2 Piyeer 1:6 - Kwatay (Kuwaataay)

⁶ ti kámeyi ku b'Atambatun ámaŋie bu n'áriwutiyen toko bújokumooro; tu bújokumooro bu n'áriwutiyen toko kajoku alitee ti káyilen ku; ti kajoku ku alitee ti káyilen ku n'áriwutiyen toko káhinu naane Atambatun ámaŋie i;

2 Piyeer 1:6 ပူးပေါင်းရင်းမြစ်များ

Hirim Heetoofe hu hi Luk akiñje hu 21:19

Af'arijok alit tip, n'aŋ'aribaj buroŋ béehabanaariit bu.

Hirim Heetoofe hu hi Luk akiñje hu 8:15

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

Epotor i 24:25

Bare hu Pool áhamine hu tu buroŋ beejoŋoore bu, ni naane húŋgowulan aware i kajoku hikawo, ni kajoonan keeware ku bibin, Felikis n'ákoleyi abe n'aane: —Hahiyu a̱ja. If'ibin ibaj ejot, n'iŋ'isooñ iruwi.

Eleetar i yi Pool akiñje i bakate ku Rom 15:4

Beesokee bu kóŋkeyin ti Míkiñjin mu fe, bo bite kaliiken úne, ni biyaŋganan úne kikaw, abe ni bíhin úne uŋ'úmuñ kaanuku man n'úbaj eyakar.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 8:25

Bare uf'úyakar doon d'újukoorut, uŋ'úmoken do.

1 Korent 9:25

Kiŋki káhin buroon bu naane kateyi ku bija ti síheekoor su, ajok étuum i, iŋi kajab kaliiken ásuf. Iŋi káhin bondu kaanuku man ni kabin kabaj hisiibanu héefiyaariit. Úne bare uŋ'úhin bo kaanuku man n'úbaj hisiibanu hite hiraanu.

2 Korent 6:4

Aaa, iŋ'íriwufoor tu buroon bu fe bimb'írihin kaanuku uni eroka bakate Atambatun: iŋ'irituumen dómbombokun ti sílaam su, nu kúnuur ku, nu wútaañi wu,

Galasi 5:23

ni káneeni ku, nu bújokumooro bu. Eluwa yite Moyis eteñekeit buroon naane bondu!

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

2 Tesalonik 1:4

Iŋ'ite ho h'if'irisaŋgoor uŋu hoonuun hu ti bakaaku *kéeyilene ku. Ábuki naane aa arijuk sílaam bija yooŋ kúnuur fe, arijokajok alitee ti káyilen koonuun.

2 Tesalonik 3:5

Anahaan u Yesu *Kiris aja ajoŋooran siheluun, éehinuun aŋ'árimuñ naane akina, abe n'áhinuun áriimaŋi yooŋ Atambatun.

1 Timote 2:10

Bare káwari kooniin kuwarawar káyemi kanoŋku ajakee; bondu bijake fu ti haare keeene kájeŋginajeŋgin Atambatun.

1 Timote 2:2

Aŋ'arilawo bija ti bákayi ku, ni keeemo ku t'éŋguur i fe, man buroŋ bite b'úne ni bibeb, abe nu butoof. Iyu, n'uŋ'úyini káwufoor kaanuku újeŋginajeŋgin Atambatun, abe yooŋ manoŋkar mite m'úne fe meejake.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

1 Timote 6:11

Bare awe eeemo u an ite Atambatun, a̱tey buroon beejakut bondu. A̱ŋes káyemi an éejube, a̱jok t'Atambatun, a̱baj káyilen, á̱maŋi an, á̱muñ, abe n'á̱neeni.

1 Timote 6:3

An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

1 Timote 6:6

Múniyo káyilen ku t'Atambatun ebaj yómbokun tu húŋgowulan, kane arko hikawo hutoofatoof tu doon d'abaje du.

2 Timote 3:5

Boko káhinu ni kite bayi kabajabaj káyilen, bare boko biteñeko sembe site te ko. A̱kamb bakan kondu!

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Eleetar i yi Pool akiñje i Tit 1:8

Bare awarawar kajoku áwariee emoosoora i kiŋki kabin te o, abe n'ámaŋi meejake mu. Awarawar iŋi kayinoor ajakee, n'áyemi an éejube, an eenabe, abe n'aŋ'ájokumooro.

Eleetar i yi Pool akiñje i Tit 2:2

A̱ane háyine hu keehaane ku itim'iŋi káwusan; káhin ajakee, kayinoor yooŋ ajakee, kajok alitee ti káyilen ku, ni kámaŋi ku, ni kámuñu ku.

Esuwif i 10:36

Kámuñu k'arisawulee fu, man n'árihin b'Atambatun ámaŋie bu, arihaban, n'aribaj doon d'aane du o kawunu úne.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Esuwif i 6:12

Írimaŋiit áriyemi biñek. Bare arineefan ti kiŋki kabaj doon d'Atambatun aane du o kawuniiin aŋarkeyi naane káyilenayilen, abe ni kámuñ.

Esuwif i 6:15

Aburaham n'anahan ti kámuñu yooŋ kep, abe n'abin abaj b'Atambatun afiye bu asoko.

2 Piyeer 1:3

Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

2 Piyeer 3:11

Makamu buroon bu fe iyu i bija fu bútowuto, hahiyu arijuk jak buŋ bu buroŋ boonuun buware fu káyemi! Buwarawar kanabu, abe n'arijok yooŋ alitee t'Atambatun,

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 13:10

An eeemo ite bibin kajokiee eekulee, o bibin kakuliee. An eeemo ite bibin kayooliee ni kábura, o kayooliee ni kábura. Iŋ'ite ho aamo fu bakan kite Atambatun kawarawar kámuñu, itim kawas káyilen ku.»

Kafeeñal ku 14:12

Iŋ'ite ho aamo fu bakan kite Atambatun, kiŋki kájeŋgin buluwa boone, abe ni kajok alitee ti Yesu kawarawar iŋi kámuñu.

Kafeeñal ku 2:2

ímoomi buroon b'á̱hine bu bireyi fe, ni naane aa á̱miñooro tu burok, ni naane aa á̱muñ yooŋ. Ímoomi kaanuku a̱yinaat kakinu ni bakan keejakut ku. A̱jondomanajondoman yooŋ jak ti kiŋki kaane boko kaamo *epotor ayak a̱juk kaanuku nu múniyoiit, boko kajuuse.