2 Piyeer 1:1 - Kwatay (Kuwaataay)

¹ Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

2 Piyeer 1:1 ပူးပေါင်းရင်းမြစ်များ

Májiye 10:2

Kuruwu kite *epotor i sumoŋu ni bákasuba ku konde: átiyar u, Simoŋ (ii kaane Piyeer) n'at'o Andere; Saakiin n'at'o Saaŋ biñi bite Sebede;

Májiye 4:18

Yesu áyemia ti bija bu ti katafa kite *han hite *Gálile, n'ajuk embaala bákasuba, Simoŋ (ii kaane Piyeer) n'at'o Andere ti káfiiten embaalu ti han hu.

Hirim Heetoofe hu hi Luk akiñje hu 1:47

abe búwejet búuma butoofana iŋ'ite Atambatun *Afakana úuma,

Hirim Heetoofe hu hi Luk akiñje hu 11:49

Iŋ'ite ho h'Atambatun éemeyie u doon fe aane fu: «Íñje kaboñiiin eyiŋana *n'epotor. Boko kayoolu bakaake, ni káhihinoor bakaaku.»

Saaŋ 1:42

N'aja ne o ti Yesu. Yesu n'ajondoman te o abe n'aano: —Awe a̱amo fu Simoŋ, añi ite Saaŋ. Hahiye ésuk i kaanii Sefas. (Sefas, ho hifeeneŋ hu ni Piyeer, aamo fu «Elaaliñj».)

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Saaŋ 20:21

Yesu n'asooñ aaniin: —Káasuumaay kibaj t'aruun! Naane Faaf u áboñinam i, íñje yooŋ iiboñuun.

Epotor i 15:14

Simoŋ akamakam úne naane Atambatun ajabe i abin ti keenooto ku Esuwif éehin bakaake tu boko kéeyemi bokoone ku.

Eleetar i yi Pool akiñje i bakate ku Rom 1:1

Íñje Pool aroka ite Yesu *Kiris ikiñje fee eleetar yende. Atambatun aruwamruw kaanuku íiyemi *apotor, abe n'ákajinam kaanuku iŋ'iwaare Hirim hoone Heetoofe hu.

Eleetar i yi Pool akiñje i bakate ku Rom 1:12

Bonde b'ímaŋie fu kasoku: eene ímaŋamaŋi kaanuku núuhaŋ kayaŋgananoor kikaw íñje n'aruun ti káyilen k'úbaje ku.

Eleetar i yi Pool akiñje i bakate ku Rom 1:17

Múniyo Hirim Heetoofe hu húwufoorawufoor buŋ b'Atambatun af'ajok húŋgowulan an éejube: ti káyilen ku taŋ. Ti káyilen ku tu bondu bíjabina fu, ni biraan yooŋ te ko, naane busokee i ti *Míkiñjin mu. Meenaan: «An éejube, buroŋ boone káyemi bite káyilen.»

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

1 Korent 15:9

Múniyo íñj'eemo fu biraanu bite epotor i fe, abe iwarutee yéeni kaanu apotor, ábuki íhihinoorahihinoor *kéeyilene ku.

1 Korent 9:1

Abajeebaj fíya doon déekiniam? Íñje *ápotoriit? Ijukut Yesu Anahaan ite úne? Íñjeiit kereŋ ibine fu n'aruun ti bítim bite Anahaan u?

2 Korent 4:13

*Míkiñjin mu meenaan: «Íyilenayilen, iŋ'ite ho h'íhamine fu.» Abe makamu káyilen kondu koko k'iribaje fu, uni yooŋ káhamin.

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Galasi 2:8

Ábuki naane áhine i Piyeer éeyemi *apotor oone t'Esuwif i, iyu yooŋ a áhinam fu íiyemi apotor oone ti keenooto ku Esuwif.

Efees 3:5

Kóŋkeyin, Atambatun áwufoorut kúŋgowulan ku béenuusee bondu. Bare hahiye, áhinahin Búwejet boone béewufoor bo *epotor yeene keenabe ku, *n'eyiŋana yeene yooŋ.

Efees 4:11

Akina awune fu kúŋgowulan ku kéeyemi bakaake *epotor, bakaake *eyiŋana yite Atambatun, bakaake ewaaraa Hirim Heetoofe hu, bakaaku ni káyemi égila yite bakan kite Atambatun, abe n'iŋi kaliikeniin hirim hoone.

Efees 4:5

Anahaan afeeneŋ taŋ abaje fu, ni káyilen kifeeneŋ yooŋ, ni *kaboste kifeeneŋ taŋ.

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

2 Timote 1:5

Iŋ'íbaŋino káyilen keeyane keeemo ku t'awe. Káyilen kondu k'íñaayi ómbokun Loyis, n'íñaayi Enis kajabe ku kabaj, abe bukuuramkuur kaanuku a̱bajabaj ko yooŋ.

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Eleetar i yi Pool akiñje i Tit 1:4

Áñuumo Tit, íñj'endu ti kákiñjini eleetar yende. Awe a̱amo fu añiam nu múniyo, ábuki á̱yilenayilen ti Kiris naane íñje. Atambatun Faaf u, ni Yesu Kiris Afakana ite úne kaja kásoniyani, abe ni kawuni káasuumaay.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Saak 1:1

Íñje Saak ii irok bija t'Atambatun n'Anahaan u Yesu *Kiris ikiñje fee. Íñj'endu ti kasaafu bakan kite Atambatun kareyi fe keeyisaloolee ku t'etaam ye.

1 Piyeer 1:1

Íñje Piyeer, *apotor ite Yesu *Kiris ikiñje fee bakan k'Atambatun ajifane ku, keeyisaloolee ku tu búsuk bite bu Pont, ni bite bu Galasi, ni Kapadoos, n'Asi, ni Bitini. Baabu t'áruuniit.

1 Piyeer 1:7

Sílaam sondu site kajuku man káyilen koonuun kite nu múniyo man yooŋ. Éwurus áyinooniee kábuju, bare ti sineemak t'af'ajukee man ejakajak. Iyu yooŋ i káyilen koonuun keehaŋe ku éwurus ifi kiŋesee ti sílaam sánosan, t'ajuk man kiyanayan. Náami hunak hi Yesu Kiris áŋaasin hu, Atambatun kasokorooruun, n'ánikanuun, abe n'asaluun.

1 Piyeer 2:7

Elaaliñj yendu ebajabaj éñjeriŋ yómbokun t'aruun *kéeyilene ku. Bare ti kéeyilenut ku, «Elaaliñj i y'enuta i káfiitene i yéeni, yo esooñe fu éyemi meeyane mite enuuf i.»

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

2 Piyeer 1:4

Iyu a awune fu úne buroon bómbokun béewarie naane afiye i asok aane o kawunu úne bo. Áhinahin iyu kaanuku af'arijok bo, n'arifak tu wúfaŋi weejakut weeemo wu t'etaam ye wuwu wúbuj ésuk i, abe n'aribaj sihel naane yeene i.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.