2 Korent 8:9 - Kwatay (Kuwaataay)

⁹ Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

2 Korent 8:9 ပူးပေါင်းရင်းမြစ်များ

Májiye 17:27

Bare utum waatin tu bokondu. A̱ja ti *han hu, abe n'á̱fiiten kaabuutu kúuwe. Asaan a a̱ja u kajabu a̱jok, á̱faaŋin butum bu, n'aŋ'a̱juk toko sírirem. Á̱sik so a̱ajaam búhal bu bija tu wane.

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Májiye 8:20

Yesu n'aano: —Búlutoon bu bibajabaj wuyeen, bilele bu yooŋ bibajabaj búwuulu. Bare *Añi ute Húŋgowulan hu abajut tiŋ t'ayino buhuruso eeyihan enio.

Mark 6:3

Kame ákinaiit af'arok wusan wu, añi ite Mari? At'úteiit Saakiin, nu Soos, nu Sud, ni Simoŋ? Bákaniino, úneiit úkine fee beebe? Abe ni kateñeko káyilen te o.

Hirim Heetoofe hu hi Luk akiñje hu 16:11

Arko árijubut ti naane aa árihin n'ebaj ite t'etaam ye, aañ aja fu kasaanuun ebaj ite nu múniyo?

Hirim Heetoofe hu hi Luk akiñje hu 2:7

N'abaj añi ahaawa, añio átiyar. N'ásik kires éekumbaloolo, abe n'ahurusano ti kásiima, ábuki kareyit t'enuuf i t'emoosoora i tindi kawanan.

Hirim Heetoofe hu hi Luk akiñje hu 8:3

Saan, áyino Susa af'ajukar enuuf ite *Erod; Susaan, ni bakaake keehooje. Haare hondu fe iŋi kafand kanuutan t'ebaj yeeniin kéeyokunan Yesu n'eriboora yeene.

Hirim Heetoofe hu hi Luk akiñje hu 9:58

Yesu n'aano: —Búlutoon bu bibajabaj wuyeen, bilele bu yooŋ bibajabaj búwuulu. Bare *Añi ute Húŋgowulan hu abajut tiŋ t'ayino buhuruso eeyihan enio.

Saaŋ 1:10

Hirim hu húmoomi yéeni t'etaam ye. Te ho t'Atambatun aŋaase fu éewuwan yo, bare bakate ku t'etaam i kámeyiit ho.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 1:17

Tu *Moyis t'Atambatun aŋaase fu eesaan úne Eluwa i, bare kajaku koone nu múniyo mu, bondu fe ti Yesu *Kiris ti bíŋaasina fu.

Saaŋ 12:30

Bare Yesu n'aaniin: —Uŋu húuma híiit hi kaaji konde kíhamine fu, bare uŋu hoonuun hu.

Saaŋ 16:15

Doon di Faaf u abaje du fe, dúuma du yooŋ. Iŋ'ite ho h'eene fu doon du Búwejet bu bija du kasokuuun, t'íñje ti biyak fu do kajamu.

Saaŋ 17:19

Isaanisaan buroŋ búuma bireyi fe uŋu hooniin hu, kaanuku man boko yooŋ ni káyemi bakan kúuwe káhabanein.

Eleetar i yi Pool akiñje i bakate ku Rom 11:12

Arko kaahoofoor kite Esuwif i kísikinasikin ésuk i ereyi fe meejake mómbokun, arko yooŋ kaneyu kooniin kíkinineŋe fu keenooto ku Esuwif ni kabaj meejake mómbokun, kóyin k'Israyel fe kaja ku bibatuko t'Atambatun, buŋ fíya bi meejake mu mija fu kareyi?

Eleetar i yi Pool akiñje i bakate ku Rom 15:3

Ábuki *Kiris aŋesut káhinu beetoofo bu. Bi *Míkiñjin mu musoke bu bibajo fu. Meenaan: «Atambatun, kílafatinu ki kálafatini ku fe, íñje i kálafatine fu.»

Eleetar i yi Pool akiñje i bakate ku Rom 5:8

Bare iye a Atambatun áwufoore fu buŋ b'ámaŋie fu úne ariike: Kiris aketaket bija t'úne, úne káaroŋin ku ehoofoora.

Eleetar i yi Pool akiñje i bakate ku Rom 8:32

Akina éetumbut u awas Añio, bare n'ásiko asaan eeket bija t'úne úreyi, buŋ b'atuf'awun úne doon areyi fe t'afeeneŋ n'Añio?

1 Korent 1:4

Ko kireyi fe iŋ'eene Atambatun úuma eyeehen uŋu hoonuun hu, iŋ'ite kajaku koone k'áwufooruun ku ti Yesu *Kiris.

1 Korent 15:47

Álokow átiyar u Adam eerokee u ni baaliisiw, o ite t'etaam. Bare Adam ásooboriyan u, o t'etiir t'ánuutina.

2 Korent 6:10

Iŋi káhin uni íriitaañian, bare ko kireyi fe iŋ'iritoofan. Írimoomi naane bakan keebajut, bare iŋ'írihin keehooje kéeyemi kusaanum ti bítim bu. Írimoomi naane bakan kéeyekiit doon fe, bare uni irikino fu buroon bireyi fe.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

Esuwif i 1:2

Bare tu kunak konde keeemo ku kiraanu ku, áhaminahamin úne áŋaasann bo t'Añio. Te o t'Atambatun aŋaase fu éewuwan dóonodoon fe, o yooŋ a ajifane fu kaanuku eebin éekini doon areyi fe.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

Kafeeñal ku 2:9

ímoomi sílaam s'a̱amo su te so, ímoomi kabajaate kúuwe, bare t'Atambatun awe husaanum! Ijamajam kílafatinu ku kiŋki kálafatini. Bakan kondu iŋi kaane boko kaamo Esuwif, bare nu múniyoiit: boko bakan bakate Setani!

Kafeeñal ku 21:7

An fe eeriiŋane, o kabaju bondu t'íñje. Íñje káyemi Atambatun oone, abe n'aŋ'áyemi añi úuma.

Kafeeñal ku 3:18

Náami iirimi bonde: a̱bin a̱ajoohen t'íñje éwurus yeekuuranee ti sineemak, man n'á̱yemi husaanum. A̱joohen yooŋ wañ weefañje man n'a̱siimo á̱anuus méefuñinanie múuwe. Abe n'a̱joohen bubuun bite káhinu ti ñíkini man n'á̱yini kajuku.