2 Piyeer 1:5 - Kwatay (Kuwaataay)

⁵ Iŋ'ite ho aamo fu áriñiŋkaan áriiwutiyen manoŋkar meejake ti káyilen koonuun; ti manoŋkar meejake mu n'áriwutiyen toko kámeyi b'Atambatun ámaŋie bu;

2 Piyeer 1:5 ပူးပေါင်းရင်းမြစ်များ

Hirim Heetoofe hu hi Luk akiñje hu 16:26

Abe bóndiiit yooŋ barebare; káyiyaŋ keeemo ku t'etut úne kéesulie yéf, kaanuku kéemaŋie ku kánuutina nere keebin nu boonuun itim káyini, bija yooŋ kéemaŋie ku kánuutina nu boonuun keebin nere fe.»

Hirim Heetoofe hu hi Luk akiñje hu 24:21

Uni iriyakarayakar yéeni kaanuku akina aamo fu an eeja u kafakan *Israyel. Bare fu úmiye n'aamo fu hunak híhaajiyan hu huta hu bondu iŋi bibin bibaj.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

Efees 5:17

Iŋ'ite ho aamo fu atum'arisoŋoto, bare áriñiŋkaan man n'árinandin buŋ b'Anahaan u ámaŋie fu aŋ'árihin.

Fílip 1:9

Bonde b'if'ilaw Atambatun bija t'aruun: yala kámaŋi koonuun ni kihaŋ bija hágila, n'arihaŋ yooŋ kámeyi múniyo mu, abe n'árinandin buroon bu jak,

Fílip 2:12

Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kolos 2:3

Káwasi ku, ni kámeyi kite múniyo mu, bondu fe búmoomi naane ebaj, abe te o tu búnuusee fu.

Esuwif i 11:6

Abe an ayinaat katoofu Atambatun t'abajut káyilen. Múniyo an eeemo ti kalohu Atambatun awarawar káyilen kaanuku Atambatun abajabaj, abe aŋ'asiiban yooŋ kiŋki kaŋeso.

Esuwif i 12:15

Arinaŋ toko kikawuun, kajaku kite Atambatun, an atum'áwuŋg ko hiñaawu. An t'aruun atum'áyemi naane nunukanuk nite miriyaay méetike; n'aŋ'átifen bakan keehooje ni kátiku koone.

Esuwif i 6:11

B'írimaŋie bu beemo fu huruw fe t'aruun áñiŋkaan kep bija yooŋ tu hunak hiraanu hu, man doon d'ariyakare du fe ni dibaj.

1 Piyeer 3:7

Aruun yooŋ háyine hu, arijokoor haare hoonuun áwariee, abe n'áribaŋino kaanuku arireyit nu boko sembe. Arijokiin nu sumoŋu súsuba, ábuki kawarawar kabaju buroŋ béehabanaariit bu b'Atambatun ayak bu kawunu naane aruun. Af'árihin ii, doon utu dukolen kalawu koonuun.

2 Piyeer 1:10

Kújakuwe, iŋ'ite ho aamo fu áriñiŋkaan ariijok alitee áriiwufoor kaanuku Atambatun aruwuunruw, abe n'ajifanuun yooŋ. Ábuki af'árihin iyu, at'ariney hikee ti kaahoofoor.

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.