2 Piyeer 1:3 - Kwatay (Kuwaataay)

³ Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

2 Piyeer 1:3 ပူးပေါင်းရင်းမြစ်များ

Májiye 28:18

Yesu n'átofin abe n'aaniin: —Iwuneewun sembe tu buroon bu fe t'etiir bufor bu ni t'etaam i.

Eleetar i yi Pool akiñje i bakate ku Rom 8:32

Akina éetumbut u awas Añio, bare n'ásiko asaan eeket bija t'úne úreyi, buŋ b'atuf'awun úne doon areyi fe t'afeeneŋ n'Añio?

Eleetar i yi Pool akiñje i bakate ku Rom 9:24

Abe bakan kondu kaamo fu úne, úne k'aruwe ku, káanukiiit t'Esuwif i barebare, bare ti keenooto ku yooŋ Esuwif.

1 Korent 1:9

Atambatun áwasaariit báhamin b'asoke, akina eeruwuun u kaanuku áriihin t'afeeneŋ n'Añio Yesu Kiris Anahaan ite úne.

2 Korent 12:9

Bare n'aanam: «Kajaku kiŋk'íwufoori kifamifam, ábuki an af'aja ayak abin áami aŋkut abaj sembe, toko ti sembe súuma t'ifi sihaŋ kafeeñu te o.» Náami íñje kamaku ti béewufoore bu kabajaate kúuma kite sembe su, man sembe site *Kiris ni síyemi t'íñje.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Fílip 3:8

Abe it'iraan tu bondu barebare. Doon d'íhine fe, ijokajok do naane deejarut doon, iŋ'ite hu bonde beehaŋe bu bo fe, beeemo bu kámeyi kite Yesu Kiris Anahaan úuma. Iwasawas buroon bu fe uŋu hoone hu. Ijokajok bo naane bite káfiiten tu kuwos, kaanuku man n'ibaj Kiris,

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

Kolos 1:16

Ábuki te o t'Atambatun aŋaase fu éewuwan doon fe deeemo t'etiir bufor bu ni t'etaam i: beejukanee bu, ni béejukaariitee bu, ñúwejet ñite sembe su ñeeemo ñu t'etiir, ni bákayi ku, n'eseef i, ni bakate sembe su. Te o t'Atambatun aŋaase fu éewuwan doon fe, abe bija te o.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

2 Tesalonik 2:14

Bondu b'Atambatun aruwuun fu, éeŋaasann bo ti Hirim Heetoofe h'irisokuun hu, kaanuku man kikawuun nu kutoof yooŋ iŋi kániku kite Anahaan ite úne Yesu *Kiris. Bondu bibajabaj aŋarkeyi naane áriyilenayilen tu múniyo mu; bibajabaj yooŋ ti sembe site Búwejet Beenabe bu, béehinuun bu áriiyemi bakan kite Atambatun.

1 Timote 4:8

Bímiñooro tu burok ajakajak, bare tu doon diŋgilis. Kájeŋgin Atambatun ajakajak tu doon areyi fe, ábuki eyakar yendu toko yite buroŋ bite hahiye, ni bite bu kóyinokoyin.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

1 Piyeer 1:15

Bare áriyemi bakan keenabe ti máhinar moonuun, naane Atambatun eeruwuun u anabe i yooŋ.

1 Piyeer 1:5

Naane aamo i áriyilenayilen te o, o kajukaruun ni sembe soone kaanuku eebin eefakanuun. Bondu kámeyiee tu hunak hiraanu hu.

1 Piyeer 2:21

Iŋ'ite hu bondu h'Atambatun aruwuun fu, ábuki *Kiris humuumo ajukajuk sílaam uŋu hoonuun hu, áwufooruunwufoor yooŋ bítim bu kaanuku man n'arisao ti hiñaawu.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

2 Piyeer 1:10

Kújakuwe, iŋ'ite ho aamo fu áriñiŋkaan ariijok alitee áriiwufoor kaanuku Atambatun aruwuunruw, abe n'ajifanuun yooŋ. Ábuki af'árihin iyu, at'ariney hikee ti kaahoofoor.

2 Piyeer 1:2

Atambatun aja ahaŋuun kásoniyan, abe n'awunuun yooŋ káasuumaay keefame-fam iŋi naane árimeyiiin i, akina n'Anahaan ite úne Yesu Kiris.

2 Piyeer 1:5

Iŋ'ite ho aamo fu áriñiŋkaan áriiwutiyen manoŋkar meejake ti káyilen koonuun; ti manoŋkar meejake mu n'áriwutiyen toko kámeyi b'Atambatun ámaŋie bu;

2 Piyeer 1:6

ti kámeyi ku b'Atambatun ámaŋie bu n'áriwutiyen toko bújokumooro; tu bújokumooro bu n'áriwutiyen toko kajoku alitee ti káyilen ku; ti kajoku ku alitee ti káyilen ku n'áriwutiyen toko káhinu naane Atambatun ámaŋie i;

2 Piyeer 1:8

Ábuki af'aribaj síjiko sondu, abe nu sulooñ t'aruun, so kákinineŋ kámeyi k'árimeyie ku Anahaan ite úne Yesu *Kiris ni kibaj éñjeriŋ, abe nu kubukoor meejake.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.