11 Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.
Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.
Múniyo úmoomi kaanuku sini site s'úne ufu súbujo, so seeemo su naane búwuureey b'úkine te bo t'etaam ye, úbajabaj t'etiir bufor bu sini seeemo naane sunuuf site hiraanu. Atambatun afaree fu so bija t'úne, kúŋgowulan kíiit.
Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.
Bakan keeware ku kabaju b'Atambatun aane bu o kawunu bakan koone, Atambatun ámaŋamaŋi bukuuriin but kaanuku b'asoke bu utu buwas hikee. Iŋ'ite ho h'áhamine fu ahaban, n'awaat.
Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.
Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.