2 Korent 7:7 - Kwatay (Kuwaataay)

⁷ Abe káanukiiit kikaw uni kiyaŋgayaŋg iŋi naane Tit áreeŋina i barebare, bare kiyaŋgayaŋg yooŋ iŋi naane asoke i uni kaanuku aruun kumuumuun aribeetoorobeetoor. Asokasok uni kaanuku árimaŋamaŋi dómbokun kasooñu arijukam, n'asok yooŋ naane ariwatanooree i beebine bu bibaj, ni naane árihabaneina i bísiiŋooreina n'íñje, isooñen hikawam ni hihaŋ katoofu.

2 Korent 7:7 ပူးပေါင်းရင်းမြစ်များ

Májiye 26:75

Piyeer n'ábaŋino bi Yesu abine bu asoko aano: «Bala káajuloon ku kusok, awe kaanu á̱meyiitam kireeŋ kíhaaji.» N'anuut, abe n'ayiy átaañi aa.

Májiye 5:4

Atoof ti keeemo ku ti biyiy bu, ábuki Atambatun kabuutooriin!

Hirim Heetoofe hu hi Luk akiñje hu 22:44

Ehel ite Yesu n'ehabano fe. N'ahaŋ káñiŋkaan ti kalawu ku. Ésuwa yeene, kajuku n'aŋ'a̱ane halan heeemo ti káteyina húyuuso t'etaam.

Epotor i 11:23

H'areeŋe hu bo ayak ajuk naane Atambatun ásoniyane i kéeyilene ku, nu hutoofo dómbokun. N'ayaŋgananiin kikaw kareyi fe aaniin kajok alit tip t'Anahaan u nu suhol séehabaneina.

Eleetar i yi Pool akiñje i bakate ku Rom 1:12

Bonde b'ímaŋie fu kasoku: eene ímaŋamaŋi kaanuku núuhaŋ kayaŋgananoor kikaw íñje n'aruun ti káyilen k'úbaje ku.

1 Korent 5:2

Abe aruun bokondu yooŋ ti biyitooro! Eeman ariwarawar yéeni kátaañian dómbokun, abe n'arinuutan t'aruun an u aa áhin ii bondu?

2 Korent 1:4

Aŋ'abeetoor úne ti sílaam site s'úne sireyi fe, kaanuku man n'úfin úyini kabeetoor yooŋ bakaaku kiŋki káyemi ti sílaam sánosan. Úbeetooriin yooŋ naane akina aa abeetoor úne.

2 Korent 2:9

Béekinineŋe bu n'íkiñjinuun haahu beemo fu bonde: kaanuku iijuk buŋ bi siheluun seemo fu ariike, man aŋ'árijeŋginam tu doon areyi.

2 Korent 5:2

Abe hahiye uŋ'úriŋgan aŋarkeyi naane úhaŋahaŋ kamoken kabaju sini site s'úne sondu seeemo su t'etiir.

2 Korent 7:6

Bare Atambatun aa abeetoor keeemo ku kikawiin uŋkut kusok, n'abeetoor uni éehin Tit éereeŋin.

2 Korent 7:8

Ímoomi kaanuku eleetar íima eraan i éhinuunhin áriitaañian, bare iŋkut iwatanooro hahiye. Múniyo iwatanoorawatanooro yéeni h'ijuke hu kaanuku eleetar i éhinuunhin áriitaañian toko-toko.

2 Korent 8:16

Úene Atambatun eyeehen, akina éehine u Tit éehabanein t'eholo kaanuku éeyokunanuun, naane uni yooŋ írihabaneina i!

Fílip 1:20

Ti kanahan k'eemo kee te ko, n'eyakar y'eemo yee te yo, at'arko hikee-kee íñje ifuñee. Aaa, b'ímaŋie bu bare úmiye nu ko kireyi fe beemo fu hikawam hiyaŋg piŋ, íiwufoor íhabanein kaanuku Kiris ahahahah, hutoof íñje buroŋ man yooŋ íñje káaketin.

Kolos 2:5

Hutoof yooŋ ikambuunkamb, ehelam bare yendu t'aruun, abe hikawam hutoofatoof dómbokun, ábuki ijukajuk naane arijoŋoore i, abe n'arijok alitee ti káyilen koonuun ti Kiris.

1 Tesalonik 3:6

Bare Timote ábatikeino afiyeitee, abe asokasok uni beejake ti káyilen koonuun, ni kámaŋioori koonuun. Asokasok uni yooŋ kaanuku siheluun fe sondu t'uni kep, abe árimaŋamaŋi kajuku uni naane írimaŋie i yooŋ kasooñu irijukuun.

1 Tesalonik 3:8

Ábuki hahiye buroŋ bu busooña butoof t'uni aŋarkeyi naane arijokajok alitee t'Anahaan u.

Esuwif i 2:1

Iŋ'ite ho aamo fu úwarawar kahaŋu kajoku alit tip tu múniyo m'újame mu, utum'úbin útowutanee.

Saak 5:17

*Eli húŋgowulan naane úne. N'alaw áhabanein kaanuku etiir i etum'enub; etiir i ehaŋut enub areeŋ simit síhaaji ni kiim hutok ni hifeeneŋ.

2 Saaŋ 1:4

Hikawam hutoofatoof dómbokun h'ijuke hu kaanuku bakaake ti bakañii kakinakin tu múniyo mu naane t'eluwa yi Faaf u asaane i úne esoke du.

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.