2 Korent 6:4 - Kwatay (Kuwaataay)

⁴ Aaa, iŋ'íriwufoor tu buroon bu fe bimb'írihin kaanuku uni eroka bakate Atambatun: iŋ'irituumen dómbombokun ti sílaam su, nu kúnuur ku, nu wútaañi wu,

2 Korent 6:4 ပူးပေါင်းရင်းမြစ်များ

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

2 Korent 4:8

Iŋ'irijuk sílaam sánosan, bare iriwelejeit; iŋ'irijahale, bare sihel site s'uni súbujaariit;

2 Korent 11:27

Irokarok burok beeniŋe, abe ífandaariit kaŋotu. Iŋ'ijoñjolat, búhujo bu yooŋ nu bujokam, abe aŋarko íbajaariit íihin ti haram. Kajokokana ku nere t'íñje, abe íbajaariit yooŋ wañ weeniŋe.

2 Korent 12:12

Béewufoore bu kaanuku íñje apotor ite nu múniyo bíhineehin t'aruun ni kámuñu kómbokun. Bo beemo fu bonde: káhinu kite buroon bánoban beehaŋe bu ésuk i kikaw.

2 Korent 3:6

Akina áhine fu uni íriiyini káyemi eroka kaanuku iŋ'iriwaare ésuk i *kaajamoor kíyeni ku. Kaajamoor kondu kukolut n'Eluwa yeekiñjee i, bare nu Búwejet Beenabe bu. Ábuki Eluwa yeekiñjee i eŋ'eyool, bare Búwejet bu uŋu buwun buroŋ.

1 Korent 3:5

Náami aañ aamo fu Apolos, aañ yooŋ aamo fu Pool? Uni eroka yite Atambatun barebare taŋ, aruun ariŋaase t'uni áriiyilen. Iŋ'írihin huruw fe burok b'Atambatun asaano bu:

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

1 Korent 4:1

Náami ariwarawar kajoku uni naane eroka barebare bakate *Kiris, bakan keesaanee kaanuku iŋi kawaare múniyo méenuusee mite m'Atambatun.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

2 Timote 4:5

Bare awe á̱jokumooro tu buroon bu fe, á̱muñ ti sílaam su, á̱ñiŋkaan a̱awaare Hirim Heetoofe hu, abe n'a̱reeŋan burok b'Atambatun asaani bu.

2 Timote 2:24

Abe aroka ite Anahaan u awarut kaheñjeŋoor. Awarawar káneeni t'ésuk i ereyi fe, n'áyiniiin kaliiken bite b'Atambatun, abe n'aŋ'ámuñ.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

1 Timote 6:11

Bare awe eeemo u an ite Atambatun, a̱tey buroon beejakut bondu. A̱ŋes káyemi an éejube, a̱jok t'Atambatun, a̱baj káyilen, á̱maŋi an, á̱muñ, abe n'á̱neeni.

1 Timote 4:6

Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

1 Timote 2:15

Bare kaabukoor ku kákinineŋ haare hu ni kafak, ti kajoke alitee kéeyilen, ni kámaŋi ésuk i, abe ni kanab. Itim kaŋes yooŋ bujukano.

1 Tesalonik 5:14

Kújakuwe, uni bokondu ti kalawuuun yooŋ bonde: árihamin ayanee biñek bu; ariyaŋganan kikaw kiŋki kañako ni hiñaawu; áriyokunan keebajut ku sembe, abe n'aŋ'árimuñ n'ésuk i ereyi fe.

1 Tesalonik 3:7

Náami kújakuwe, naane irijuke i kúnuur ni sílaam fe, káyilen koonuun ni kiyaŋganan uni kikaw.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

Kolos 1:11

Iŋ'irilawo yooŋ kaanuku man n'awunuun ti sembe soone séenike su, aŋ'aribin árimuñ ko kireyi fe, abe n'arijok yooŋ alitee ni katoofu kómbokun.

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 11:9

H'íyemie hu t'aruun, ibinabina ijahale, bare ibinut ílaaman mayet afeeneŋ t'aruun. Bakati úne kéenuutina ku Maseduwan kaje fu kabinam nu doon d'isawulee du. Íhinut an t'aruun éelaam t'íñje tu doon fe, abe it'iwas hikee an t'aruun éehin bo.

2 Korent 7:11

Kátaañian koonuun, t'Atambatun kijakajak, abe hahiyu arijuka buŋ bi heemo fu! Arijuk naane arihile i ti káhinu kite buroon bu beewayo, nu buŋ b'árihandine fu baabu báhamin bujoŋoor, nu buŋ b'ariyiŋate fu t'aruun kumuumuun, nu buŋ b'árikoleyie fu káhinu kite meejakut mu, nu buŋ b'arimokene fu kasooñu áriheelin t'íñje, nu buŋ b'árihabaneina fu t'Atambatun, nu buŋ b'arifaree fu kajoŋooran an eetine u! Áriwufoorawufoor tu buroon bu fe kaanuku arikuurakuur but tu bondu.

2 Korent 4:17

Sílaam suns'újuk iye, uf'úliik so ni jáyi jómbokun jéehabanaariit ju j'úja ju kabaju, n'uŋ'úmeyi kaanuku síwiinawiini, abe sífiyaariit yooŋ. Abe sílaam su humuum hite te so iŋi sifare jáyi jondu bija t'úne.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

1 Korent 9:11

Irinawanaw t'aruun hirim hite Atambatun; náami if'írihotukan t'ebaj yeenuun, uni fíya irihahane?

Eleetar i yi Pool akiñje i bakate ku Rom 16:10

Arisaafam Apeles éewufoore u akuur but kaanuku áyilenayilen ti Kiris. Arisaafam yooŋ bakate ku t'Aristobul.

Eleetar i yi Pool akiñje i bakate ku Rom 14:18

An af'áhin burok bite Kiris naane iyu, o katoofu Atambatun, abe ésuk i yooŋ kasoku te o beejake.

Eleetar i yi Pool akiñje i bakate ku Rom 5:8

Bare iye a Atambatun áwufoore fu buŋ b'ámaŋie fu úne ariike: Kiris aketaket bija t'úne, úne káaroŋin ku ehoofoora.

Epotor i 20:34

Árimoomi aruun kumuumuun kaanuku íñje ísuwate fu iriibaj doon d'irisawulee du, íñje ni bakanam.

Epotor i 9:16

Abe íñje yooŋ káwufooro sílaam su fe s'aja su kajuku uŋu húuma hu.

Epotor i 2:22

«Aruun bakate ku *Israyel, arijamatan jak b'ija bee kasokuuun: Yesu ite u *Nasaret, akina an árimeyie kaanuku Atambatun ámoomi ne o, ábuki awunowun éehin tu buhooŋuuun buroon beejahaluun ni beehaŋuun kikaw, naane árimeyie i bo aruun kumuumuun.

Hirim Heetoofe hu hi Luk akiñje hu 21:19

Af'arijok alit tip, n'aŋ'aribaj buroŋ béehabanaariit bu.

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Eleetar i yi Pool akiñje i bakate ku Rom 3:5

Bare arko kajoŋooraate kite k'úne, ko kite káwufoor kaanuku Atambatun ájubajub, n'uŋ'úene fíya buŋ? Atambatun fíya ájubut aŋarkeyi naane aŋ'ayiŋat t'úne? (Íihaminuun naane bakaake ii káhamin.)