1 Timote 6:2 - Kwatay (Kuwaataay)

² Búsukateen bu keeemo ku kéekiniiin ku káyilenayilen ti Kiris, kawarutiin kaheebu, ábuki boko bakatiiin ti bítim bu. Bare kawarawar karoku bija tu boko ahaŋee, ábuki kiŋki káñjeriŋ ii n'ésuwa yeeniin, bokondu bakan kéeyilene, abe kámaŋieemaŋi. Bonde b'a̱waare fu kaliiken ésuk i, abe n'á̱haminiin bo ayanee.

1 Timote 6:2 ပူးပေါင်းရင်းမြစ်များ

Májiye 23:8

Bare aruun fe baatiaay; iŋ'ite ho aamo fu ariwarut kajokiee naane émuse, ábuki Ámuse afeeneŋ taŋ a aribaje fu.

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Májiye 6:24

—Abajut an éeyinie kájeŋgin kunahaan bákasuba y'afeeneŋ. O kahaŋu kámaŋi ake, o yooŋ kahaŋu kájeŋgin ake. Ariyinaat kajoku t'Atambatun, abe n'arijok yooŋ ti sírirem.

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Eleetar i yi Pool akiñje i bakate ku Rom 11:17

Bakate ku *Israyel kámoomi naane *núolifiye neenawee, abe bike biland ni bifiitee. Aruun keenooto ku Esuwif n'áriyemi naane biland bite nike neenoŋke néelooñin, abe ni bísikee beesukenee ti baabu bifiitee du. Hahiyu halan huhu húnuutin ti kíjiŋ kite nunukanuk nondu neenawee nu ufu huwunuun sembe.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Efees 1:1

Íñje Pool eeemo u *apotor ite Yesu *Kiris naane t'Atambatun ámaŋie du, íkiñjinuun fee aruun bakate ku Efees k'Atambatun akino ku, kéejeŋgine ku Yesu Kiris.

Efees 1:15

Iŋ'ite ho aamo fu huta h'iŋ'ibin ijam kaanuku áriyilenayilen t'Anahaan u Yesu, nu buŋ b'árimaŋie fu yooŋ bakan k'Atambatun akino ku fe,

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Kolos 1:2

aruun bakate ku Kolos k'Atambatun akino ku. Aruun bakati uni ni bákaniin uni kéejeŋgine ku Yesu Kiris: Atambatun Faaf úne aja ásoniyanuun, abe n'awunuun káasuumaay.

Kolos 1:4

Iŋ'irieno eyeehen ábuki irijamajam kaanuku áriyilenayilen ti Yesu Kiris, abe n'árimaŋi yooŋ bakan ku fe k'Atambatun akino ku.

Kolos 4:1

Aruun kéekinie ku búsukateen bu, arijokiin majokar meejoŋoore abe nu mújub. Áribaŋino kaanuku aruun yooŋ aribajabaj ake éekiniuun, abe ondu t'etiir bufor bu.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

1 Timote 4:11

Á̱hamin ésuk i bondu ayan faŋ, abe n'a̱liikeniin bo yooŋ.

1 Timote 5:1

Atum'aŋ'a̱futanoor ti híhaaniin, bare a̱saaho á̱ahamin ne o naane aa á̱hamin ni faafi. A̱jok yooŋ ehaawa i naane bakatii.

Eleetar i yi Pool akiñje i Tit 2:1

Tit, awe bare a̱liiken ésuk i beeriibe bu ni beeliikenee bu beejoŋoore bu.

Eleetar i yi Pool akiñje i Tit 2:15

Bonde b'a̱ware fu kaliiken ésuk i. A̱yaŋganan kikaw kiŋki kajamatani, abe kéejeŋginaariit ku, n'a̱kamoor tu boko. Á̱hin bondu ayan faŋ, abe atum'a̱was an tu boko eesooŋi.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

Esuwif i 3:1

Kújakuwe, iŋ'ite ho aamo fu aruun keenabe ku, aruun k'Atambatun aruwe ku, arijondoman ti Yesu. Akina a Atambatun aboñe fu éeyemi *asaraha ómbokun u. Íriyilenayilen bondu, abe bo b'if'iriwaare.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

2 Piyeer 2:10

O kahaŋu kaniju ti kiŋki kanaban wúfaŋi weejakut wute siniiin, abe n'iŋi kahuuf hiseefaate hu. Bokondu kiŋki kaliiken ésuk i bite haajuus hu kákoleyiit Atambatun, abe yooŋ iŋi kayitooro. Kájeŋginaariit bakate ku t'etiir kéenike ku, bare iŋi kátumb kálafatiniin.

Eleetar i yi Sud akiñje i 1:8

Háyine hondu kéeyooseina ku t'aruun, iyu yooŋ ifi káhin: kíyawutu kooniin iŋi kitiŋgiin keebuusatan siniiin. Iŋi kahuuf sembe site Atambatun, abe n'iŋi kálafatin emalaka i kéenike ku keeemo ku t'etiir.