2 Korent 10:1 - Kwatay (Kuwaataay)

¹ Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak:

2 Korent 10:1 ပူးပေါင်းရင်းမြစ်များ

Májiye 11:29

Arijam t'íñje, abe n'ariwasam íiwuforooruun, ábuki íneenaneeni abe iŋ'ímuñ yooŋ; n'aŋ'ariyih.

Májiye 21:5

«Ariene bakate ku *Siyoŋ: “Arijuk, áyi oonuun abin fii t'aruun. Aŋ'áneeni naane, abe asirasiro t'afuw ite embam.”»

Epotor i 8:32

Bonde b'áyemie fu ti kajaŋga ku ti *Míkiñjin mu: «Ámoomi naane ékarniina yeeyitee bija kamootu, naane ametek eekoowane kem o ti kayiselee: asokut hirim hifeeneŋ.

Eleetar i yi Pool akiñje i bakate ku Rom 10:20

Atambatun atiŋgatiŋg yooŋ Esayi eeene: «Keeŋesutam ku yéeni kajukam fu, abe n'ifeeñ ti keeruwutam ku.»

Eleetar i yi Pool akiñje i bakate ku Rom 12:1

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Eleetar i yi Pool akiñje i bakate ku Rom 15:15

T'eleetar yende bare, bike iŋ'íbaŋinanuun bo akuur but, ínuuseit. Íhinahin bo aŋarkeyi naane Atambatun, ti kajaku koone áhinamhin

1 Korent 2:3

Iŋ'ite ho h'ibine fu t'aruun ni kabajaate kúuma sembe, ti kábitu yooŋ ekoloowe yéekinineŋ.

1 Korent 4:10

Ésuk i ejokajok uni bakan keewene iŋ'ite hu Kiris, bare aruun aŋ'ariene áriwesinatawesinato iŋ'ite hu Kiris! Irijokeejok bakan keebajut sembe, bare aruun aŋ'ariene aribajabaj sembe! Irihuufeehuuf, bare aruun arijokeejok nu sumoŋu súsuba!

1 Korent 4:21

Naŋ n'árimaŋie fu? Ibin t'aruun nu hunuk, man yooŋ ibin íiwufooruun kámaŋi ku, ni káneeni ku yooŋ?

2 Korent 10:10

Ábuki bakaake iŋi kaane: «Bileetar bite Pool búsufasuf, béetaañie káhinu taŋ b'af'asok. Abe bare af'abin beebe, aŋ'áhin naane an eebajut sembe, abe áyiniaariit yooŋ káhamin naane ewaaraa i kómbokun ku.»

2 Korent 10:2

atum'aritiŋgam iibin ibaj butum kane ija ibin. Bakaake t'aruun iŋi kaane manoŋkar mite m'uni, mo naane mite mu bakate ku t'etaam ye. Náami kane ija ibin, bukuuramkuur kaanuku íñje kabaju tu boko butum.

2 Korent 10:7

Arijondoman jak tu buroon bu. Ufu bukuur ake kaanuku akina an ite Kiris, aja ámeyi kaanuku uni yooŋ bakan bakate Kiris naane akina.

2 Korent 11:21

Uni bare iribajut sembe, írihinutuun iyu. Kame arija ariboŋket uni! Hahiyu íihamin naane esoŋ. An af'akañen kamaku ti bike, íñje yooŋ íyinooni káhinu bo.

2 Korent 11:30

Makamu iwarawar kamaku, íñje kamaku tu buroon béewufoore bu kabajaate kúuma kite sembe su.

2 Korent 12:5

Íñje kamaku ániine ondu, bare it'imak hikee tu buroon b'íhine, kane arko taŋ ti béewufoore bu kabajaate kúuma kite sembe su.

2 Korent 3:12

Eyakar yendu y'iribaje i ékinineŋe fu kikaw kite k'uni ni kiyaŋg iŋ'iriwaare Hirim Heetoofe hu.

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

2 Korent 7:4

Hikawam hiyaŋgayaŋg t'aruun dómbokun, abe n'aruun n'if'isaŋgoor. Naane aamo i iŋ'irijuk sílaam fe, hikawam iŋi hiyaŋg piŋ, abe iŋ'itoofan dómbokun.

Galasi 4:13

Árimoomi kaanuku hítiyar hu dók h'isokuun hu Hirim Heetoofe hu, kásomut kúuma kuwunam fu bítim bondu.

Galasi 5:2

Íñje Pool eenuun i: af'árisik kikawuun arinaŋ ti *kateyi karam kaanuku man n'ariloh Atambatun, Kiris man aŋk'abaj t'aruun éñjeriŋ.

Efees 3:1

Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Fílip 4:5

Áriwufoor ésuk i fe kaanuku árineenaneeni. Anahaan u bibin memee.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

2 Tesalonik 3:17

Kasaafu konde, íñje Pool inoŋke fu iikiñj ko n'emoŋiam. Iye if'ihabanoor bileetar búuma bireyi fe. Diye makiñjar múuma.

Filemoŋ 1:19

Íñje inoŋke fu iikiñj bonde n'emoŋiam: íñje Pool, íñje kajaamii. (Iyakuti kábaŋinan kaanuku awe humuumi á̱kookiam dike doon: do deemo fu buroŋ búuwe.)

Filemoŋ 1:9

Bare íñje kalawii bonde aŋarkeyi naane wáamaŋiooramaŋioori. Íñje Pool t'ihaane dee, abe yooŋ hahiyu ikuleekul aŋarkeyi naane iŋ'irok bija ti Yesu Kiris,

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.