2 Piyeer 1:17 - Kwatay (Kuwaataay)

^17-18 Írimoomi ne o ti hirij heenabe hu, kóyin k'Atambatun Faaf u ánikano ku, abe n'asalo yooŋ. Kóŋkeyin, kaaji kite Atambatun eehaŋe u énika kíhaminnahaminn ne o keene: «An onde aamo fu Añi úuma i ímaŋie u. Te o ti hikawam hutoofe fu.» Uni kumuum uni irijamajam kaaji kondu kéenuutina kii t'etiir bufor bu.

2 Piyeer 1:17 ပူးပေါင်းရင်းမြစ်များ

Májiye 12:18

«Atambatun aane: an onde af'áhin naane isoke i, akina i ijifane fu, o i ímaŋie fu, te o ti hikawam hutoofe fu. Íñje kahoojano nu Búwejet búuma, abe o káwufoor bakate t'etaam i fe bítim beejake bu.

Májiye 17:3

Eriboora i t'éhaajiiin kaja kajuku, náami *Moyis ondu, *n'Eli ti báhamin ni Yesu.

Májiye 17:5

Ondu ti báhamin bu, náami kaafor keejaaŋe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Te o ti hikawam hutoofe fu. Arijamatano jak!

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Májiye 3:17

Kaaji ni kíhaminn t'etiir bufor bu keene: —An onde aamo fu añi úuma i ímaŋie u. Te o ti hikawam hutoofe fu.

Mark 1:11

Kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Mark 9:7

Kaafor ni kíŋaasin, abe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Arijamatano jak!

Hirim Heetoofe hu hi Luk akiñje hu 10:22

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Hirim Heetoofe hu hi Luk akiñje hu 3:22

abe Búwejet Beenabe bu nu búwanein te o naane búnokoorum bite húleebaan. Abe kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Saaŋ 10:15

naane Faaf u ámeyiam i, íñje yooŋ n'ímeyio. Abe íñje kásiku síhiiniam isaan bija ti síkarniina súuma.

Saaŋ 10:36

Íñje bare, Atambatun ajifanam, abe n'áboñinam t'etaam ye. N'aŋ'arifin ariene íñje ílafatino aŋarkeyi eenaan íñje Añi ite Atambatun?

Saaŋ 14:11

Áriyilen naane eenuun i íñj'endu ti Faaf u, abe Faaf u yooŋ ondu t'íñje. Arko yooŋ áriyilenut báhamin búuma, áriyilen kame uŋu buroon bimb'íhin.

Saaŋ 14:6

Yesu n'aano: —Íñj'eemo fu bítim bu, nu múniyo mu, nu buroŋ bu. An ayinaat bija ti Faaf u t'aŋaasut t'íñje.

Saaŋ 17:21

Faafa, íñj'endu ti kalawu kaanuku man kareyi fe ni káyemi afeeneŋ, naane a̱amo i t'íñje, n'íyemi yooŋ t'awe; kéeyemi tu wane afeeneŋ, man bakate ku t'etaam i ni káyilen kaanuku awe á̱boñinam fu.

Saaŋ 20:17

Yesu n'aano: —Atum'a̱jokam, ábuki isiroorut ti Faaf u. Bare a̱ja a̱sok eriboora íima, a̱aniin iisiro bija ti Faafam eeemo u yooŋ Faafuun, t'Atambatun úuma eeemo u yooŋ Atambatun oonuun.

Saaŋ 3:35

Faaf u ámaŋamaŋi Añi u, abe n'awuno sembe tu buroon bu fe.

Saaŋ 5:20

Ábuki Faaf u ámaŋamaŋi Añi u, abe aŋ'áwufooro buroon bireyi fe bamb'áhin. Akina yooŋ káwufooro buroon bite káhinu beehaŋe bonde, abe aruun bijahale arireyi fe.

Saaŋ 5:26

Ábuki naane Faaf u ákinie i buroŋ bu, iyu yooŋ a awune fu Añi u éekini bo.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Saaŋ 6:39

Abe beetoofe bu an éeboñinam u beemo fu itim'ítowutan mayet afeeneŋ ti k'asaanam ku, bare n'ibin iritaniin t'eket i tu hunak hiraanu hu.

Eleetar i yi Pool akiñje i bakate ku Rom 15:6

man arireyi fe n'árihin kaaji kifeeneŋ ariisokoroor Atambatun, Faaf ite Anahaan ite úne Yesu Kiris.

2 Korent 1:3

Úsokoroor Atambatun Faaf ite Anahaan ite úne Yesu *Kiris. Akina aamo fu Faaf u aa ayubiyen ésuk i, abe n'áyemi yooŋ Atambatun aa abeetooriin ko kireyi fe!

2 Korent 11:31

Atambatun, Faaf ite Anahaan u Yesu ámoomi kaanuku ijuusut. Úsokorooro ko kireyi fe!

Esuwif i 1:3

Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.

2 Saaŋ 1:3

Atambatun Faaf u, ni Yesu *Kiris Añi ite Faaf u kaja kásoniyan úne, ni kayubiyen úne, abe ni kawun úne káasuumaay, úne keekine ku tu múniyo mu abe n'úmaŋioori.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.