2 Korent 3:6 - Kwatay (Kuwaataay)

⁶ Akina áhine fu uni íriiyini káyemi eroka kaanuku iŋ'iriwaare ésuk i *kaajamoor kíyeni ku. Kaajamoor kondu kukolut n'Eluwa yeekiñjee i, bare nu Búwejet Beenabe bu. Ábuki Eluwa yeekiñjee i eŋ'eyool, bare Búwejet bu uŋu buwun buroŋ.

2 Korent 3:6 ပူးပေါင်းရင်းမြစ်များ

Májiye 13:52

N'aaniin: —Náami yooŋ ámuse fe ite *Eluwa yite Moyis, i kaliikene múniyo mite *Jáyi jite Atambatun, anokooranokoor naane ate enuuf éebisinna buroon bíyeni nu buroon beehaane t'ebaj yeene.

Májiye 26:28

ábuki diye halan húuma héekinineŋe hu *kaajamoor ni kibaj t'etut Atambatun ni bakan koone. Ho búyuuso bija ti keehooje-hooj, kaanuku man Atambatun n'aboŋketiin wuhoofoor wu.

Mark 14:24

N'aaniin: —Diye halan húuma héekinineŋe hu *kaajamoor ni kibaj t'etut Atambatun ni bakan koone. Ho búyuuso bija ti keehooje-hooj.

Hirim Heetoofe hu hi Luk akiñje hu 22:20

Kañoofaa kahaban, n'asaaniin yooŋ ekot ite ébiñ i ti kaaniiin: —Diye ekot yéewufoore i *kaajamoor kíyeni ku keeja ku kabaju t'etut Atambatun ni bakan koone, halan húuma heeja hu búyuuso uŋu hoonuun hu héekinineŋ.

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Saaŋ 6:63

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Eleetar i yi Pool akiñje i bakate ku Rom 4:15

Eluwa i eŋ'éhin Atambatun n'ayiŋat tu kúŋgowulan ku, ábuki kájeŋginaariit yo; bare t'eluwa enooto du, kájeŋginaate eluwa kunooto yooŋ toko.

Eleetar i yi Pool akiñje i bakate ku Rom 4:17

naane Atambatun asoke i ti *Míkiñjin mu. Aanaan: «Íhinihin á̱ayemi faaf ite biheet beehooje-hooj.» Aburaham aamo fu faaf úne t'Atambatun, ábuki áyilenayilen Atambatun. Akina Atambatun af'aritan keekete ku, abe n'asok yooŋ buroon béemusut bu káwuwina béewuwin.

Eleetar i yi Pool akiñje i bakate ku Rom 7:6

Bare hahiye uŋkut úkol n'Eluwa i, ábuki te yo yéekulaanie i úne, úmoomi naane bakan keekete. Náami úyinooni karoku bija t'Atambatun ti máhinar míyeni, ti sembe site Búwejet Beenabe bu, káanukiiit ti máhinar meefiyee méenuutina t'Eluwa i.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

1 Korent 11:25

H'aamo hu yooŋ kañoofaa éhijiima i kahaban, n'ásik ekot ite ébiñ i abe n'aane: «Diye ekot yéewufoore i *kaajamoor kíyeni ku keeja ku kabaju t'etut Atambatun ni bakan koone, halan húuma heeja hu búyuuso héekinineŋ. Híhinin fe h'árihujee te yo, árihin bo kaanuku áriibaŋinaam.»

1 Korent 12:28

Iye a Atambatun asiiŋane fu *kéeyilene ku: *epotor i kaamo fu étiyar i; *eyiŋana yite Atambatun ni káyemi ésooboriyan i; kiŋki kaliiken ésuk i mite m'Atambatun ni káyemi éhaajiyan i; kiŋki káhin beehaŋe bu ésuk i kikaw ni kásein; kanuut toko náami keebaje ku sembe site karitan bakan kéesomute; kahaban náami kiŋki káyokunan ésuk i; kanuut toko náami kiŋki káwuforoor bakaaku buroon bi kaware bu káhinu, abe n'atik áami kiŋki káhamin ti kíhaminiin kuway.

1 Korent 15:45

Múniyo *Míkiñjin mu meenaan: «*Adam álokow átiyar u n'áyemi húŋgowulan heeroŋe.» Adam araan u n'áyemi búwejet bumbu buwun buroŋ bu.

1 Korent 3:10

Naane t'Atambatun awunam du t'isiiŋane fu kiñaan kítiyar ku naane anuta éemeyie buroko. Hahiye ake ondu ti káhoojinan enuuf i. Bare huruw fe anaŋ toko hikawo ti naane aamo i ti káhoojinan ku.

1 Korent 3:5

Náami aañ aamo fu Apolos, aañ yooŋ aamo fu Pool? Uni eroka yite Atambatun barebare taŋ, aruun ariŋaase t'uni áriiyilen. Iŋ'írihin huruw fe burok b'Atambatun asaano bu:

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 3:14

Náami búwesinato booniin biyinaat kánandin bondu. Bija yooŋ t'úmiye fe, ifi káyemi ti kajaŋga ti kaawiit kite kaajamoor kítiyar ku, musoor uŋu múkumbalool ñúwejet ñooniin, abe kájokaariit. Musoor mu uŋu munuut t'an éehine t'afeeneŋ ni Kiris barebare.

2 Korent 3:3

Áriwufoorawufoor ti máhinar moonuun kaanuku aruun eleetar yi *Kiris akiñje, abe uni n'iribin ne yo. Ekiñjeekiñj káanukiiit man ni hikiñju, bare nu Búwejet bite Atambatun eeemo u buroŋ. Ekiñjeekiñj káanukiiit man tu bujuju, bare tu suhol site kúŋgowulan.

2 Korent 3:7

Eluwa i ekiñjeekiñj tu bujuju, abe meejaaŋe mite kániku kite Atambatun ni misilan toko. Buhooŋu bite *Moyis bútumb bisilan, abe naane aamo i fe kasilan kondu kíteiit bifiyo, bakate ku *Israyel kátumbut káyini káheelino ni ñíkiniin. Arko Eluwa i, naane aamo i fe eŋ'eyool, éŋaasinoŋaasin ni kasilan naane kondu,

2 Korent 3:9

Arko burok bite Eluwa i yey'etinan ésuk i bisilanasilan, bumbu bujok ésuk i bakan kéejube hágila Atambatun n'iŋi bihaŋ tu dómbokun!

Galasi 3:21

Kame aamo fu naŋ? *Eluwa yite Moyis eteñekateñeko fíya b'Atambatun asoke bu aane o káhinu? Mayet fu! Arko yéeni abajeebaj Eluwa yeesaanee, yeeyino kawunu kúŋgowulan ku buroŋ, Atambatun n'aŋ'ajok úne bakan kéejube aŋarkeyi naane újeŋginajeŋgin yo.

Efees 2:1

Hítiyar hu, árimoomi t'Atambatun naane bakan keekete aŋarkeyi naane aŋ'árijuum, abe yooŋ aŋ'arihoofoor.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Efees 3:7

Atambatun ti kajaku koone, asejanamsejan burok kaanuku iŋ'isok ésuk i Hirim Heetoofe hu. Awunamwun bondu ti sembe soone.

1 Timote 4:6

Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

2 Timote 1:11

Atambatun áhinamhin íiyemi *apotor kaanuku iŋ'ibin iwaare ésuk i Hirim hondu Heetoofe hu, abe n'iliikeniin ho.

Esuwif i 12:24

Arilohaloh Kiris eesiiŋee u t'etut Atambatun nu kúŋgowulan ku, ti *kaajamoor kíyeni ku k'ajamoore ku nu boko. Arilohaloh yooŋ halan hoone héeyuusee hu, hihi híhamin hihaŋ hite hu *Abel héekandijene hu hunukan.

Esuwif i 13:20

Atambatun aa awun káasuumaay ku, abe n'aritan Anahaan ite úne Yesu t'eket i, aja awunuun sembe aŋ'aribin árihin meejake mu, man n'áriyini káhinu b'ámaŋie bu. Aja áhin t'úne burok beetoofo bu tu huruwu hite Yesu *Kiris, eeemo u ahaawa ómbokun ite síkarniina su. Halan hite *kaasarah koone híkinineŋe fu *kaajamoor kéehabanaariit ku ni kisiiŋanee t'etut Atambatun nu kúŋgowulan ku. Yesu Kiris aja ákini kániku ku hiraanu! Amiin.

Esuwif i 7:22

Iŋ'ite ho aamo fu *kaajamoor ki Yesu áhine ku núujamoor n'Atambatun kihaŋahaŋ kítiyar ku.

Esuwif i 8:13

H'Atambatun áhamine hu aane «kaajamoor kíyeni», áwufoora kaanuku kaaku kihaana. Abe doon deefiyee, abe yooŋ ni dihaan, at'ahul nu dútowuto.

1 Piyeer 3:18

Múniyo Kiris humuumo aketaket hifeeneŋ, abe hiraanu, bija tu wuhoofoor wute kúŋgowulan ku. Akina eeemo u an eejake n'aket bija t'énafuta, kaanuku éehinuun ariibukan n'Atambatun. Enio yi kayoole fu, bare n'ábatikannee buroŋ tu Búwejet Beenabe bu.

1 Saaŋ 1:1

Uni írikiñjinuun fee iŋ'ite Hirim hu huhu huwun buroŋ bu. Híyemayemi huta hu t'Atambatun áwuwanoorut doon areyi fe. Irijamajam ho, irijukajuk ho yooŋ féet, íriheelinaheelin te ho, abe irigoragor ho.