2 Korent 3:1 - Kwatay (Kuwaataay)

¹ B'isoke bee fíya beemo fu uni iŋk'irisooñ íriyemi ti jímak? Bare fíya uni irisawulee bakan kakiñj bileetar kéemuur uni bakan keejake naane bakaake ii káhin, man yooŋ n'irienuun árihin uni bondu íriiyini bija ti bakaaku?

2 Korent 3:1 ပူးပေါင်းရင်းမြစ်များ

Epotor i 18:27

Ahaban, Apolos n'aane ámaŋamaŋi bija Akayi. *Kéeyilene ku ni kahaŋo yooŋ katiŋgu, abe ni kakiñj eleetar bija ti bakate ku ne bo kéeyilene ku kaanuku keebin keejoko áwariee. H'areeŋe hu bo, n'abaj éñjeriŋ yómbokun ti keejoke ku bítim bu ti kajaku kite Atambatun.

Eleetar i yi Pool akiñje i bakate ku Rom 16:1

Ániin úne Febe aa arok bija ti bakate ku Saŋkire *kéeyilene ku bibin t'aruun memee. Iwaso tu sumoŋuuun.

1 Korent 10:33

Árihin naane íñje ii iŋes katoofu ésuk i ereyi tu buroon bu fe bimb'íhin. Iŋesut beejake bu bija t'íñje, bare beejake bu bija t'ésuk i ereyi b'iŋese fu kaanuku man ni kafak.

1 Korent 16:3

Abe if'íreeŋin, n'iŋ'iboñ Serusalem bakan k'ariyak ku kajifan keeja ni sírirem s'aritege su, ni bileetar yooŋ b'ija bu kaboñiiin.

1 Korent 3:10

Naane t'Atambatun awunam du t'isiiŋane fu kiñaan kítiyar ku naane anuta éemeyie buroko. Hahiye ake ondu ti káhoojinan enuuf i. Bare huruw fe anaŋ toko hikawo ti naane aamo i ti káhoojinan ku.

1 Korent 4:15

Ábuki hutoof yooŋ aŋ'aribaj eliikenauun bítim bite Kiris kaamo súñjune sumoŋu, faaf afeeneŋ taŋ ariyino fu kabaju. Abe múniyo tu buroŋ boonuun aruun ni Yesu Kiris, íñj'eemo fu faafuun aŋarkeyi naane íñje ijabe fu iwaareuun Hirim Heetoofe hu.

2 Korent 10:12

Irikañenut kaliikool, man yooŋ n'iriŋes kareyi ni bakaaku kiŋki kajokooro bakan kómbokun. Tu boko kumuumiin t'ifi kaliik, tu boko kumuumiin yooŋ t'ifi kaliikoolo. Diyu búsoŋotoiit?

2 Korent 10:18

Ábuki kiŋki kanoŋk keesokorooro, bókoiit katoofe fu Atemit. Aaa, keetoofo ku kaamo fu kaŋk'anoŋk eesokoroor.

2 Korent 10:8

Maske ihaŋahaŋ kamaku dikee iŋ'ite sembe s'Anahaan u awune su uni. Bare ijeit bufuño, ábuki sembe sondu síteiit kábujuuun, so site káhinuuun ariihaŋ kayanu ti káyilen ku.

2 Korent 12:11

Íhamina fu naane an eewene, bare aruun aritiŋgam fu. Aruun ariwaram fu yéeni kámuuru, ábuki hutoof yooŋ inooto doon tus, siñaab soonuun sans'ariene boko kaamo «*epotor kómbokun», bokondu kahaŋutam tu doon fe.

2 Korent 12:19

Hahiyu tíme ariena man uni írihaminuun atoof iye kaanuku iriiŋes ekooŋ t'aruun, bare me? Aaa kújakuwe, aruun k'írimaŋie-maŋie ku, írihaminuunhamin hágila Atambatun naane eroka bakate *Kiris, abe irisokuunsok bonde fe kaanuku man n'arihaŋ kayanu ti káyilen ku.

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

2 Korent 5:12

Úniiit iŋk'irisooñ íriyemi ti jímak t'aruun; uni iriemo ti káwufooruun bítim kaanuku ariisaŋgoor n'uni. Iyu, n'aŋ'áriyini kásafin kiŋki kasok t'uni. Bokondu iŋi kasaŋgoor ni beejukanee bu keewas beeemo bu t'éhinda suhol su.