1 Timote 5:10 - Kwatay (Kuwaataay)

¹⁰ Awarawar káyemi an éemeyiee tu burok boone beejake bu: an eejoŋoorane bakañio, aŋ'ajok áwariee kiŋki kaja te o, abe yooŋ n'aŋ'añaw wuwot wute *kéeyilene ku. Awarawar káyemi an aŋ'áyokunan yéeni keeemo ku ti sílaam su, abe n'aŋ'áhin yooŋ buroon bánoban beejake.

1 Timote 5:10 ပူးပေါင်းရင်းမြစ်များ

Májiye 25:17

Eesaanee u súsuba su n'áhin mo mifeeneŋ mu, n'asooñ abaj súsuba.

Májiye 5:16

Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

Hirim Heetoofe hu hi Luk akiñje hu 7:38

Anaare u n'asiiŋo bite wuwot wute Yesu, abe n'ayiy. N'alejan wuwot wute Yesu nu muhuw moone. Ahaban, n'atot wo nu wan woone, n'áfoon wo, abe n'átis wo ni mátiso mu.

Hirim Heetoofe hu hi Luk akiñje hu 7:44

Ahaban, n'áwuŋgan inde anaare u abe n'aane Simoŋ: —A̱juka anaare onde? T'awe t'íyooseina fu, abe á̱tumbut a̱wunam móhujo iiñaw wuwotam; bare akina, alejanalejan wo nu muhuw moone, abe n'atot wo nu wan woone.

Epotor i 10:22

Ni kaano: —Korneyi, aseef ite esulaan i áboñina fu uni. Ániine éejube. Ájeŋginajeŋgin Atambatun, abe Esuwif i kareyi fe iŋi kasok te o beejake. Ake amalaka ite Atambatun aanoen aruwi bija te o, eeja eejamatan naŋ n'a̱ja fu kasoku koone.

Epotor i 22:12

«Ake ániine éejube ámoomi bo iŋi kaano Anañas. Ajokajok *Eluwa yite Moyis dómbokun, abe Esuwif i bakate ku Damas fe iŋi kasok te o beejake.

Epotor i 6:3

Kújakuwe, iŋ'ite ho aamo fu arijifan t'aruun háyine kaamo hutok ni bákasuba kéewoore, keehooje bib nu Búwejet Beenabe bu, abe ni káwesinato yooŋ, iriisaaniin burok bondu.

Epotor i 9:36

N'abaj ake anaare ti bakate ku Sope *kéeyilene ku, huruwu hoone Tabita (ti *kigerekaay iŋi kaane «Dorkas», aamo fu «huboŋk»). Anaare ondu, buroko káhinu meejake kep, ni káyokunan keebajut ku.

Epotor i 9:39

Piyeer n'arito eeriboor nu boko. H'areeŋe hu, ni kaja ne o t'anuuf atiira u. Haare hu ki bákayiniin kakete ku ni kálohino ti biyiy kep. Ni káwufooro wújufa wu ni waawu wañ wu Dorkas aroke wu akina buroŋ.

Eleetar i yi Pool akiñje i bakate ku Rom 12:13

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

1 Timote 2:10

Bare káwari kooniin kuwarawar káyemi kanoŋku ajakee; bondu bijake fu ti haare keeene kájeŋginajeŋgin Atambatun.

1 Timote 3:2

Hikaw hite bakan kéeyilene awarawar káyemi an eeyinaatee kawatan tu doon. Anaare afeeneŋ taŋ a aware fu kabaju, abaj hikaw, ájokumooro, abe buroŋ boone nu bújub. Awarawar kajoku áwariee kiŋki kaja te o, abe n'áyini kaliiken ésuk i bite b'Atambatun.

1 Timote 3:7

Awarawar kabaju huruwu heejake ti kéeyilenut ku, kaanuku man itim kabin kasok te o beejakut, abe Setani n'ajoko t'éfiir yeene.

1 Timote 5:16

Anaare éeyilene af'abaj t'ebuke yeene bakaake ki bákayiniin kakete, awariinwar káyokunan. Atum'asejan bondu kéeyilene ku. Af'áhin iyu, kéeyilene ku n'iŋi káyini káyokunan ki bákayiniin kakete ku abe kabajut an.

1 Timote 5:25

Burok beejake yooŋ iŋi bímeyiee akuur but. Abe beesoŋkut bu bujukano biyinaatee yooŋ kánuusu hiraanu.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

2 Timote 1:5

Iŋ'íbaŋino káyilen keeyane keeemo ku t'awe. Káyilen kondu k'íñaayi ómbokun Loyis, n'íñaayi Enis kajabe ku kabaj, abe bukuuramkuur kaanuku a̱bajabaj ko yooŋ.

2 Timote 2:21

*Kéeyilene ku yooŋ iyu. An *af'akuuranooro ti meejakut monde m'isoke mu fe, an ondu anokooranokoor n'éndiis yey'énuutannee hunak hite efeet. Atambatun kákajino bija ti bike burok, ábuki o káñjeriŋ an éekinio u, abe o kásikiee aŋ'abin áhin burok bánoban fe beejake.

2 Timote 3:15

Múniyo á̱moomi *Míkiñjin Meenabe mu huta hu awe añi, abe múnoonii kawunu búwesinato. Búwesinato bondu ifi bíhin an n'afak kane áyilen ti Yesu Kiris.

2 Timote 3:17

Iyu a Atambatun áhine fu kaanuku man an eeemo oone n'áyemi an eefaree áhabanein, éeyinie káhinu burok fe beejake.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Eleetar i yi Pool akiñje i Tit 2:7

Awe humuumi a̱warawar iŋi káhinu ajakee tu buroon bu fe man ésuk i n'éhin naane awe. Af'á̱yemi ti kaliiken ésuk i, á̱habann eheli, abe n'a̱sok báhamin beeñune.

Eleetar i yi Pool akiñje i Tit 3:1

Aŋ'á̱baŋinan *kéeyilene ku kaanuku kawarawar kajamu ti keeemo ku t'éŋguur i fe. Kawariinwar kájeŋgin, abe ni kafare káhinu buroon beejake bu fe.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

Eleetar i yi Pool akiñje i Tit 3:8

Hirim honde héewoore. Ímaŋamaŋi a̱sooñoor tu bonde b'isoke bee, man kéeyilene ku t'Atambatun ni kanaŋ toko kikawiin iŋi káhin buroon beejake. Bondu bijake fu tu húŋgowulan, abe ni bíñjeriŋo.

Esuwif i 10:24

Úyinoor naane úyino i kawunoor sihel kaanuku man n'úhaŋ kámaŋioori, abe n'uŋ'úhinoor yooŋ meejake mu.

Esuwif i 13:2

Atum'arifiil kaanuku ariwarawar kajoku áwariee emoosoora i kiŋki kawanan t'aruun. Bakaake káhinahin iyu, ni kahaŋ kawanan tu boko emalaka ti kámeyiit.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Piyeer 4:9

Ariwananoor atoofee tu sunuuf soonuun, atum'aŋ'arifutanoor.

3 Saaŋ 1:12

Ésuk i ereyi fe eŋ'esok beejake ti Demetiriyus, abe humuum múniyo mu múwufoorawufoor kaanuku bite toko. Uni yooŋ iriseedoseede beejake, abe á̱moomi kaanuku bimb'irisok bite toko.