1 Timote 5:1 - Kwatay (Kuwaataay)

¹ Atum'aŋ'a̱futanoor ti híhaaniin, bare a̱saaho á̱ahamin ne o naane aa á̱hamin ni faafi. A̱jok yooŋ ehaawa i naane bakatii.

1 Timote 5:1 ပူးပေါင်းရင်းမြစ်များ

Májiye 23:8

Bare aruun fe baatiaay; iŋ'ite ho aamo fu ariwarut kajokiee naane émuse, ábuki Ámuse afeeneŋ taŋ a aribaje fu.

Epotor i 14:23

Ti kéeyilene kaamo fe, n'iŋi kajifaniin bakan kéeyemi *sifaaf su. Iŋi *kawoor, abe ni kalaw bija tu boko. Kahaban, n'iŋi kawasiin tu sumoŋu Anahaan u i kayakare u te o.

Epotor i 15:4

Hi kareeŋe hu Serusalem, kéeyilene ku, n'epotor i, ni sifaaf su ni kajokiin áwariee. Pool ni Barnabas ni kasokiin naŋ n'Atambatun áhine fu nu boko fe.

Epotor i 15:6

Epotor i ni sifaaf su ni kakuukanooro keeñaŋoor bondu.

Epotor i 20:17

H'irireeŋe hu Mile, Pool n'aboñ bite *sifaaf site bakate ku Efees *kéeyilene ku.

Eleetar i yi Pool akiñje i bakate ku Rom 13:7

Aribatikan huruw-ruw fe doon d'áriyekio du: arijaam búhal bu an ariware u bo kajaamu, arijaam yooŋ júuti i an ariware u yo kajaamu. Árijeŋgin k'ariware ku kájeŋgin, abe n'arijam ti k'ariware ku kajamu.

Galasi 6:1

Kújakuwe, an af'ajokee ti káhinu bike beejakut, arijoŋoorano aruun kaŋk'árijeŋgin Búwejet bite Atambatun. Abe bare n'arisaaho te o. Bare arinaŋ kikawuun atum'aribin ariney yooŋ ti kaahoofoor.

1 Timote 5:17

*Sifaaf ifi kajoŋooran áwariee kéeyilene ku, bajaam booniin buwareewar káwutiyen tu kúsuba, áhaŋum ti kiŋki káñiŋkaan ti kawaare ku, ni kaliiken kite ésuk i.

1 Timote 5:2

A̱jok haare hu keehaane ku naane síñaayi, abe búsuŋgute bu, n'a̱jokiin naane bákaniini, n'ehol yeekuure but.

Eleetar i yi Pool akiñje i Tit 2:2

A̱ane háyine hu keehaane ku itim'iŋi káwusan; káhin ajakee, kayinoor yooŋ ajakee, kajok alitee ti káyilen ku, ni kámaŋi ku, ni kámuñu ku.

Eleetar i yi Pool akiñje i Tit 2:6

A̱ane yooŋ húbaakiit hu iŋi kayinoor ajakee.

Saak 3:17

Bare búwesinato béenuutina bu t'etiir, bítiyar bite te bo beemo fu *bukuurakuur. Hunuut toko ni bíyemi bite káasuumaay, ni bíneeni, abe biyaŋgut hikaw. Uŋu buyubiyen dómbokun, abe n'uŋu bubuk kunoŋk keejake. Bújokaariit ésuk i kawayo, abe bútuukaariit.

Saak 5:14

Ake t'aruun af'ásomut, aruw *sifaaf site *kéeyilene ku keebin keelaw bija te o, boko yooŋ ti kátisio éluuliin tu huruwu hite Anahaan u.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

2 Saaŋ 1:1

Íñje faaf u íkiñjinuun fee awe Anaare u a Atambatun ajifane u, ni bakañii. Ítumbatumba ímaŋiuun. Íñjeiit unoonam ímaŋiuun fu, bare ni kéemeyie ku fe múniyo mu.

3 Saaŋ 1:1

Íñje faaf u íkiñjini fee awe Gáyiyus, áwiyam i ímaŋie-maŋie u.

Kafeeñal ku 4:4

Sike siriikeey yooŋ site híyiaate seemo butuman ni sibaakiir suŋoloolaŋolool eriikeey yendu, abe bíhaaniin kaamo butuman ni bakabaakiir kariikariiko te so. Kasiimasiimo wañ weefañje, abe ni kasol búkuhe bite éwurus.