2 Korent 7:1 - Kwatay (Kuwaataay)

¹ Kújakuwe, aruun k'ímaŋie-maŋie ku, makamu Atambatun aanaan o káhinu úne bondu fe, úkuuranooro tu buroon bu fe bumbu bubuusatan sini su nu ñúwejet ñu. Úbaj buroŋ bite bakan keenabe kareeŋ, abe n'úkoleyi Atambatun.

2 Korent 7:1 ပူးပေါင်းရင်းမြစ်များ

Májiye 12:33

—Ariliik tu nunukanuk neejake: miriyaay mite te no iŋi mijak; nunukanuk neejakut, miriyaay mite te no míjakaariit. Nunukanuk aŋ'akeetanee ti miriyaay mite te no.

Májiye 5:48

Faafuun eeemo u t'etiir aŋ'akuur but; aruun yooŋ áriyemi naane akina.

Májiye 5:8

Atoof ti bakate ñúwejet ñeekuure ñu, ábuki boko kajuku Atambatun!

Epotor i 9:31

Náami kéeyilene ku kabajabaj káasuumaay ti kikinu kite *Súde, ni *Gálile, ni *Samari. Káyilen kooniin ti kahaŋu kayanu kep, abe buroŋ booniin fe kájeŋgin Atambatun. Búwejet Beenabe bu nu búyokunaniin yooŋ keehaŋ kahooju.

Eleetar i yi Pool akiñje i bakate ku Rom 5:20

*Eluwa yite Moyis esiiŋasiiŋo, wuhoofoor wu nu wuhaŋ kahooju. Bare ti kaahoofoor ku kihaŋe du kahooju, kajaku k'Atambatun kaŋk'áwufoor kihaŋe toko.

1 Korent 6:20

Atambatun ajaamajaam ahahee kaanuku eejoohenuun. Náami ariwarawar kánikan Atambatun ni sini soonuun.

2 Korent 1:20

Ábuki te o t'Atambatun aane fu «hee» tu buroon bu fe b'afiye bu aane o káhinu. Náami tu huruwu hite Yesu Kiris t'uf'úene «amiin» yite i úne kane úyemi ti kasokoroor Atambatun.

Efees 2:3

Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

1 Tesalonik 3:13

Káhinu iyu, o káwutiyenuun sembe kaanuku man hunak h'ábatikein hu te ho, akina Anahaan ite úne Yesu ni bakan k'akino ku fe, n'aŋ'áriyemi bakan keenabe hágila Atambatun Faaf úne, abe an at'áyiniuun kawatan tu doon areyi fe.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.

Esuwif i 12:23

Arilohaloh ti biñi bite Atambatun keerahare ku kakuukanooree du, boko ku kuruwu kooniin kikiñjee ku t'etiir bufor bu. Arilohaloh Atambatun aa ajoonan kúŋgowulan ku kareyi fe, nu ñúwejet ñite bakan keejoŋoore ku k'Atambatun áhine ku *keekuur but.

Esuwif i 12:28

Makamu Atambatun ondu ti kawunu úne jáyi jeeyinaatee kayoŋoŋan, úeno eyeehen. Úroko naane hutoofo i. Újeŋgino n'ekoloowe yooŋ,

Esuwif i 4:1

Atambatun asokasok úne aane úne buyooso t'afaree du kaanuku núubin úuyih toko. Náami makamu bondu b'asoke bu buroŋa ni bisiiŋo bija t'úmiye, arinaŋ toko kikawuun, ake t'aruun atum'abin áhuunan, éeriikein inde hiñaawu.

Esuwif i 6:9

Kújakuwe, aruun k'ímaŋie-maŋie ku, naane írihamine ee fe bare, bukuurakuur uni kaanuku aruun bokondu ti bítim beejake bu, bite kafaku ku.

Saak 4:8

Ariloh Atambatun, abe n'aŋ'alohuun. Aruun ehoofoora i, *arikuuranooro; aruun kaŋk'árihin sihel súsuba, arikuuran siheluun!

1 Piyeer 1:15

Bare áriyemi bakan keenabe ti máhinar moonuun, naane Atambatun eeruwuun u anabe i yooŋ.

1 Piyeer 1:17

Aruun ti kalawu, aŋ'ariene Atambatun «Faafa». Bare aŋ'ajoonan kúŋgowulan ku fe aliik huruw tu doon d'aroke du, abe ásokumaariit. Iŋ'ite ho aamo fu tu kunak keeŋeñenuun ku t'etaam i, áriwufoor ti máhinar moonuun naane arijoko i nu sumoŋu súsuba.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

1 Saaŋ 1:7

Bare uf'úkin ti meejaaŋe mu, naane Atambatun humuumo aamo i ti meejaaŋe mu, n'aŋ'áami úne *kéeyilene ku úhinahin t'afeeneŋ, abe halan hite Añio Yesu n'uŋu *hukuuran úne ti kaahoofoor kánokan.

1 Saaŋ 1:9

Bare uf'úsok Atambatun wuhoofoor wute w'úne, makamu ájubajub, abe doon fe d'asoke aŋ'áhin do, o kaboŋket úne wuhoofoor wu, abe n'aŋ'akuuran úne ti meejakut mánoman.

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.