2 Korent 5:1 - Kwatay (Kuwaataay)

¹ Múniyo úmoomi kaanuku sini site s'úne ufu súbujo, so seeemo su naane búwuureey b'úkine te bo t'etaam ye, úbajabaj t'etiir bufor bu sini seeemo naane sunuuf site hiraanu. Atambatun afaree fu so bija t'úne, kúŋgowulan kíiit.

2 Korent 5:1 ပူးပေါင်းရင်းမြစ်များ

Mark 14:58

—Irijamojam ti kaanu: «Enuuf yendu yite i Atambatun yeenutee i nu sumoŋu, íñje kawelej yo, abe kabaju kunak kíhaaji, n'iŋ'inut eke yet'enutee nu sumoŋu.»

Epotor i 7:48

«Bare Atambatun eeemo u t'etiir-t'etiir akinut tu sunuuf su kúŋgowulan kanute. Naane ayiŋana ite Atambatun asoke i aane:

2 Korent 4:7

Bare uni kéeyekie ku ebaj yendu, írimoomi naane simeenaay seerokee n'ekaf, man ésuk i n'ejuk kaanuku sembe sómbombokun sondu t'úniiit tu súnuutina fu, bare t'Atambatun.

2 Korent 5:4

Naane uŋ'úyak bifiyo ni sini site su t'etaam ye fe, uŋ'úriŋgan naane bakan keeniŋane. Káanukiiit man úne úmaŋie kaketu núunuut ti sini site s'úne, aaa. Úne úmaŋie kabaju sini site su t'etiir, man buroŋ béehabanaariit bu ni bimer doon deeemo du iŋi diket.

Kolos 2:11

Naane árihine i ne o t'afeeneŋ, *ariteyanee yooŋ karam; káanukiiit karam kite kúŋgowulan ku, bare karam kéenuutina ku ti Kiris. Ko keemo fu anuutana síjiko sinsi sitiŋguun yéeni ariihoofoor.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

Esuwif i 11:10

Aburaham ámoomi ti kanahan man n'akin ti hikinu heebaje hu kiñaan kítiyar keeyane-yane ku, h'Atambatun anute hu naane ámaŋie i.

Esuwif i 9:11

Bare *Kiris abinabin éeyemi asaraha ómbokun ite buroon beejake bu beeheeke bu béeyemi beebe. Atant u t'áhine du burok boone ahaŋahaŋ i kúŋgowulan ku karoke u, ahaŋohaŋ yooŋ tu doon areyi fe; atant ondu íteiit t'etaam yende yéewuwanee i.

Esuwif i 9:24

Ábuki *Kiris ayooseit tiŋ *t'Anabe-nab tu kúŋgowulan ku kanoŋke keerok, t'aamo búnokoorum barebare bite beeemo bu bite nu múniyo. Humuum tu bufor bu t'ayoosee fu, abe hahiye ondu bo hágila Atambatun bija t'úne.

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

2 Piyeer 3:11

Makamu buroon bu fe iyu i bija fu bútowuto, hahiyu arijuk jak buŋ bu buroŋ boonuun buware fu káyemi! Buwarawar kanabu, abe n'arijok yooŋ alitee t'Atambatun,

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.

1 Saaŋ 3:19

Uf'úmaŋioori, n'uŋ'úmeyi kaanuku múniyo mu mikino fu úne; iyu, n'uŋ'úrooŋan sihel site s'úne hágila Atambatun.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.