1 Timote 6:4 - Kwatay (Kuwaataay)

⁴ an ondu an eeyitooree, abe ámeyiit doon. Kámaŋi kite sulob su, ni síjeeŋoor su iŋ'ite kirim ku kúmoomi te o naane kásomut. Toko ti bíhiñanoor bu t'ufu búnuutin, ni síñakoor su, ni bílafatinool bu, ni biyinoor beejakut bu ti bakaaku,

1 Timote 6:4 ပူးပေါင်းရင်းမြစ်များ

Epotor i 15:2

Pool ni Barnabas ni kaaniin tókoiit, abe ni kájeeŋoorin ásuf tu bondu. N'ajamoor kaanuku Pool, ni Barnabas, ni bakaake bakate Antiyoos bija Serusalem, keeja keesok bondu *epotor i ni *sifaaf su.

Epotor i 18:15

Bare makamu aruun arijeeŋoore iŋi kirim, nu kuruwu, n'eluwa yeenuun, bondu boonuun. Ímaŋiit kákotin bondu!

Epotor i 8:9

N'abaj ake ániine álugusa éeyemie ti hikinu hondu huruwu hoone Simoŋ. Afiyaa ti kajahal bakate ku Samari fe, abe n'aŋ'aaniin akina an ómbokun.

Eleetar i yi Pool akiñje i bakate ku Rom 12:16

Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.

Eleetar i yi Pool akiñje i bakate ku Rom 13:13

Únoŋk ajakee naane aa anoŋkee mijiniŋga raŋgaw. Úwas buñoofo beehahe bu, n'éwusan i; úwas huŋotu hu ni bakan k'úseñeit ku, nu bufurukato bu; úwas síheñjeŋoor su, ni bíhiñanoor bu.

Eleetar i yi Pool akiñje i bakate ku Rom 14:1

Arijok áwariee bakan keebajoorut ku káyilen keeyane, abe atum'arisok meejakut tu boko iŋ'ite bimbi kayinoor.

Eleetar i yi Pool akiñje i bakate ku Rom 2:8

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

1 Korent 11:16

An af'asooñ ámaŋi síjeeŋoor tu bondu, ámeyi bonde: iyu if'írihin, uni ni bakate ku Atambatun *kéeyilene ku.

1 Korent 11:18

Bítiyar bu beemo fu kaanamyen af'arikuukanooro áriiyemi ti kalawu Atambatun, aŋ'áriwaajinoor, abe ijaja bo káyilen.

1 Korent 3:18

An atum'abuut hikawo: ake t'aruun af'aliik ti bakate ku t'etaam ye n'aane áwesinatawesinato, aja áyemi t'ésuk i naane an eewene, t'áami nu múniyo áwesinatawesinato.

1 Korent 3:3

ábuki buroŋ boonuun búmoomi naane bite bu bakate ku t'etaam ye. Naane aamo i aŋ'arihiñanoor abe yooŋ aŋ'ariheñjeŋoor, eeman aamo fu árimoomi naane bakate ku t'etaam ye, máhinar moonuun yooŋ naane mite bakate ku t'etaam ye?

2 Korent 11:20

Aŋ'árimuñ kane káhinuun naane búsukateen, ni kane kameruun, ni kane kabuutuun, ni kane kaheebuun, ni kane karofaŋatuun.

Galasi 5:15

Bare af'aŋ'aritakoor, abe n'aŋ'arinufanoor, arinaŋ toko kikawuun kaanuku atum'aribin áribujoor.

Galasi 5:26

Utum'úyitooro, utum'uŋ'úlob, utum'uŋ'úhiñanoor yooŋ.

Galasi 6:3

An af'ayinoor ti hikawo n'aane akina an ómbokun, abe bare anooto doon fe, an ondu abuuta hikawo.

Fílip 1:15

Múniyo bakaake tu boko iŋi kawaare bite bu Kiris aŋarkeyi naane kahiñanamhiñan, abe yooŋ ti síñakoor; bare bakaaku iŋi kawaare bo nu búwejet beekuure but.

Fílip 2:14

Doon fe d'ariemo ti káhinu, atum'arifutanoor, síñakoor yooŋ itim sibaj toko,

Fílip 2:3

Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

Kolos 2:18

Kiŋki kaane eni awareewar káhihinoor, emalaka i yooŋ kawareewar kásukaay, atum'ariwasiin iŋi katinanuun. Iŋi kasokorooro uŋu buroon bimbi bifeeñiin. Biyinoor booniin bite bu t'etaam ye iŋi bitiŋgiin keeyitooro, abe yooŋ bibajut éñjeriŋ.

2 Tesalonik 2:4

O kajeeŋan doon fe deenabe, nu doon fe déesukaayee. O kaanu ahaŋahaŋ bokondu fe. O bija ayak ayooso *t'Enuuf ite Atambatun eeriiko toko, abe n'aŋ'aane akina humuumo aamo fu Atambatun.

1 Timote 1:4

A̱aniin kawas kúsuwanooru kondu, ni kájatinanoor kite kuruwu kite sifaaf su kéehabanaariit kii. Bondu fe iŋi bíyitin síjeeŋoor. Búyokunanaariit an éehin burok bite Atambatun, beeemo bu iŋi bíhinee ni káyilen.

1 Timote 1:7

Iŋi kaane boko kaamo eliikena ésuk i eluwa yite Atambatun, bare naane káwoolue i kikawiin fe, kájokaariit naŋ n'ifi kasok, kámeyiaariit yooŋ bimbi kaliiken ésuk i.

1 Timote 3:6

Hikaw hite bakan kéeyilene awarut káyemi an eefiyeit ti bítim bite *Kiris; n'aŋ'ajendan biyitooro, abe Atambatun n'aŋ'ajoonano naane ajoonane i Setani.

2 Timote 2:14

Bondu b'a̱ware fu kábaŋinan ésuk i ko kireyi fe. Á̱haminiin ayanee hágila Atambatun a̱aaniin itim'iŋi kalob iŋ'ite kirim. Bondu bibajut éñjeriŋ, kane arko taŋ kábuju sihel site keeemo ku ti bajamatan bu.

2 Timote 2:23

Bare síjeeŋoor seeñunut, seebajut yooŋ éñjeriŋ, a̱tey so. Á̱moomi kaanuku iŋi sísikin síheñjeŋoor.

2 Timote 3:4

Boko kásiku bakan kasaan bakaake, ni káhin yooŋ buroon beeñunut, abe ni kayitooro. Kámaŋi kite beetoofiin bu kihaŋe fu tu boko kámaŋi kite Atambatun.

Eleetar i yi Pool akiñje i Tit 3:9

Bare a̱tey síjeeŋoor seeñunut su, ni báhamin bu uŋu kuruwu kite sifaaf site kóŋkeyin, ni síheñjeŋoor su, man yooŋ síñakoor su tu buroon bite *Eluwa yite Moyis. Bondu fe bijarut, abe bibajut éñjeriŋ.

Saak 1:19

Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat;

2 Piyeer 2:12

Bare bokondu iŋi kanoŋkooro kéehin naane bíndakakureŋ béemuusut, bite bibin kajokiee abe nu buyoolee, ábuki iŋi kálafatin bi kámeyiit bu. Boko kayooliee naane bíndakakureŋ bu.

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.

Eleetar i yi Sud akiñje i 1:10

Bare háyine hondu iŋi kálafatin bi kámeyiit bu. Abe buroon bimbi kanoŋkooro kéehin naane bíndakakureŋ bu, bondu yooŋ bija fu kátowutaniin.

Eleetar i yi Sud akiñje i 1:16

Bokondu burokiin kawatan ésuk i taŋ, kámusut hikee katoofan; beetoofiin bu taŋ b'ifi káhin. Báhamin booniin fe jímak, abe ñutum ñu aŋ'atoof naane kaanuku keebaj t'ésuk i doon.

Kafeeñal ku 3:17

Aŋ'a̱ane: “Íñje husaanum, íyekia ebaj, iŋkut isawula doon fe.” Bare á̱meyiit kaanuku á̱fuñinania, á̱tumba yooŋ á̱yubinani! A̱bajut doon fe, á̱fuumafuum, aw'ondu yooŋ fuufii.