efiñjan i, káyemiit tu doon fe.

Májiye 20:6

Kaanendan ku, n'asooñ t'efiñjan i, n'aŋk'ajuk bakaake ti kasiiŋee toko. N'aaniin: «Kame h'aririikee hee diye hunak hu hireyi fe t'árihinut doon?»

Májiye 25:26

Ániine u n'aano: “Añek ondu, á̱nafutanafut faa! A̱fiyafiya á̱meyi kaanuku iŋ'íhotukan t'iwañut du, iŋ'ikuukan yooŋ t'inawut du.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Saaŋ 5:42

Bare ímoomiuun: ímoomi kaanuku árimaŋiit Atambatun.

Eleetar i yi Pool akiñje i bakate ku Rom 12:11

Áriyemi éñiŋkaana, abe atum'áriyemi biñek. Ñúwejet ñooniin ñíhabanein tu burok bite Anahaan u.

1 Korent 15:58

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

2 Korent 13:5

Arijuker kikawuun jak, ariijuk man aribajabaj káyilen. Eeman árimeyia kaanuku Yesu Kiris ondu t'aruun? Kane arko taŋ aruun ariyinaat káwufoor kaanuku áriyilenayilen.

2 Korent 8:2

Kajukajuk bo sílaam sómbokun, bare kikawiin kútumbatumba kutoof kasooñen naane aamo i kabajut doon fe-fe-fe, doon di kawune du dihahahah.

2 Korent 8:7

Aruun kusaanum tu buroon bu fe: ti káyilen ku, ni kámeyi kite múniyo mu, ni kawaare kite te mo, ni bíhabaneina bu t'Atambatun, ni kámaŋi k'árimaŋie ku uni. Náami írimaŋamaŋi áriyemi yooŋ naane kusaanum tu burok bondu beejake bii bite bateg bu.

2 Korent 9:14

Boko kalawu bija t'aruun, abe bondu káwufooruun kaanuku kámaŋiuunmaŋi, ábuki Atambatun ásoniyanuunsoniyan dómbokun.

Fílip 1:9

Bonde b'if'ilaw Atambatun bija t'aruun: yala kámaŋi koonuun ni kihaŋ bija hágila, n'arihaŋ yooŋ kámeyi múniyo mu, abe n'árinandin buroon bu jak,

Fílip 2:5

Abe n'aribaj búwejet naane bite bu Yesu Kiris:

Fílip 3:8

Abe it'iraan tu bondu barebare. Doon d'íhine fe, ijokajok do naane deejarut doon, iŋ'ite hu bonde beehaŋe bu bo fe, beeemo bu kámeyi kite Yesu Kiris Anahaan úuma. Iwasawas buroon bu fe uŋu hoone hu. Ijokajok bo naane bite káfiiten tu kuwos, kaanuku man n'ibaj Kiris,

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 2:7

Arilooñ te o, abe n'arinut buroŋ boonuun yooŋ te o. Arihaŋ yooŋ kajoku alitee ti káyilen ku naane kaliikenuun i, abe n'aŋ'ariene Atambatun ko kireyi fe eyeehen.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

1 Tesalonik 3:12

Anahaan u áhin ariihaŋ kámaŋioori, abe n'arihaŋ yooŋ kámaŋi ésuk i fe; árimaŋi bakaaku naane írimaŋiuun i.

1 Tesalonik 4:1

Hahiyu kújakuwe, arijamajam t'uni buŋ b'ariware fu káhinu ariitoof Atambatun, abe múniyo bo yooŋ b'af'árihin. Bare uni bokondu ti kalawuuun tu huruwu hite Anahaan u Yesu, abe n'íriwasiyanuun bo yooŋ man n'árihin ahaŋ diyu.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

1 Timote 5:13

Hutoof yooŋ kaseñeit, kuruwu kooniin ifi kikiñjee ti kaawiit ku, it'iŋki karok doon fe. Kabaa buyoosorooro sunuuf su kep, abe iti karaan t'eñeke i. Báhamin beejose taŋ, abe iti káyini kajoku ñutumiin. Bi kakolut bu ne bo, boko kasoku bo.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

Filemoŋ 1:6

Íñj'endu ti kalawu Atambatun man kajokoor ku waajokoore ku ti káyilen ku, ni kíhin a̱ahaŋ kámeyi meejake m'úbaje mu fe tu buroŋ bite b'úne ni *Kiris.

Esuwif i 6:12

Írimaŋiit áriyemi biñek. Bare arineefan ti kiŋki kabaj doon d'Atambatun aane du o kawuniiin aŋarkeyi naane káyilenayilen, abe ni kámuñ.

2 Piyeer 1:2

Atambatun aja ahaŋuun kásoniyan, abe n'awunuun yooŋ káasuumaay keefame-fam iŋi naane árimeyiiin i, akina n'Anahaan ite úne Yesu Kiris.

2 Piyeer 1:3

Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.