2 Korent 9:2 - Kwatay (Kuwaataay)

² Ímoomi kaanuku arisiiŋasiiŋo ti kaanu ku áriiyokunaniin, abe imakamak uŋu hoonuun hu ti bakate ku Maseduwan eeeniin: «Bakati úne bakate ku Akayi kafaraa kawunu ku huta hu foomane.» Bíhabaneina boonuun bondu biñakañak bakan keehooje tu boko.

2 Korent 9:2 ပူးပေါင်းရင်းမြစ်များ

Epotor i 18:12

Hi Galiyoŋ áyemie hu águwernoor ite Akayi, Esuwif i ni kásiiŋoorein keejok Pool, abe ni kaja ne o ti báajoonanum bu.

Epotor i 24:17

«Naane aamo i abajeebaj simit ijeit Serusalem, n'ibatuko bo kaanuku íiyokunan bakanam ti sírirem, abe n'íhin *wusarah bija t'Atambatun.

Eleetar i yi Pool akiñje i bakate ku Rom 15:26

Ábuki bakate ku Maseduwan *kéeyilene ku, ni bakate ku Akayi kategateg bija ti bakan kite Atambatun bakate ku Serusalem keebajut ku.

1 Korent 16:15

Kújakuwe, árimoomi kaanuku Sitefanas nu butoŋo kaamo fu Ekarjen étiyar i t'ésuk ite Akayi, abe káhabaneinohabanein tu burok bu bija ti bakan k'Atambatun akino ku. Náami iilawuun bonde:

2 Korent 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee aruun bakate ku Korent *kéeyilene ku, ni bakaaku fe bakate ku Akayi k'Atambatun akino ku.

2 Korent 7:14

Imakamak te o uŋu hoonuun hu, abe arisaanutam ñufuñ. Abe naane ii iriboo kasokuuun múniyo mu, iyu yooŋ i beejake bu b'irisoke bu Tit t'aruun beemo fu bite nu múniyo.

2 Korent 7:4

Hikawam hiyaŋgayaŋg t'aruun dómbokun, abe n'aruun n'if'isaŋgoor. Naane aamo i iŋ'irijuk sílaam fe, hikawam iŋi hiyaŋg piŋ, abe iŋ'itoofan dómbokun.

2 Korent 8:10

Foomane, aruun áriyemie fu étiyar i ti kaanu ku árimaŋamaŋi káyokunan bakate ku Serusalem kéeyilene ku, aruun áriyemie fu yooŋ étiyar i ti káhinu kite te bo. Náami íñj'endu ti kasokuuun kaayinoor kúuma tu bondu, abe bo yooŋ bijake fu t'aruun:

2 Korent 8:11

arihabanoor bo hahiyu. Árihabanein ti káreeŋinan kite te bo nu doon d'aribaje du, naane árihabaneina i yooŋ ti kájabina kite te bo.

2 Korent 8:19

Abe yooŋ kéeyilene ku kajifano fu kaanuku eebin eeriboor n'uni ti kátuki k'irija ku, bija kasaan bakate ku Serusalem kéeyilene ku sírirem seetegee su. Burok bondu beejake bii kánikan Anahaan u, abe bo yooŋ káwufoor kaanuku írimaŋamaŋi káyokunan bakaaku.

2 Korent 8:24

Náami áriwufooriin kaanuku árimaŋiiinmaŋi nu múniyo, beekuur kéeyilene ku kaanuku irikooŋakooŋ fu naane ii irimak iye uŋu hoonuun hu.

2 Korent 8:8

Íñjeiit eemo ti kanoŋkooranuun. Íñj'eemo ti kasokuuun naane bakaaku káhabaneina i ti káyokunan kite kéeyilene ku, iijuk man aruun yooŋ árimaŋamaŋi bakaaku nu múniyo.

1 Tesalonik 1:7

Iyu yooŋ i bakate ku Maseduwan *kéeyilene ku, ni bakate ku Akayi kareyi fe ifi kafin yooŋ kaneefan ti máhinar moonuun.

Esuwif i 10:24

Úyinoor naane úyino i kawunoor sihel kaanuku man n'úhaŋ kámaŋioori, abe n'uŋ'úhinoor yooŋ meejake mu.