1 Timote 6:3 - Kwatay (Kuwaataay)

³ An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

1 Timote 6:3 ပူးပေါင်းရင်းမြစ်များ

Májiye 22:21

Ni kaano: —Áyi ómbokun eeemo u Rom. Náami Yesu eeeniin: —Yooh! Kame arijaam áyi ómbokun eeemo u Rom buroon b'akino bu, Atambatun yooŋ buroon boone.

Májiye 28:20

abe n'ariliikeniin kéehin buroon b'isokuun bu fe. Abe n'árimeyi bonde: íñje káyemi n'aruun ko kireyi fe, ayak abin áami yooŋ etaam i emoosena.

Eleetar i yi Pool akiñje i bakate ku Rom 16:17

Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,

1 Tesalonik 4:8

Iŋ'ite ho aamo fu an eeteñekee hirim hondu, húŋgowulaniit h'ateñekee fu, bare Atambatun aa awunuun Búwejet boone Beenabe bu a ateñekee fu.

1 Timote 1:10

Aŋ'áhinee yooŋ bija ti kiŋki kaŋot ni bakan ki kaseñeit, ni kiŋki kaŋot ániine n'ániine naane ániine aa aŋot n'anaare, ni kiŋki kajoohen búsukateen bu, n'ejuusa i, ni kiŋki kaseede bite haajuus hu, ni kiŋki káhin baabu buroon fe beewayee bu ni b'ariliikene bu bite bu nu múniyo.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

1 Timote 1:6

Bakaake káwuŋgawuŋg bondu kiñaawu, abe iŋi kayiil ti báhamin beeñunut.

2 Timote 1:13

Kirim kite ku nu múniyo k'a̱bine ku a̱jam t'íñje, a̱neefan te ko ti manoŋkar múuwe. A̱jok alitee ti káyilen ku, abe n'á̱maŋi húŋgowulan ni kámaŋi kéenuutina ti Yesu Kiris.

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Eleetar i yi Pool akiñje i Tit 1:9

Awarawar kajoku alitee ti hirim hite hu nu múniyo, heeriibe hu ni b'aliikenee bu. Af'áhin bondu, n'aŋ'áyini kayaŋganan bakaaku kikaw ti bamb'aliikeniin beejoŋoore bu. N'aŋ'áyini yooŋ káwufoor kiŋki kateñeko hirim hu te naŋ ti katine fu.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.