Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korent 4:4 - Kwatay (Kuwaataay)

4 Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

အခန်းကိုကြည့်ပါ။ ကော်ပီ




2 Korent 4:4
42 ပူးပေါင်းရင်းမြစ်များ  

Bakaaku kámoomi naane sinawaay seeneye su t'arkee du esisa. Boko kaamo fu kiŋki kajam hirim hu jak. Bare biyinoor bite t'etaam ye, ni sírirem sunsu subuut iye, bondu uŋu bubuuf ho, abe utu hubukoor.


Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.


An ámusut kajuku Atambatun. Bare Añi afeeneŋ u, eeemo u yooŋ Atambatun, abe n'áhin ni Faaf u káakondin kifeeneŋ, áhinahin núumeyio.


Kajoonan kite bakate ku t'etaam ye kireeŋa; kákutoor kite Setani aseef ite te yo kireeŋa yooŋ.


Yesu n'aaniin: —Meejaaŋe mu muroŋa diye n'aruun, bare iti mifiyo. Hi meemo hu n'aruun n'ariware fu kañaahu, ébaani i etum'ebin éfufuun. Ábuki an eeje t'ébaani, ámeyiit t'aja du.


«Atambatun áhiniinhin kéefuum, kaanuku ñíkiniin itim'iŋi ñujuk, afeŋkafeŋk yooŋ ñúwejet ñooniin, kaanuku itim'iŋi ñínandin; itim kabin káwuŋgan nu boone éehiniin kéekoyi.»


Abe an eejukam u, ajuka yooŋ an éeboñinam u.


Iroŋut káhamin n'aruun akamb iye, ábuki aseef ite etaam ye ondu ti bibin. Múniyo abajut sembe t'íñje,


Arko yéeni íhinut tu buhooŋiiin buroon b'an fe ámusut káhinu, man kasejanee wuhoofoor wooniin. Bare hahiye kajuka burok búuma, bokondu yooŋ ti kahuufu uni, íñje ni Faafam.


Kabuutabuut kikawiin ti majoonanar mite Faaf u, ábuki aseef ite etaam ye ajoonanee ahaban.


Yesu n'asooñ abin áyemi ti báhamin ni hahooja hu. N'aane: —Íñj'eemo fu meejaaŋe mu tu kúŋgowulan ku. An éeseinam u ti hiñaawu, at'aja hikee t'ébaani, o bija ti meejaaŋe mu mummu muwun buroŋ bu.


Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»


kaanaan *Afakana u kajuku sílaam, o yooŋ aja fu káyemi átiyar u ti bíriteina bu t'eket i, abe o káwufoor Esuwif i ni baabu biheet meejaaŋe mite káasuumaay ku.


Aaa, b'ímaŋie bu kasoku beemo fu wusarah wi kéeyilenut ku wiwi káhin, iŋi káhin wo bija ti sirab su, bare bíjaiit t'Atambatun. Abe ímaŋiit árihin t'afeeneŋ ni sirab su.


Íhinahin bo kaanuku Setani atum'abin ahaŋ úne sembe. Múniyo úmoomi jak bamb'aŋes.


H'ije hu Trowas kaanuku iiwaare bo Hirim Heetoofe hite hu *Kiris, n'ijuk kaanuku Anahaan u áfeŋginamfeŋgin bo bítim kaanuku iirok.


Múniyo arko kaajamoor kítiyar ku keeŋaaŋut ku bifiyo kisilanasilan, kame kíyeni ku keeemo ku kite bifiyo hiraanu kahaŋu kasilan!


Náami búwesinato booniin biyinaat kánandin bondu. Bija yooŋ t'úmiye fe, ifi káyemi ti kajaŋga ti kaawiit kite kaajamoor kítiyar ku, musoor uŋu múkumbalool ñúwejet ñooniin, abe kájokaariit. Musoor mu uŋu munuut t'an éehine t'afeeneŋ ni Kiris barebare.


Úne úreyi, ñuhooŋu ñite ñ'úne ñúkumbaloolutee, abe kasilan kite Anahaan u ifi kifeeñ te ño naane ti kaajukooreey. Náami úne bokondu ti kahosanee kep kaanuku núuyemi naane Anahaan u, abe uŋ'úja ti kahaŋu kasilan. Diyu burok bite Búwejet bite Anahaan u.


Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.


Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.


Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.


Ábuki fu újeit étuum nu kúŋgowulan, bare étuum nu ñúwejet ñeejakut ñu ñeeemo ñu t'etiir, ni bakate sembe su, ni siseef su, ni keekino ku sembe su t'etaam ye yeeemo i t'ébaani.


akina eefiye u áyemi boko k'afeeneŋ ku n'Atambatun, aŋesut káhinu kaanuku man n'are ne o.


*Kiris aamo fu búnokoorum beejukanee bite b'Atambatun éejukaariitee u. O aamo fu Añi átiyar u, abe ahaŋahaŋ dóonodoon fe déewuwanee.


Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.


Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.


Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.


Meejaaŋe mite kániku kite Atambatun mujukanajukano te o. Akina átumbe fu áyemi búnokoorum bite Atambatun, abe akina áyekane fu dóonodoon fe ni hirim hoone heebaje hu sembe. H'aamo hu *akuurana kúŋgowulan ku tu wuhoofoor wooniin ahaban, n'ariiko t'etiir bufor bu inde *baatos Atambatun eehahe u.


Abajeebaj bakan ku múniyo mite Atambatun múmuse kajaaŋan, ni kajeken yooŋ tu doon d'Atambatun dand'awun, abe ni kabaj Búwejet Beenabe bu.


Iyu u úhaŋe fu káyilen báhamin *b'eyiŋana yite Atambatun kasoke bu. Árihinahin áwari aa ariinaŋ te bo siheluun, ábuki búmoomi naane ejaaŋana yéetife t'ábaanie ayak abin áami hurabu hu hireeŋa, abe kaarabu ku ni kijaaŋan suhol soonuun.


Bare an eehuufe at'o, an ondu ondu t'ébaani i; aŋ'añaah t'ébaani i, abe ámeyiaariit diin t'aamo fu ti bija bu, ábuki ébaani i ébujobuj ñíkin.


Bare eluwa yende y'ikiñjuun yee éyeni yooŋ. Múniyo mite te yo mujukeejuk ti *Kiris, ni t'aruun yooŋ, ábuki ébaani yendu ti bija bútowuto, abe meejaaŋe mite mu nu múniyo miheeka méeŋaasin.


Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ