1 Timote 4:7 - Kwatay (Kuwaataay)

⁷ Bare a̱teñeko kúsuwanooru keeñunut ku, keeriibut ku nu múniyo m'Atambatun áwufoore mu úne. Á̱ñiŋkaan kep á̱ajeŋgin Atambatun.

1 Timote 4:7 ပူးပေါင်းရင်းမြစ်များ

Epotor i 24:16

Iŋ'ite ho h'if'íñiŋkaan ko kireyi fe kaanuku man buroŋ búuma ni bíyemi beekuure hágila Atambatun nu kúŋgowulan ku.

1 Timote 1:4

A̱aniin kawas kúsuwanooru kondu, ni kájatinanoor kite kuruwu kite sifaaf su kéehabanaariit kii. Bondu fe iŋi bíyitin síjeeŋoor. Búyokunanaariit an éehin burok bite Atambatun, beeemo bu iŋi bíhinee ni káyilen.

1 Timote 1:9

Bonde b'úware fu kámeyi: eluwa áhinaariitee bija ti kéejube ku. Aŋ'áhinee bija ti ñatuuk ñu ni kéejamaariit ku, kéenafute ku n'ehoofoora i, keeteñekee ku Atambatun nu doon fe deenabe, ni kiŋki kayool sifaafiin man yooŋ síñaayiin, ni kiŋki kayool an.

1 Timote 2:10

Bare káwari kooniin kuwarawar káyemi kanoŋku ajakee; bondu bijake fu ti haare keeene kájeŋginajeŋgin Atambatun.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

1 Timote 4:8

Bímiñooro tu burok ajakajak, bare tu doon diŋgilis. Kájeŋgin Atambatun ajakajak tu doon areyi fe, ábuki eyakar yendu toko yite buroŋ bite hahiye, ni bite bu kóyinokoyin.

1 Timote 6:11

Bare awe eeemo u an ite Atambatun, a̱tey buroon beejakut bondu. A̱ŋes káyemi an éejube, a̱jok t'Atambatun, a̱baj káyilen, á̱maŋi an, á̱muñ, abe n'á̱neeni.

1 Timote 6:20

Óom Timote, a̱jok áwariee doon d'Atambatun ánihani du. A̱tey báhamin beeñunut, beeriibut nu múniyo m'Atambatun áwufoore mu úne. A̱tey síjeeŋoor su tu buroon bite bíhaŋoor búwesinato, abe yooŋ bíteiit nu múniyo.

1 Timote 6:3

An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

1 Timote 6:5

ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

2 Timote 2:16

A̱tey báhamin beeñunut, beeriibut nu múniyo m'Atambatun áwufoore mu úne, ábuki kiŋki kayooso te bo bokondu ti kahaŋu kakambu Atambatun.

2 Timote 2:23

Bare síjeeŋoor seeñunut, seebajut yooŋ éñjeriŋ, a̱tey so. Á̱moomi kaanuku iŋi sísikin síheñjeŋoor.

2 Timote 3:12

Kéemaŋie ku fe káhinu t'afeeneŋ ni Yesu *Kiris, abe ni kajok bítim bite Atambatun, boko káhihinooree.

2 Timote 3:5

Boko káhinu ni kite bayi kabajabaj káyilen, bare boko biteñeko sembe site te ko. A̱kamb bakan kondu!

2 Timote 4:4

It'iŋki kajamatan múniyo mu, bare boko káwuŋgu mo kiñaawu, keejamatan bite kúsuwanooru ku.

Eleetar i yi Pool akiñje i Tit 1:14

Kawarut kajamatan kúsuwanooru kite Esuwif i abe n'aane báhamin. Kawarut yooŋ kájeŋgin buluwa bi háyine hu kéewuŋge ku múniyo mu kiñaawu kanoŋke bu keesiiŋan.

Eleetar i yi Pool akiñje i Tit 2:12

Kajaku koone kiliikenaliiken úne kawasu buroŋ beejakut, nu wúfaŋi wute t'etaam ye, kaanuku man n'úyinoor ajakee hahiye, n'úbaj yooŋ buroŋ beejoŋoore, abe nu bújub t'Atambatun.

Eleetar i yi Pool akiñje i Tit 3:9

Bare a̱tey síjeeŋoor seeñunut su, ni báhamin bu uŋu kuruwu kite sifaaf site kóŋkeyin, ni síheñjeŋoor su, man yooŋ síñakoor su tu buroon bite *Eluwa yite Moyis. Bondu fe bijarut, abe bibajut éñjeriŋ.

Esuwif i 5:14

Bare maanu wéekunde wu, wo wute keehaate ku; buroon bimbi kajuk tu buroŋ booniin biliikenaliiken siheliin kámeyi beejake bu ni beejakut bu.