2 Piyeer 1:4 - Kwatay (Kuwaataay)

⁴ Iyu a awune fu úne buroon bómbokun béewarie naane afiye i asok aane o kawunu úne bo. Áhinahin iyu kaanuku af'arijok bo, n'arifak tu wúfaŋi weejakut weeemo wu t'etaam ye wuwu wúbuj ésuk i, abe n'aribaj sihel naane yeene i.

2 Piyeer 1:4 ပူးပေါင်းရင်းမြစ်များ

Eleetar i yi Pool akiñje i bakate ku Rom 9:4

Boko bakate *Israyel. Atambatun áhiniinhin kéeyemi bakañio, abe n'áwufooriin yooŋ kániku koone. Ajamoorajamoor nu boko keehooje, abe n'asaaniin Eluwa i, n'áwufooriin yooŋ buŋ bi kawaro fu kalawu, abe n'asokiin b'aja bu káhiniiin.

2 Korent 1:20

Ábuki te o t'Atambatun aane fu «hee» tu buroon bu fe b'afiye bu aane o káhinu. Náami tu huruwu hite Yesu Kiris t'uf'úene «amiin» yite i úne kane úyemi ti kasokoroor Atambatun.

2 Korent 3:18

Úne úreyi, ñuhooŋu ñite ñ'úne ñúkumbaloolutee, abe kasilan kite Anahaan u ifi kifeeñ te ño naane ti kaajukooreey. Náami úne bokondu ti kahosanee kep kaanuku núuyemi naane Anahaan u, abe uŋ'úja ti kahaŋu kasilan. Diyu burok bite Búwejet bite Anahaan u.

2 Korent 6:17

Iŋ'ite ho h'Atemit aane fu: «Arinuut ti kéeyilenut ku áriiyemi káasiŋuun. Atum'arigor mayet doon *deekuurut, abe n'iŋ'ijokuun áwariee.

Galasi 3:16

Atambatun aanaan o káhinu bike bija *t'Aburaham n'añi u a aja u káyeki. *Míkiñjin mu meenut: «ni bakañio», kite bakan keehooje. Aaa, afeeneŋ i musoke fu. Meenaan: «n'añi u a a̱ja u káyeki», o aamo fu *Kiris.

Galasi 6:8

An af'awañ wúfaŋi woone weejakut wu weetoofo wu barebare, wo káhinio éehotukan eket i. Bare an n'afin awañ beetoofe bu Búwejet Beenabe bu, bo káhinio éehotukan buroŋ béehabanaariit bu.

Efees 4:13

Úreyi fe yooŋ n'uŋ'úyini káhinu t'afeeneŋ ti káyilen ku, abe t'afeeneŋ yooŋ n'úmeyi Añi ite Atambatun. N'uŋ'úhaat ti káyilen ku, abe n'uŋ'úre ti kareyi kite Kiris.

Kolos 3:10

Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.

Esuwif i 12:10

Sifaaf úne iŋi kajoŋooran úne simit iye kep kane kayinoor ni kaane bijakajak. Bare Atambatun aŋ'ajoŋooran úne bija ti káasuumaay kite k'úne kaanuku man n'úbin únab hiraanu naane akina.

Esuwif i 9:15

Iŋ'ite ho hi Kiris asiiŋee fu t'etut Atambatun nu kúŋgowulan ku, ti kaajamoor kíyeni ku k'ajamoore ku nu boko. Áhinahin bondu kaanuku man bakan k'Atambatun aruwe ku ni káyini kabaju ebaj yéehabanaariit i, y'Atambatun aane i o kawunu bakan koone. Boko kabaju yo, ábuki Kiris aketaket, abe eket yeene efakanafakan ésuk i tu wuhoofoor wi káhine wu, boko ti kájeŋgin kite kaajamoor kítiyar ku.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

2 Piyeer 3:13

Bare Atambatun afiyafiya asok aane o káwuwan bufor bíyeni, n'eke etaam yooŋ, abe buroon béejube taŋ bija fu káyemi toko. Bondu b'únahan fu.

2 Piyeer 3:9

Bakaake iŋi kaane Atemit ákurakuri ti káhinu b'asoke bu, bare tókoiit. Am aŋ'ámuñ n'aruun kep, ábuki ámaŋiit mayet afeeneŋ átowuto. Aaa, b'ámaŋie bu beemo fu huruw fe n'awatanooro wuhoofoor woone.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.