2 Korent 8:7 - Kwatay (Kuwaataay)

⁷ Aruun kusaanum tu buroon bu fe: ti káyilen ku, ni kámeyi kite múniyo mu, ni kawaare kite te mo, ni bíhabaneina bu t'Atambatun, ni kámaŋi k'árimaŋie ku uni. Náami írimaŋamaŋi áriyemi yooŋ naane kusaanum tu burok bondu beejake bii bite bateg bu.

2 Korent 8:7 ပူးပေါင်းရင်းမြစ်များ

Májiye 25:22

«Aroka eesaanee u súsuba su n'átofin abe n'aane: “Maan, a̱saanamsaan similiyoŋ súsuba. A̱juk, ibaja yooŋ súsuba.”

Eleetar i yi Pool akiñje i bakate ku Rom 15:14

Kújakuwe, bukuuramkuur kaanuku áritumbatumba arijak, árimoomi yooŋ beeware bu kámeyiee arihaban, abe árinooni yooŋ karimoor.

1 Korent 1:5

Múniyo naane árihine i ne o t'afeeneŋ, arihoojaneehoojan bib n'ebaj yánoyan, áhaŋum yite kámeyi kite múniyo mu, ni kawaare kite te mo.

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

1 Korent 12:8

Búwejet bu uŋu buwun ake káwasi ti báhamin; bo Búwejet bifeeneŋ bu nu buwun ake kámeyi báhamin.

1 Korent 13:2

If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus.

1 Korent 13:8

Kámaŋi áhabanaariit hikee. Kayiŋan ku tu huruwu hite Atambatun bibin kawasu, káhamin ku ti kíhaminiin kuway bibin yooŋ kawasu, káwufoor kite ésuk i kámeyi kite buroon bite Atambatun bibin karaan yooŋ.

1 Korent 14:12

Iyu yooŋ a ariemo fu: makamu árimaŋamaŋi dómbokun buroon bu Búwejet bite Atambatun bumbu buwun, ariŋes man n'arihaŋ kabaju bimbi búyokunan kéeyilene ku keehaŋ kayanu ti káyilen ku.

1 Korent 4:7

Kame aañ áhinuun fu ariihaŋ bakaaku? Átambatuniit awunuun fu doon d'aribaje du fe? Makamu iyu i bije fu, iŋi naŋ n'af'arisaŋg nu doon d'aribaje du kite áruuniit ariwunee do?

2 Korent 7:7

Abe káanukiiit kikaw uni kiyaŋgayaŋg iŋi naane Tit áreeŋina i barebare, bare kiyaŋgayaŋg yooŋ iŋi naane asoke i uni kaanuku aruun kumuumuun aribeetoorobeetoor. Asokasok uni kaanuku árimaŋamaŋi dómbokun kasooñu arijukam, n'asok yooŋ naane ariwatanooree i beebine bu bibaj, ni naane árihabaneina i bísiiŋooreina n'íñje, isooñen hikawam ni hihaŋ katoofu.

2 Korent 8:6

Tit ajabe fu asiiŋan t'aruun bateg bu bite káyokunan kite bakate ku Serusalem kéeyilene ku. Iŋ'ite ho h'íriwasiyano fu irieno ábatikein t'aruun eebin éereeŋinan burok bondu beejake bii.

2 Korent 9:14

Boko kalawu bija t'aruun, abe bondu káwufooruun kaanuku kámaŋiuunmaŋi, ábuki Atambatun ásoniyanuunsoniyan dómbokun.

2 Korent 9:8

Abe Atambatun áyinooniuun kawunu beejake bánoban ahahan, kaanuku ko kireyi fe n'aribaj doon fe d'arisawulee du, abe ni diŋeñen yooŋ bija ti káhinu kite meejake mánoman,

Efees 4:29

Atum'árihamin báhamin beejakut; arisok kep báhamin beebaje éñjeriŋ bite káyokunan ésuk i ti bisawula booniin keehaŋ kayanu ti káyilen ku, abe nu butoof yooŋ kiŋki kajamatanuun.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Fílip 1:9

Bonde b'if'ilaw Atambatun bija t'aruun: yala kámaŋi koonuun ni kihaŋ bija hágila, n'arihaŋ yooŋ kámeyi múniyo mu, abe n'árinandin buroon bu jak,

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

2 Timote 2:1

Áñuumo, awe bare a̱baj sembe t'Atambatun, éewufoore u úne kajaku koone h'úhine hu t'afeeneŋ ni Yesu *Kiris.

Esuwif i 12:28

Makamu Atambatun ondu ti kawunu úne jáyi jeeyinaatee kayoŋoŋan, úeno eyeehen. Úroko naane hutoofo i. Újeŋgino n'ekoloowe yooŋ,

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

Kafeeñal ku 3:17

Aŋ'a̱ane: “Íñje husaanum, íyekia ebaj, iŋkut isawula doon fe.” Bare á̱meyiit kaanuku á̱fuñinania, á̱tumba yooŋ á̱yubinani! A̱bajut doon fe, á̱fuumafuum, aw'ondu yooŋ fuufii.