1 Timote 4:6 - Kwatay (Kuwaataay)

⁶ Af'a̱liiken bondu *kéeyilene ku, n'aŋ'á̱yemi aroka eejake ite Yesu *Kiris. N'aŋ'á̱wufoor kaanuku kirim kite múniyo m'Atambatun áwufoore mu kúkuumani fu, ni bi kaliikeni bu yooŋ béewoore bu. Bondu fe a̱naŋanaŋ bo ti hikawi.

1 Timote 4:6 ပူးပေါင်းရင်းမြစ်များ

Májiye 13:52

N'aaniin: —Náami yooŋ ámuse fe ite *Eluwa yite Moyis, i kaliikene múniyo mite *Jáyi jite Atambatun, anokooranokoor naane ate enuuf éebisinna buroon bíyeni nu buroon beehaane t'ebaj yeene.

Hirim Heetoofe hu hi Luk akiñje hu 1:3

Náami íñje yooŋ, íkandijenakandijen kéemeyie ku naane bije i huta hu ti kájabina ku ayak abin áami bukuuram but. Ijukerajuker, n'eene iikiñj bo yooŋ bujoŋoor júl bija t'awe, awe Téwofil,

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Epotor i 20:31

Náami áriniyo, abe n'áribaŋino kaanuku simit síhaaji lám, kaajiŋgan ni káajiim, iŋ'irim huruw-ruw fe t'aruun iyak iŋ'iyiy.

Epotor i 20:35

Ti bireyi fe, íwufooruunwufoor kaanuku iyu u úware fu karoku núuyokunan keebajut ku, abe n'uŋ'úbaŋino kirim konde k'Anahaan u Yesu asoke ku akina humuumo. Aanaan: “Kawunu ni kasayi, ti kawunu ku ti katoofu kihaŋe fu.”»

Eleetar i yi Pool akiñje i bakate ku Rom 15:15

T'eleetar yende bare, bike iŋ'íbaŋinanuun bo akuur but, ínuuseit. Íhinahin bo aŋarkeyi naane Atambatun, ti kajaku koone áhinamhin

1 Korent 4:17

Bondu bíkinineŋe fu n'íboñinuun Timote eeemo u naane añiam i ímaŋie, abe n'ájub t'Anahaan u. O kábaŋinanuun buŋ bu buroŋ búuma ti bítim bite Kiris beemo fu ariike, abe buroŋ bondu b'if'iliiken ésuk i tánotan ti *kéeyilene ku kareyi fe.

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 3:6

Akina áhine fu uni íriiyini káyemi eroka kaanuku iŋ'iriwaare ésuk i *kaajamoor kíyeni ku. Kaajamoor kondu kukolut n'Eluwa yeekiñjee i, bare nu Búwejet Beenabe bu. Ábuki Eluwa yeekiñjee i eŋ'eyool, bare Búwejet bu uŋu buwun buroŋ.

2 Korent 6:4

Aaa, iŋ'íriwufoor tu buroon bu fe bimb'írihin kaanuku uni eroka bakate Atambatun: iŋ'irituumen dómbombokun ti sílaam su, nu kúnuur ku, nu wútaañi wu,

Efees 6:21

Ati úne Tisik, u úmaŋie-maŋie u, abe n'aŋ'áhin burok bite Anahaan u ajoŋoor júl kasokuuun buŋ b'eemo fu beebe fe, man n'árimeyi te naŋ t'eemo fu.

Fílip 2:20

O unoono taŋ i iribaje fu kaayinoor kifeeneŋ, abe ehelo fe yendu t'aruun.

Fílip 2:22

Bare Timote, arijukajuk naane áwufoore i hinij hoone heejake hu, nu buŋ b'aroke fu n'íñje ti kawaare kite Hirim Heetoofe hu; arokarok n'íñje naane añi aa áyokunan faafo.

Fílip 3:16

Naane biyino i káyemi fe, újoŋoor t'úfiye du újund bija t'úmiye.

Kolos 2:19

Kajokut ti Kiris eeemo u hikaw hite *kéeyilene ku keeemo ku eni yeene. Akina ákinineŋe fu eni i ereyi fe n'ékuumanee, abe n'ejokoor ayan faŋ tu súkulinu su, abe n'eŋ'ehaat yooŋ naane Atambatun ámaŋie i.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Kolos 4:7

Ati úne Tisik u úmaŋie-maŋie u, eeemo u burok uni bifeeneŋ, abe n'aŋ'arok burok bite Anahaan u ajoŋooree, o kasokuuun buŋ b'eemo fu fe.

1 Tesalonik 3:2

abe n'íriboñinuun ati úne Timote aa arok n'uni bija t'Atambatun ti kawaare kite Hirim Heetoofe hu, heesoke hu iŋ'ite hu Kiris. Íriboñinuunboñino kaanuku eeyaŋgananuun kikaw ti bítim bu, abe n'ahaŋ yooŋ kalitan káyilen koonuun.

1 Timote 1:10

Aŋ'áhinee yooŋ bija ti kiŋki kaŋot ni bakan ki kaseñeit, ni kiŋki kaŋot ániine n'ániine naane ániine aa aŋot n'anaare, ni kiŋki kajoohen búsukateen bu, n'ejuusa i, ni kiŋki kaseede bite haajuus hu, ni kiŋki káhin baabu buroon fe beewayee bu ni b'ariliikene bu bite bu nu múniyo.

1 Timote 4:16

A̱naŋ toko hikawi tu buroŋ búuwe, ni ti bamb'a̱liiken ésuk i. A̱jok tu bondu alitee. Af'á̱hin iyu, n'aŋ'a̱fak, kiŋki kajamatani yooŋ n'iŋi kafak.

1 Timote 6:3

An af'aliiken ake bike beewayee, abe n'ateñeko kirim kite ku nu múniyo kite k'Anahaan ite úne Yesu *Kiris, nu bumb'úliiken ésuk i beeriibe bu nu múniyo m'Atambatun áwufoore mu úne,

2 Timote 1:6

Iŋ'ite ho aamo fu íñje kábaŋinani bonde: doon d'Atambatun ánihani du h'ibine hu ísit t'awe sumoŋiam, atum'a̱kananoor ne do.

2 Timote 3:10

Awe bare á̱moomi akuur but bimb'iliiken ésuk i, nu hunoŋk húuma, ni b'iŋese bu tu burok búuma, ni káyilen kúuma, ni kámuñu kúuma, nu buŋ b'ímaŋie fu ésuk i, nu buŋ b'if'ijok alitee,

2 Timote 4:3

Ábuki bibin birko ésuk i it'iŋki kámaŋi kajamatan bimbi kaliikenee bite bu nu múniyo. Boko kajoŋoor nu wúfaŋi wooniin. Boko kaŋesu bakan keehooje iŋi kabin kaliikeniin bimbi kámaŋi kajamu.

Eleetar i yi Pool akiñje i Tit 2:1

Tit, awe bare a̱liiken ésuk i beeriibe bu ni beeliikenee bu beejoŋoore bu.

1 Piyeer 2:2

Áriyemi naane bilekej: naane ii kámaŋi miin mite síñaayiin, árimaŋi yooŋ ko kireyi fe míis meekuure mite Hirim hite Atambatun, man n'árijuw mo ariihaat, abe n'arifak.

2 Saaŋ 1:9

An fe eejokut ti bi Kiris aliikene bu úne, abe n'aŋ'atofanan bo, an ondu anooto n'Atambatun. An eejoke ti bi Yesu Kiris aliikene bu úne, an ondu ondu ni Faaf u, ondu yooŋ n'Añi u.

Eleetar i yi Sud akiñje i 1:5

Naane ariheeke i fe áriimeyi bonde b'ija bee kasokuuun, íñje bare kábaŋinanuun bo. Atemit afakane fu bakate ku *Israyel fe t'ésuk ite *Esipt, bare keeteñekee ku káyilen tu boko, n'ayooliin.